© Sputnik/ەرتاي سارباسوۆ
الماتىدا بٸرنەشە كٶشەنٸڭ اتاۋى اۋىسادى, دەپ حابارلايدى قالالىق مەسليحات.
مەسليحاتتىڭ مەلٸمەتٸنشە, تۇرعىنداردان قالا كٶشەلەرٸنە قازاقستاننىڭ بەلگٸلٸ ٶنەر قايراتكەرلەرٸ: ەنشٸ ەرمەك سەركەباەۆ, كومپوزيتور ەسكەندٸر حاسانعاليەۆ, اكتەرلەر يۋريي پومەرانتسەۆ پەن ۆلاديمير تولوكوننيكوۆتىڭ ەسٸمٸن بەرۋ تۋرالى ٶتٸنٸشتەر كەلٸپ تٷسكەن.
قالالىق مەسليحات شەشٸمٸنٸڭ جوباسى بويىنشا:
بوستاندىق اۋدانى يۋ.گاگارين داڭعىلىنىڭ ك.تيميريازەۆ كٶشەسٸنەن ەل-فارابي داڭعىلىنا دەيٸنگٸ بٶلٸگٸنە ەرمەك سەركەباەۆ;
ەۋەزوۆ اۋدانى يۋبيلەينايا كٶشەسٸنە ۆلاديمير تولوكوننيكوۆ;
تٷركسٸب اۋدانىنىڭ "جاس قانات" شاعىن اۋدانىنداعى اتاۋى جوق كٶشەگە ەسكەندٸر حاسانعاليەۆتٸڭ ەسٸمٸن
بوستاندىق اۋدانىنداعى اتاۋى جوق كٶشەگە يۋريي پومەرانتسەۆتٸڭ ەسٸمٸن بەرۋ جوسپارلانعان.
شەشٸم جوباسى رەسپۋبليكالىق ونوماستيكا كوميسسيياسىنىڭ قاراۋىنا جٸبەرٸلەدٸ.
