الماتى ەكٸمٸ حالىقپەن ەسەپتٸ كەزدەسۋٸندە جولاقىسى كٶتەرٸلەدٸ دەگەن قاۋەسەتكە قاتىستى نٷكتە قويدى, دەپ حابارلايدى "ۇلت اقپارات" قازاقپاراتقا سٸلتەمە جاساپ.
باۋىرجان بايبەكتٸڭ ايتۋىنشا, بيىل جاڭا اۆتوبۋس العان تاسىمالداۋشىلارعا 15 ملرد تەڭگە كٶلەمٸندە دەمەۋقارجى بٶلمەك. بۇل قارجىعا 255 مىڭ ادامنىڭ جەڭٸلدٸكپەن جٷرۋٸ قامتاماسىز ەتٸلەدٸ.
«قازٸر الماتىدا اۆتوبۋس پاركٸ 30%-عا جاڭارعان. بٸراق كەيبٸر تاسىمالداۋشىلار 80 تەڭگەنٸ از كٶرٸپ, 150 تەڭگەگە كٶتەرۋ كەرەك دەپ جاتىر. ولار جولاقىسىن كٶتەرمەكشٸ, بٸراق تاسىمالداۋ ساپاسىن ارتتىرۋعا نيەتتٸ ەمەس. ونداي تاسىمالداۋشىلارمەن جەكە جۇمىس جاسايمىز. ساپانى كٶتەرمەيٸنشە, جولاقىسى قىمباتتامايدى», - دەدٸ باۋىرجان بايبەك.
قالا ەكٸمٸ «شىعىنعا جۇمىس جاساپ جاتىرمىز» دەگەن تاسىمالداۋشىلار اقشانى كٷرەپ كەلگەنٸن ايتتى.
«سوندا سٸزدەردٸڭ قىزمەتكەرلەرٸڭٸز 5 جىل بويى شىعىنعا جۇمىس جاساپ كەلگەن بە? اقىلعا سىيمايدى. نارىقتىڭ كٶلەمٸ 20 ملرد تەڭگە ەكەنٸن بٸلدٸك. ەندٸ كەز كەلگەن تاسىمالداۋشى نەسيە الا الادى. جول جٷرۋ اقىسى قازٸر الماتىدا مەترو ٷشٸن 71,3 تەڭگە, ال اۆتوبۋستاردا 80 تەڭگە. قالعان ايىرمانى 4 ملرد تەڭگە كٶلەمٸندە دەمەۋقارجى جابادى», - دەدٸ ب.بايبەك.
