فوتو: Polisia.kz
ٸشكٸ ٸستەر مينيسترلٸگٸ «زاڭ مەن تەرتٸپ» قاعيداتى اياسىندا جٷرگٸزگەن ارنايى وپەراتسييا بارىسىندا الماتى وبلىسىنان جاسىرىن ەسٸرتكٸ زەرتحاناسى انىقتالىپ, ونىڭ قىزمەتٸ توقتاتىلدى. Polisia.kz تاراتقان مەلٸمەتكە سەيكەس, وپەراتسييا شۋ قالاسىنان الماتى وبلىسىنا دەيٸن «باقىلاناتىن جەتكٸزۋ» ەدٸسٸمەن جٷزەگە اسقان.
قاراساي اۋدانىنا قاراستى «تۇرار باقشاسى» ەلدٸمەكەنٸندە ورنالاسقان زەرتحانادا سينتەتيكالىق ەسٸرتكٸ ٶندٸرۋ جەنە ونى تاراتۋ ٸسٸمەن اينالىسقان قىلمىستىق سحەما جويىلدى. ونى كٶرشٸ ەلدٸڭ ەكٸ ازاماتى ۇيىمداستىرعان.
جەدەل ٸس-شارالار بارىسىندا 11 كەلٸدەن استام «مەفەدرون» ەسٸرتكٸسٸ تەركٸلەنٸپ, شامامەن 35 مىڭ بٸر رەتتٸك دوزا اينالىمعا تٷسپەي قالدى. ونىڭ قارا نارىقتاعى قۇنى 1,6 ميلليون اقش دوللارىنا باعالانادى.
زەرتحاناعا جٷرگٸزٸلگەن تٸنتۋ كەزٸندە قوسىمشا 20 ليتر جەنە 115 كيلوگرامم پسيحوتروپتىق زات, سونداي-اق ەكٸ توننادان استام پرەكۋرسور (ەسٸرتكٸ دايىنداۋعا قاجەتتٸ حيمييالىق زاتتار) تەركٸلەنگەن. ماماندار بۇل كٶلەمنەن شامامەن 120 كيلوگرامم سينتەتيكالىق ەسٸرتكٸ دايىندالۋى مٷمكٸن ەكەنٸن ايتىپ وتىر. وسىلايشا, قىلمىستىق ورتاعا 17,5 ميلليون اقش دوللارى كٶلەمٸندە زالال كەلتٸرٸلدٸ.
كٷدٸكتٸلەر ۋاقىتشا ۇستاۋ يزولياتورىنا قامالدى.
