«قازاۆتوجول» كومپانيياسى «الماتى-قورعاس» اقىلى جولى كٷنٸنە قانشا قاراجات تٷسەتٸنٸ جەنە ونىڭ قايدا جۇمسالاتىنىن جارييالادى, دەپ حابارلايدى "ۇلت اقپارات" ييدم باسپاسٶز قىزمەتٸنە سٸلتەمە جاساپ.
كومپانييانىڭ مەلٸمەتٸنشە, الماتى وبلىسىندا اقىلى ەكٸ جول ۋچاسكەسٸ بار. ولار «الماتى-شەلەك-قورعاس» جەنە «الماتى-قاپشاعاي-تالدىقورعان» جولى. بۇل جولدار جٷك كٶلٸكتەرٸنٸڭ جٷكتەمەسٸنە تٶتەپ بەرۋ ٷشٸن بەتوننان جاسالعان.
«قازاۆتوجول» جشس-نىڭ «الماتى-قورعاس» اقىلى جول بٶلٸگٸنٸڭ باسشىسى مارات سىرىمباي بۇل باعىتتا جٷرەتٸن كٶلٸكتەن كٷنٸنە 1 ملن 400 مىڭ تەڭگەگە جۋىق قاراجات تٷسەتٸنٸن ايتادى.
«الماتى-قورعاس» اقىلى تاس جولى 2018 جىلى پايدالانۋعا بەرٸلگەن. 295 شاقىرىمدى تاس جول بٸرٸنشٸ دەرەجەلٸ 1ب جولىنا جاتادى. كٷنٸنە 400 مىڭنان استام كٶلٸك جٷرەدٸ. اقىلى جولدىڭ تاريفٸ 1-25 تەڭگە ارالىعىندا. جەڭٸل كٶلٸكتەر 1 شاقىرىمعا 1 تەڭگە تٶلەسە, جٷك كٶلٸكتەرٸنە باعا باسقاشا. اقىلى جولدىڭ وسى اۋماعىنان كٷنٸنە 1 ملن 400 مىڭ تەڭگە قاراجات تٷسەدٸ», - دەيدٸ ول.
مارات سىرىمباي جولدىڭ بٷلٸنگەن بٶلٸگٸن لەزدە جٶندەپ, قىستا قاردان تازارتىپ, تايعاق جەرگە قۇم سەبٸلەتٸنٸن ايتادى.
«كٶلٸكتەن تٷسكەن قاراجات جولدى جٶندەۋگە, ونى قالىپتى جاعدايدا ۇستاپ تۇرۋعا جۇمسالادى. بيىل 1200 شارشى مەتر اۋماققا ورتاشا جٶندەۋ جۇمىسى جاسالدى. 317 شارشى مەتر اۋماقتا جولدىڭ جارىعى بٸتەلدٸ. سونداي-اق 616 شارشى مەتر اۋماقتى قۇرايتىن اسفالت بەتونىنا جٶندەۋ جۇمىسى جٷرٸپ جاتىر. جاقىندا كٷننٸڭ قاتتى ىسۋىنان تٶرت جەردە بەتون كٶتەرٸلٸپ كەتتٸ. ونى سول كٷنٸ قايتا جٶندەدٸك. بۇل جول قىتايعا اپاراتىندىقتان, ەسٸرەسە جٷك كٶلٸكتەرٸ پايدالانادى. الايدا پاندەمييا باستالعالى كٶلٸك اعىنى ازايدى. بەتوننان جاسالعان جول اۋىر جٷككە شىدامدى», - دەيدٸ جولدىڭ باسشىسى.
