الماتىدا دەرٸحانالارعا دەرٸ جەتكٸزٸلۋٸنٸڭ ارقاسىندا كەزەك ازايدى, دەپ حابارلايدى قازاقپارات.
بٷگٸن باق ٶكٸلدەرٸ قالاداعى ٸرٸ دەرٸحانالارعا بارىپ, باقىلاۋ جٷرگٸزگەن بولاتىن.
«ۇزىن-سونار كەزەك وسىدان 1 اپتا بۇرىن بولعان. قوسىمشا كاسسا تەرمينالدارى اشىلدى. قوسىمشا قىزمەتكەرلەر الدىق. نەتيجەسٸندە كەزەك مەسەلەسٸ تولىق شەشٸلدٸ. COVID-19 ەمدەۋگە ارنالعان دەرٸلەر تٷگەل بار. انتيباكتەريالىق, انتيكوگۋليانتتىق, قابىنۋعا قارسى پرەپاراتتار بارلىعى بار. دەرٸحانالار تولىق قامتىلعان. كٷندە جەتكٸزٸلٸپ جاتىر»,- دەيدٸ «اپتەكاپليۋس» دەرٸحاناسىنىڭ بٶلٸم مەڭگەرۋشٸسٸ اينۇر الماحامبەتوۆا.
بۇعان دەيٸن دەرٸحانالارعا كەزەككە تۇرعان ادامدار 2 ساعاتتاپ تٷن ورتاسىنا كٷتكەنٸن جازعان بولاتىنبىز.
«بٷگٸندە دەرٸ-دەرمەك ۋاقىتىندا كەلٸپ وتىرادى. اپتاسىنا 1-2 رەت تاۋار الامىز. ادامدار تاراپىنان كٶبٸنەسە اسپيرين, قىزۋ تٷسٸرەتٸن دەرٸلەرگە سۇرانىس كٶپ», - دەدٸ باسقا دەرٸحانا مەڭگەرۋشٸسٸ گٷلنار مەديبەك.
شٸلدە ايىنان باستاپ ەكٸمدٸك جەدەل جەلٸنٸ ٸسكە قوستى. بۇل بايلانىس تەلەفوندارى ارقىلى تۇرعىندار دەرٸ دەرمەكتٸڭ بار-جوعىن بٸلە الادى.
«14 شٸلدەدەن باستاپ دەرٸلٸك زاتتارعا سۇرانىس ازايا باستادى. 14 شٸلدەدە تەۋلٸگٸنە 1000 قوڭىراۋ تٷسسە, قازٸر 250 ادام عانا حابارلاسادى», - دەيدٸ «قولداۋ» ورتالىعىنىڭ دەپارتامەنت ديرەكتورىنىڭ ورىنباسارى رۋزانا تارانۋحا.
الماتى ەكٸمدٸگٸ دەرٸمەن قامتۋ بويىنشا ٷيلەستٸرۋشٸسٸ زاڭعار سەلٸمباەۆتىڭ ايتۋىنشا, ەكٸمدٸك 29 ماۋسىمدا ٸرٸ ٶندٸرۋشٸلەرمەن كەلٸسٸمگە كەلگەن.
بارلىعى 105 دەرٸحانامەن ىنتىماقتاستىق تۋرالى مەموراندۋمعا قول قويىلدى.
سونىمەن قاتار, بٸر ادامعا 3 دەرٸدەن ارتىق ساتىلمايدى. بۇل الىپ-ساتۋ ەرەكەتتەردٸڭ جولىن كەسۋ ٷشٸن جاسالعان.
«10 شٸلدەدە ەر ەلدەن 6 ملن جۋىق مەديكامەنت ەكەلٸندٸ. قازٸر ٷندٸستاننان تاعى بٸر ۇشاق كەلەدٸ. 30 توننا جٷكتٸ ەكٸمدٸك ساتىپ الدى. بۇل كٷز بەن قىسقا قور جاساۋ ٷشٸن كەرەك بولىپ جاتىر. نارىقتى رەتتەۋ ٷشٸن ەكٸمدٸك 5 ملرد تەڭگە بٶلٸپ, تۇراقتاندىرۋ قورىن اشتى. ودان بٶلەك اۋرۋحانالاردى دەرٸمەن قامتۋ ٷشٸن قوسىمشا 5 ملرد تەڭگە بٶلٸندٸ», - دەدٸ سپيكەر.
