Almaty ákimi Baqytjan Saǵyntaevtyń tapsyrmasy boiynsha epidemiiaǵa qarsy rejimdi kúsheitý jáne megapolisti shetelden koronavirýs ákelýden qosymsha qorǵaý boiynsha sharalar qabyldandy, dep habarlaidy "Ult aqparat".
QR Bas memlekettik sanitarlyq dárigeriniń №54 qaýlysyn iske asyrý aiasynda qalanyń bas memlekettik sanitar dárigeri Jandarbek Bekshin Almaty halyqaralyq áýejaiynda Qazaqstan Respýblikasynyń Memlekettik shekarasynda sanitarlyq-epidemiialyq sharalardy qatańdatý jóninde qaýly qabyldady.
Osyǵan bailanysty Almaty ákiminiń orynbasary Erjan Babaqumarov qalanyń bas memlekettik sanitar dárigeri J.Bekshinmen birlesip áýejai aýmaǵynda halyqaralyq reisterdiń jolaýshylaryn qarsy alý boiynsha qyzmetterdi úilestirý jáne jedel ózara is-qimyl máseleleri boiynsha jumys keńesin ótkizdi.
Seminar-keńeske áýejai ákimshiligi, shekara qyzmeti, qala men áýejaidyń sanitarlyq-epidemiialyq qyzmetteri basshylyǵy, sondai-aq áýe ailaǵynda sanitarlyq-epidemiialyq qaýipsizdik sharalaryn qamtamasyz etýge tartylǵan qalalyq qurylymdardyń ókilderi qatysty.
Jiyn barysynda PTR-test tapsyrmaǵan jolaýshylardy anyqtaý úshin ushaqqa otyrǵyzý jáne túsý sátinen bastap ýákiletti qurylymdardyń is-qimyl algoritmi pysyqtalyp, nusqama júrgizildi.
Almaty halyqaralyq áýejaiynyń aýmaǵynda áýe reisterimen keletin jolaýshylarǵa bailanyssyz termometriia júrgiziledi. Áýejai qyzmetkerleri jeke qorǵanys quraldarymen qamtamasyz etilgen. Sondai-aq mindetti maska rejimi jáne áleýmettik qashyqtyqty saqtaý talaby saqtalady.
Almaty ákimdiginiń tapsyrmasy boiynsha áýejai ǵimaratynda ushyp shyǵatyn jolaýshylar úshin PTR-diagnostikaǵa litsenziialanǵan synama alý pýnkti ashyldy.
Dene qyzýy joǵary nemese aýrý belgileri (jótel, entigý, tynys alýdyń qiyndaýy) bar adamdar Almaty qalasy áýejaiynyń oqshaýlaý ornyna ornalastyrylady nemese áýe kemesiniń bortynan jedel járdem kóligimen differentsialdy diagnostika men emdeý júrgizý úshin qalanyń infektsiialyq statsionarlaryna tasymaldanatyn bolady.
Sondai-aq, jumys toby qalaǵa PTR-testileýsiz keletin jolaýshylardy ýaqytsha ustaýǵa arnalǵan qonaq úilerdiń daiyndyǵyn tekserdi. Munda PTR-testen ótpegen adamdardyń ýaqytsha bolýy, oqshaýlaýdy qamtamasyz etý jáne sanitarlyq-epidemiialyq qaýipsizdiktiń ózge de talaptaryn saqtaý úshin qajetti jaǵdailar jasalǵan.
QR Bas memlekettik dárigeriniń qaýlysyna sáikes, Qazaqstan Respýblikasynyń Memlekettik shekarasynan ótý kezinde ózge eldiń azamattary qoldarynda COVID-19-ǵa alynǵan testtiń nátijesi 72 saǵattan aspaǵanyn kórsetetin anyqtama bolmaǵan jaǵdaida, qalaǵa kirýlerine jol berilmeidi.
Shetelden anyqtamasyz kelgen QR azamattary áýejai aýmaǵynan PTR-testileýdi ótkizý úshin jáne nátijelerdi kútý kezeńinde ýaqytsha megapolistiń qonaq úilerine ornalastyrylady.
Óz kezeginde, buǵan deiin QR Infraqurylym jáne indýstriialyq damý ministrliginiń Azamattyq aviatsiia komiteti áýe kompaniialaryna PTR-testileýden ótkeni týraly anyqtama bolmaǵan jaǵdaida Qazaqstan Respýblikasynyń azamattary bolyp tabylmaityn jolaýshylardy bortqa jibermeýdi tapsyrǵan.
Almaty qalasynyń ákimdigi qala turǵyndary men qonaqtarynan osy talaptardy saqtaýdy jáne megapolis aýmaǵyna kelgenge deiin PTR-testileýden ótýdi suraidy.
