الماتى ەكٸمٸ حالىققا ەسەپ بەرۋ كەزدەسۋٸندە بالشىق كٶشەلەرگە شاعىمدانعان تۇرعىندارعا جاۋاپ بەردٸ, دەپ حابارلايدى "ۇلت اقپارات".
بۇعان دەيٸن, الماتىلىقتار بالشىققا باتىپ جاتقان شاعىناۋدانداردىڭ ۆيدەوسىن ەلەۋمەتتٸك جەلٸگە جٷكتەپ تاراتقان بولاتىن. تۇرعىنداردىڭ ايتۋىنشا, جەدەل جەردەم مەن باسقا دا كٶلٸكتەر بالشىققا باتىپ, شىعا المايدى.
ەسەپ بەرۋ جيىنىندا قالا ەكٸمٸ باقىتجان ساعىنتاەۆ الاتاۋ مەن ناۋرىزباي اۋداندارىنداعى جاعدايعا تٷسٸنٸك بەردٸ.
«بٸز بىلتىر جىل سوڭىندا سۋ قۇبىرى مەن سۋ تارتۋ جۇمىستارىن اياقتادىق, ال قىس مەزگٸلٸندە اسفالت تٶسەي المايمىز. بيىل قىس, اقپان ٶتە جىلى. دەسەكتە, بەتون شىعاراتىن زاۋىتتار ەلٸ جۇمىس ٸستەمەيدٸ, سوندىقتان جٶدەۋ جقمىستارىن باستاي المايمىز. ناۋرىزدىڭ ورتاسىندا اسفالتتاۋ باستالادى.اقشا بار, مەردٸگەرلەر جۇمىسىن كٷتٸپ وتىر. بٸراق ولار دا ماتەريالسىز باستاي المايدى. اسفالت بولماسا, نەمەن جاسايدى? جاعدايعا تٷسٸنٸستٸكپەن قاراۋلارىڭىزدى ٶتٸنەمٸن. ناۋرىزباي اۋدانىندا دا سولاي.وسى ماۋسىمنان ٶتۋ ٷشٸن قيىرشىق تاس تٶگٸپ جاتىرمىز», - دەپ جاۋاپ بەردٸ ەكٸم.
