الماتىدا تايلاند كورولدٸگٸ پرەمەر-مينيسترٸنٸڭ ورىنباسارى – سىرتقى ٸستەر مينيسترٸ سيحاساك پۋانگكەتكەونىڭ, قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى ارمان يسەتوۆتٸڭ, الماتى قالاسىنىڭ ەكٸمٸ دارحان ساتىبالدىنىڭ, الماتى وبلىسىنىڭ ەكٸمٸ مارات سۇلتانعازيەۆتٸڭ, سونداي-اق ەكٸ ەلدٸڭ مەملەكەتتٸك ورگاندارى مەن بيزنەس قاۋىمداستىعى ٶكٸلدەرٸنٸڭ قاتىسۋىمەن قازاقستان–تايلاند بيزنەس-فورۋمى ٶتتٸ, دەپ حابارلايدى ult.kz.
ٸس-شارا قازاقستان مەن تايلاند اراسىنداعى ساۋدا-ەكونوميكالىق جەنە ينۆەستيتسييالىق ىنتىماقتاستىقتى ودان ەرٸ دامىتۋ اياسىندا ۇيىمداستىرىلدى. وڭتٷستٸك-شىعىس ازييا ەلدەرٸمەن ٶزارا ٸس-قيمىلدى كەڭەيتۋ قازاقستاننىڭ سىرتقى ەكونوميكالىق ساياساتىنىڭ باسىم باعىتتارىنىڭ بٸرٸ سانالادى.
قۇتتىقتاۋ سٶزٸندە دارحان ساتىبالدى قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ەلەمنٸڭ قارقىندى دامىپ كەلە جاتقان ٶڭٸرلەرٸمەن, سونىڭ ٸشٸندە ازييا ەلدەرٸمەن بايلانىستى نىعايتۋدىڭ ماڭىزىن بٸرنەشە رەت اتاپ ٶتكەنٸن ايتتى.
«بٷگٸندە بٸزدٸڭ الدىمىزدا ساۋدا قاتىناستارىن دامىتۋ عانا ەمەس, سونىمەن قاتار بٸرلەسكەن ينۆەستيتسييالىق جوبالاردى ٸسكە اسىرۋعا, تەحنولوگييا الماسۋعا جەنە وزىق حالىقارالىق تەجٸريبەنٸ تارتۋعا قولايلى جاعداي جاساۋ مٸندەتٸ تۇر», – دەدٸ الماتى قالاسىنىڭ ەكٸمٸ.
دارحان ساتىبالدى فورۋمعا قاتىسۋشىلارعا الماتىنىڭ ەكونوميكالىق ەلەۋەتٸن تانىستىرىپ, تايلاند كومپانييالارىمەن ىنتىماقتاستىقتىڭ مٷمكٸندٸكتٸ باعىتتارىن اتاپ ٶتتٸ. اتاپ ايتقاندا, قالالىق ينفراقۇرىلىمدى دامىتۋ, تۋريزم, تسيفرلىق تەحنولوگييا, Smart City, ٶنەركەسٸپتٸك كووپەراتسييا, لوگيستيكا جەنە تاماق ٶنەركەسٸبٸ سالالارىنداعى ەرٸپتەستٸكتٸ كەڭەيتۋگە باسىمدىق بەرٸلەتٸنٸن جەتكٸزدٸ.
قالا ەكٸمٸ الماتى قازاقستاننىڭ ەكونوميكاسىنىڭ ەلەۋلٸ بٶلٸگٸن قالىپتاستىراتىن ەڭ ٸرٸ ەكونوميكالىق ورتالىق ەكەنٸن جەنە شەتەلدٸك كومپانييالاردىڭ ورتالىق ازييا مەن ەۋرازييالىق ەكونوميكالىق وداق نارىعىنا شىعۋىنا مٷمكٸندٸك بەرەتٸن ماڭىزدى الاڭ قىزمەتٸن اتقاراتىنىن اتاپ ٶتتٸ.
فورۋم اياسىندا قازاقستان مەن الماتىنىڭ ينۆەستيتسييالىق مٷمكٸندٸكتەرٸ تانىستىرىلىپ, ەكٸ ەلدٸڭ بيزنەس ٶكٸلدەرٸ اراسىندا ٸسكەرلٸك كەزدەسۋ ۇيىمداستىرىلدى.
ٸس-شاراعا دەۆەلوپمەنت, تسيفرلىق شەشٸم, تاماق ٶندٸرٸسٸ, لوگيستيكا جەنە يننوۆاتسييا سالاسىندا جۇمىس ٸستەيتٸن تايلاندتىڭ جەتەكشٸ كومپانييالارىنىڭ باسشىلارى قاتىستى.
2025 جىلدىڭ قورىتىندىسى بويىنشا الماتى مەن تايلاند اراسىنداعى تاۋار اينالىمى 130 ملن اقش دوللارىنا جەتٸپ, 7,1 پايىزعا ارتتى. بٷگٸندە الماتىدا تاي كاپيتالى بار 24 كەسٸپورىن تٸركەلگەن.
فورۋم قازاقستان مەن تايلاند اراسىنداعى جاڭا بٸرلەسكەن جوبالاردى تالقىلاۋعا جەنە ٸسكەرلٸك بايلانىستى ودان ەرٸ نىعايتۋعا ارنالعان تيٸمدٸ ديالوگ الاڭىنا اينالدى.
