الماتى ەكٸمٸ باقىتجان ساعىنتاەۆتىڭ تاپسىرماسى بويىنشا ەپيدەميياعا قارسى رەجيمدٸ كٷشەيتۋ جەنە مەگاپوليستٸ شەتەلدەن كوروناۆيرۋس ەكەلۋدەن قوسىمشا قورعاۋ بويىنشا شارالار قابىلداندى, دەپ حابارلايدى "ۇلت اقپارات".
قر باس مەملەكەتتٸك سانيتارلىق دەرٸگەرٸنٸڭ №54 قاۋلىسىن ٸسكە اسىرۋ اياسىندا قالانىڭ باس مەملەكەتتٸك سانيتار دەرٸگەرٸ جانداربەك بەكشين الماتى حالىقارالىق ەۋەجايىندا قازاقستان رەسپۋبليكاسىنىڭ مەملەكەتتٸك شەكاراسىندا سانيتارلىق-ەپيدەمييالىق شارالاردى قاتاڭداتۋ جٶنٸندە قاۋلى قابىلدادى.
وسىعان بايلانىستى الماتى ەكٸمٸنٸڭ ورىنباسارى ەرجان باباقۇماروۆ قالانىڭ باس مەملەكەتتٸك سانيتار دەرٸگەرٸ ج.بەكشينمەن بٸرلەسٸپ ەۋەجاي اۋماعىندا حالىقارالىق رەيستەردٸڭ جولاۋشىلارىن قارسى الۋ بويىنشا قىزمەتتەردٸ ٷيلەستٸرۋ جەنە جەدەل ٶزارا ٸس-قيمىل مەسەلەلەرٸ بويىنشا جۇمىس كەڭەسٸن ٶتكٸزدٸ.
سەمينار-كەڭەسكە ەۋەجاي ەكٸمشٸلٸگٸ, شەكارا قىزمەتٸ, قالا مەن ەۋەجايدىڭ سانيتارلىق-ەپيدەمييالىق قىزمەتتەرٸ باسشىلىعى, سونداي-اق ەۋە ايلاعىندا سانيتارلىق-ەپيدەمييالىق قاۋٸپسٸزدٸك شارالارىن قامتاماسىز ەتۋگە تارتىلعان قالالىق قۇرىلىمداردىڭ ٶكٸلدەرٸ قاتىستى.
جيىن بارىسىندا پتر-تەست تاپسىرماعان جولاۋشىلاردى انىقتاۋ ٷشٸن ۇشاققا وتىرعىزۋ جەنە تٷسۋ سەتٸنەن باستاپ ۋەكٸلەتتٸ قۇرىلىمداردىڭ ٸس-قيمىل الگوريتمٸ پىسىقتالىپ, نۇسقاما جٷرگٸزٸلدٸ.
الماتى حالىقارالىق ەۋەجايىنىڭ اۋماعىندا ەۋە رەيستەرٸمەن كەلەتٸن جولاۋشىلارعا بايلانىسسىز تەرمومەترييا جٷرگٸزٸلەدٸ. ەۋەجاي قىزمەتكەرلەرٸ جەكە قورعانىس قۇرالدارىمەن قامتاماسىز ەتٸلگەن. سونداي-اق مٸندەتتٸ ماسكا رەجيمٸ جەنە ەلەۋمەتتٸك قاشىقتىقتى ساقتاۋ تالابى ساقتالادى.
الماتى ەكٸمدٸگٸنٸڭ تاپسىرماسى بويىنشا ەۋەجاي عيماراتىندا ۇشىپ شىعاتىن جولاۋشىلار ٷشٸن پتر-دياگنوستيكاعا ليتسەنزييالانعان سىناما الۋ پۋنكتٸ اشىلدى.
دەنە قىزۋى جوعارى نەمەسە اۋرۋ بەلگٸلەرٸ (جٶتەل, ەنتٸگۋ, تىنىس الۋدىڭ قيىنداۋى) بار ادامدار الماتى قالاسى ەۋەجايىنىڭ وقشاۋلاۋ ورنىنا ورنالاستىرىلادى نەمەسە ەۋە كەمەسٸنٸڭ بورتىنان جەدەل جەردەم كٶلٸگٸمەن ديففەرەنتسيالدى دياگنوستيكا مەن ەمدەۋ جٷرگٸزۋ ٷشٸن قالانىڭ ينفەكتسييالىق ستاتسيونارلارىنا تاسىمالداناتىن بولادى.
سونداي-اق, جۇمىس توبى قالاعا پتر-تەستٸلەۋسٸز كەلەتٸن جولاۋشىلاردى ۋاقىتشا ۇستاۋعا ارنالعان قوناق ٷيلەردٸڭ دايىندىعىن تەكسەردٸ. مۇندا پتر-تەستەن ٶتپەگەن ادامداردىڭ ۋاقىتشا بولۋى, وقشاۋلاۋدى قامتاماسىز ەتۋ جەنە سانيتارلىق-ەپيدەمييالىق قاۋٸپسٸزدٸكتٸڭ ٶزگە دە تالاپتارىن ساقتاۋ ٷشٸن قاجەتتٸ جاعدايلار جاسالعان.
قر باس مەملەكەتتٸك دەرٸگەرٸنٸڭ قاۋلىسىنا سەيكەس, قازاقستان رەسپۋبليكاسىنىڭ مەملەكەتتٸك شەكاراسىنان ٶتۋ كەزٸندە ٶزگە ەلدٸڭ ازاماتتارى قولدارىندا COVID-19-عا الىنعان تەستتٸڭ نەتيجەسٸ 72 ساعاتتان اسپاعانىن كٶرسەتەتٸن انىقتاما بولماعان جاعدايدا, قالاعا كٸرۋلەرٸنە جول بەرٸلمەيدٸ.
شەتەلدەن انىقتاماسىز كەلگەن قر ازاماتتارى ەۋەجاي اۋماعىنان پتر-تەستٸلەۋدٸ ٶتكٸزۋ ٷشٸن جەنە نەتيجەلەردٸ كٷتۋ كەزەڭٸندە ۋاقىتشا مەگاپوليستٸڭ قوناق ٷيلەرٸنە ورنالاستىرىلادى.
ٶز كەزەگٸندە, بۇعان دەيٸن قر ينفراقۇرىلىم جەنە يندۋسترييالىق دامۋ مينيسترلٸگٸنٸڭ ازاماتتىق اۆياتسييا كوميتەتٸ ەۋە كومپانييالارىنا پتر-تەستٸلەۋدەن ٶتكەنٸ تۋرالى انىقتاما بولماعان جاعدايدا قازاقستان رەسپۋبليكاسىنىڭ ازاماتتارى بولىپ تابىلمايتىن جولاۋشىلاردى بورتقا جٸبەرمەۋدٸ تاپسىرعان.
الماتى قالاسىنىڭ ەكٸمدٸگٸ قالا تۇرعىندارى مەن قوناقتارىنان وسى تالاپتاردى ساقتاۋدى جەنە مەگاپوليس اۋماعىنا كەلگەنگە دەيٸن پتر-تەستٸلەۋدەن ٶتۋدٸ سۇرايدى.
