الماتىداعى ىقىلاس اتىنداعى حالىق مۋزىكالىق اسپاپتارى مۋزەيٸنە شەكەرٸم قۇدايبەردٸۇلىنىڭ دومبىراسى تاپسىرىلدى, دەپ حابارلايدى قازاقپارات تٸلشٸسٸ.
قۇندى جەدٸگەردٸ مۋزەيگە شەكەرٸمنٸڭ ۇرپاعى تابىستادى.
«مەدعات قۇلجانوۆ اتاسى شەكەرٸمنٸڭ دومبىراسىن جىلدار بويى ساقتاپ كەلگەن. ول شەكەرٸمنٸڭ تٸكەلەي ۇرپاعى بولىپ كەلەدٸ. وعان دومبىرانى 15 جىل بۇرىن سەمەيدەگٸ ۋنيۆەرسيتەتتٸڭ رەكتورى تاپسىرعان», - دەدٸ مۋزەيدٸڭ عىلىمي قىزمەتكەرٸ قۋانىش كٷلەش.
دومبىرا - قوس ٸشەك پەن 13 پەرنەدەن تۇرادى, تۇتاس اعاشتان ويىپ جاسالعان. دومبىرانى كٸم ەرٸ قاشان جاساعانى بەلگٸسٸز.
شەكەرٸمنٸڭ دومبىراعا ەۋەستٸگٸن كٶرگەن اباي بٸتكەنباي رۋىنان اتاقتى شەبەرلەردٸ العىزادى. سول شەبەرلەردٸڭ بٸرٸ قۇدايبەردٸ اۋىلىندا 1 جىلداي تۇرىپ, جاس شەكەرٸمگە «سايماقتىڭ سارى ٶزەنٸ», «الشاعىردىڭ اشتى كٷيٸ», «اسان كٷيٸ», «الا بايراق», «كەرتولعاۋ» سيياقتى اتاقتى كٷيلەردٸ ٷيرەتەدٸ.
شەكەرٸم ىلعي ٶز ەستەلٸكتەرٸندە دومبىرانى ٷيرەتكەن بٸتكەنباي ۇستاز ەكەندٸگٸن ايتىپ وتىرعان. 14-15 جاسىنان اقىننىڭ ٶزٸ دە مۋزىكا جازا باستايدى.
قۋانىش كٷلەشتٸڭ ايتۋىنشا, شەكەرٸمنٸڭ قولىنداعى كٷمبٸرلەگەن قارا دومبىرا ەندٸ حالىق مۇراسىنا اينالماق.
اقىننىڭ ۇرپاقتارى بۇل دومبىرانى كٶزٸنٸڭ قاراشىعىنداي ساقتاپ كەلگەن. مەدعات قۇلجانوۆتىڭ ەكەسٸ كەزٸندە شەكەرٸمنٸڭ شىعارمالارىن ورىنداۋعا قۇمارتقان.
ايتا كەتەيٸك, بٷگٸندە مۋزەيدە 1000 اسا ۇلتتىق اسپاپ ساقتالىپ تۇر. اباي, بٸرجان, جامبىل, ىقىلاس, سەيتەك, دينا نۇرپەيٸسوۆا, احمەت جۇبانوۆ, كەنەن ەزٸرباەۆ, ەبٸكەن حاسەنوۆ تاعى باسقا اقىن-جىراۋلاردىڭ, كومپوزيتورلاردىڭ 60 جۋىق دومبىراسى بار.
