8 سەۋٸردە ٶتكەن قوعامدىق كەڭەس وتىرىسىندا الماتى ەكٸمٸ "ساراپشىلار پٸكٸرٸن تولىق زەردەلەپ, جوبانى دامىتا تٷسۋ ٷشٸن" "كٶكجايلاۋ" كۋرورتىنىڭ قۇرىلىسىن كەيٸنگە شەگەرۋدٸ ۇسىندى, دەپ حابارلايدى "ۇلت اقپارات" باۋىرجان بايبەكتٸڭ تۋيتتەردەگٸ جازباسىنا سٸلتەمە جاساپ.
"اسىعۋدىڭ قاجەتٸ جوق دەپ ويلايمىن. ساراپشىلار پٸكٸرٸنٸڭ بەرٸن ەسكەرٸپ, جاڭا ورىندار قاراستىرۋىمىز كەرەك. "كٶكجايلاۋ" جوباسىن دامىتىپ, كەيٸنگە قالدىرۋدى ۇسىنامىن. ونىڭ ٷستٸنە, مامانداردىڭ پٸكٸرٸنشە, ەندٸگٸ بار كۋرورتتاردى دامىتۋعا از دەگەندە ٷش-بەس جىل كەرەك. وسى ۋاقىت ٸشٸندە تەجٸريبە جيناپ, مامان دايىنداپ, تۇرعىندار مەن كۋرورت قوناقتارىنىڭ پٸكٸرٸن زەردەلەيمٸز. وسىدان سوڭ عانا "كٶكجايلاۋ" تاۋ-شاڭعى كۋرورتىنىڭ قۇرىلىسىنا كٸرٸسە الامىز" دەيدٸ باۋىرجان بايبەك.
بيىل كٷزدە الماتى قالاسى ەكٸمدٸگٸ باستاپقى جوبانى قايتا قاراپ, ىقتيمال قۇرىلىس اۋماعىن 14 ەسە قىسقارتقان. بٸراق قوعام ٶكٸلدەرٸ بيلٸك جوسپارىمەن ەلٸ دە كەلٸسپەيدٸ. ولاردىڭ ايتۋىنشا, قوناقٷي, كافە, ينفراقۇرىلىم نىساندارىن سالۋ تاۋدىڭ ەكولوگييالىق جٷيەسٸنە ٷلكەن زييان كەلتٸرمەك.
الماتىعا جاقىن "مەدەۋ" مۇز ايدىنىنان تٶرت كيلومەتر قاشىقتىقتا ورنالاسقان شاتقالعا كۋرورت سالۋ جوباسى 2002 جىلى كٶتەرٸلگەن. الماتى بيلٸگٸ ونىڭ تاۋ ەكوجٷيەسٸنە زييان كەلتٸرمەيتٸنٸن ايتادى. قالالىق ەكٸمدٸكتٸڭ پٸكٸرٸنشە, جوبا تۋريزمدٸ دامىتۋ ٷشٸن ٶتە ماڭىزدى.
كٶكجايلاۋعا كۋرورت سالۋعا قارسى قوعامدىق ەكولوگتاردىڭ شاعىمى بويىنشا سوتتا بەس ٸس قارالدى. پروكۋراتۋراعا جيىرمادان استام ارىز تٷستٸ.
2017 جىلى ورحۋس كونۆەنتسيياسىن ساقتاۋ مەسەلەلەرٸ جٶنٸندەگٸ كوميتەت قازاقستاننىڭ جوبانى تالقىلاۋعا قوعام ٶكٸلدەرٸن قاتىستىرۋ ٸسٸندە كونۆەنتسييا تالاپتارى مەن جەرگٸلٸكتٸ زاڭنامانى ساقتاماعان دەپ تاپقان.
