الماتىدا قر قارۋلى كٷشتەرٸنٸڭ ەسكەري قىزمەتشٸلەرٸ قالا كٶشەلەرٸ مەن عيماراتتارىن, قوعامدىق ورىنداردى دەزينفەكتسييالاۋ جۇمىستارىن جٷرگٸزٸپ جاتىر, دەپ حابارلايدى "ۇلت اقپارات".
قالا بويىنشا زارارسىزداندىرۋ جۇمىستارىنا الماتى گارنيزونىنىڭ 2 مىڭعا جۋىق ەسكەري قىزمەتشٸسٸ جۇمىلدىرىلعان.
ارنايى بٶلٸمشە قىزمەتكەرلەرٸ الماتىداعى 248 نىسان: مەكتەپ, بالاباقشا, بالالار الاڭى, ەمحانالار, تەرمينالدار ايماعىن زارارسىزداندىردى.
سونىمەن قاتار قر قارۋلى كٷشتەرٸنٸڭ ارنايى بٶلٸمشەلەرٸ اۆتوبۋس ايالدامالارىن, تروتۋارلاردى, اۆتوكٶلٸك تۇراقتارىن دەزينفەكتسييالايتىن بولادى.
ول ٷشٸن جەكە قۇرام قاجەتتٸ ارنايى تەحنيكامەن, دەگازاتسييالىق كوستيۋمدەرمەن, زارارسىزداندىرۋ سۇيىقتىقتارىمەن قامتىلعان.
«بٸزدٸڭ باستى ماقساتىمىز – ينفەكتسييانىڭ تارالۋىن توقتاتۋ. كوروناۆيرۋستىڭ جاڭا تٷرٸ اۋادا 3 ساعاتتاي, زاتتاردىڭ ٷستٸندە 48 ساعات تۇرادى دەگەن ماعلۇمات بار, اۋا ارقىلى جۇقتىرۋ قاۋپٸ جوعارى. سوندىقتان, كٶشەلەر مەن قوعامدىق ورىنداردى دەزينفەكتسييالاۋ – جۇمىستىڭ اسا ماڭىزدى باعىتى. بٷگٸندە جالپى كٶلەمٸ 1 ملن 392 شارشى مەتر بولاتىن 81 نىسان زارارسىزداندىرىلدى. وعان 500 ادام 24 تەحنيكا جۇمىلدىرىلدى», - دەدٸ مايور الماس قاسىمحانوۆ.
ايتا كەتۋ كەرەك, كارانتين رەجيمٸن ساقتاۋ اياسىندا 21 بلوكبەكەتتە 230 ەسكەري قىزمەتشٸ قىزمەت ەتٸپ جاتىر.
وسى ۋاقىتتا قازاقستاندا كوروناۆيرۋس جۇقتىرعانداردىڭ سانى 97-گە جەتتٸ.
