الماتى وبلىسىنىڭ قاراساي اۋدانىندا رەسپۋبليكالىق ماڭىزى بار الماتى – بٸشكەك اۆتوموبيل جولىنىڭ 19–27 شاقىرىم ارالىعىن قايتا جاڭعىرتۋ جەنە كەڭەيتۋ جۇمىستارى باستالدى, دەپ حابارلايدى ult.kz.
جوبا مەملەكەت باسشىسى قاسىم-جومارت توقاەۆتىڭ كٶلٸك ينفراقۇرىلىمىن دامىتۋ جەنە اۆتوموبيل جولدارىنىڭ ٶتكٸزۋ قابٸلەتٸن ارتتىرۋ جٶنٸندەگٸ تاپسىرماسىن ورىنداۋ اياسىندا جٷزەگە اسىرىلۋدا.
ٸس-شاراعا الماتى قالاسى ەكٸمٸنٸڭ بٸرٸنشٸ ورىنباسارى الماسحان سماتلاەۆ, الماتى وبلىسى ەكٸمدٸگٸنٸڭ, «قازاۆتوجول» ۇك» اق, قاراساي اۋدانى ەكٸمدٸگٸنٸڭ, مەردٸگەر ۇيىمداردىڭ جەنە بۇقارالىق اقپارات قۇرالدارىنىڭ ٶكٸلدەرٸ قاتىستى. جوبانىڭ تەحنيكالىق پارامەترلەرٸمەن تانىسقاننان كەيٸن قۇرىلىس تەحنيكاسى جەر جۇمىستارىنا كٸرٸستٸ.
قايتا جاڭعىرتىلاتىن جول ۋچاسكەسٸ رەسپۋبليكالىق جول جەلٸسٸندەگٸ ەڭ قارقىندى قوزعالىس جٷرەتٸن باعىتتاردىڭ بٸرٸ سانالادى. بۇل جولمەن تەۋلٸگٸنە 70 مىڭنان استام اۆتوكٶلٸك قاتىنايدى. قازٸرگٸ تٶرت جولاقتى جولدىڭ ٶتكٸزۋ قابٸلەتٸ جەتكٸلٸكسٸز بولعاندىقتان, كٶلٸك كەپتەلٸسٸ جيٸ تۋىنداپ, قوزعالىس جىلدامدىعى تٶمەندەيدٸ جەنە الماتى قالاسى مەن قالا ماڭىنداعى ەلدٸ مەكەندەر اراسىنداعى كٶلٸك بايلانىسىنا كەرٸ ەسەرٸن تيگٸزۋدە.
جولدى كەڭەيتۋ ونىڭ ٶتكٸزۋ قابٸلەتٸن ارتتىرىپ, جول جٷرۋ ۋاقىتىن قىسقارتادى, سونداي-اق جٷرگٸزۋشٸلەر مەن جولاۋشىلار ٷشٸن قاۋٸپسٸز ەرٸ جايلى جاعداي قالىپتاستىرادى.
جوبا اياسىندا جولدىڭ جٷرٸس بٶلٸگٸ تٶرت جولاقتان سەگٸز جولاققا دەيٸن كەڭەيتٸلەدٸ. سونىمەن قاتار, «تاعا» ٷلگٸسٸندەگٸ ەكٸ جولايرىق, توعىز جەرٷستٸ جٷرگٸنشٸلەر ٶتكەلٸ سالىنىپ, جول بويىنا تروتۋارلار مەن زاماناۋي سىرتقى جارىقتاندىرۋ جٷيەسٸ ورناتىلادى. بۇدان بٶلەك, گاز قۇبىرلارى, سۋمەن جابدىقتاۋ, ەلەكترمەن جابدىقتاۋ جەنە بايلانىس جەلٸلەرٸ قايتا جاڭارتىلىپ, جولعا جاڭا كٷردەلٸ ٷلگٸدەگٸ جابىن تٶسەلەدٸ. جوبا 2026 جىلدىڭ سەۋٸر ايىندا مەملەكەتتٸك ساراپتامانىڭ وڭ قورىتىندىسىن الدى.
بۇل جول ۋچاسكەسٸن جاڭعىرتۋ – الماتىنىڭ كٶلٸك جٷيەسٸن كەشەندٸ دامىتۋ جۇمىستارىنىڭ بٸر بٶلٸگٸ. قازٸرگٸ ۋاقىتتا قالادا ٷلكەن الماتى اينالما اۆتوموبيل جولىنا دەيٸن سوزىلاتىن التى راديالدى جول مەن جەتٸ ماگيسترالدىق كٶشەنٸ سالۋ جەنە ۇزارتۋ جۇمىستارى جالعاسۋدا. سونىمەن قاتار مەترو, LRT جەنە SkyTrain جٷيەلەرٸ قاتار دامىتىلىپ جاتىر.
جوبانى ٸسكە اسىرۋ نەتيجەسٸندە الماتى قالاسىنا كٸرەبەرٸس جەنە شىعابەرٸس باعىتتارداعى كٶلٸك جٷكتەمەسٸن ازايتۋ, جول قوزعالىسى قاۋٸپسٸزدٸگٸن ارتتىرۋ جەنە قالا مەن قالا ماڭىنداعى ەلدٸ مەكەندەر اراسىنداعى كٶلٸك قاتىناسىن جاقسارتۋ كٶزدەلٸپ وتىر. سونىمەن قاتار جوبا قازاقستان مەن قىرعىزستاندى بايلانىستىراتىن حالىقارالىق كٶلٸك دەلٸزٸن دامىتۋعا, ساۋدا-ەكونوميكالىق بايلانىستاردى نىعايتۋعا جەنە ەلٸمٸزدٸڭ ترانزيتتٸك ەلەۋەتٸن ارتتىرۋعا ىقپال ەتەدٸ.
