فوتو: سكرينشوت
جەلٸدە ٶزٸن جازۋشى قۋاندىق تٷمەنبايدىڭ بۇرىنعى كەلٸنٸمٸن دەپ تانىستىرعان كەلٸنشەك حالىقتان كٶمەك سۇرادى, دەپ حابارلايدى Ult.kz.
ونىڭ ايتۋىنشا, بۇرىنعى كٷيەۋٸ مەن اتا-ەنەسٸ ونى ٷش بالاسىمەن ٷيدەن قۋىپ شىققان.
12 جىل جازۋشىنىڭ كەلٸنٸ بولعان جازيرانىڭ سٶزٸنشە, ول قازٸر بۇرىنعى كٷيەۋٸ ەركەبۇلاننىڭ قارىزىن تٶلەي الماي وتىر. تٸپتٸ اليمەنت تە الماعان. بٸرنەشە رەت بالالارىن الىپ, قۋاندىق تٷمەنبايدىڭ شاڭىراعىنا دا بارىپتى. بٸراق جازۋشى مەن ەيەلٸ پوليتسييا شاقىرىپ, بوساعادان قۋىپ شىققان. جازيرا مەن-جايدى Threads جەلٸسٸنە جازىپ, جۇرتتان كٶمەك سۇرادى.
"بۇرىنعى كٷيەۋٸم ماعان ايفون الدىرىپ, موبيلوگراف بولامىن دەدٸ. ارتىنان تٷك بولماعانداي توقال الىپ, قىدىرىپ جٷر. قىزبەن SMM كۋرس وقىپ جٷرٸپ تانىسىپتى. ەندٸ ەكٸ اي بولدى, نە نەسيەنٸ تٶلەمەيدٸ, نە اليمەنت تٶلەمەيدٸ. نە ٷلكەن ادام سيياقتى بايلانىسقا شىقپايدى. ٷش بالام نە جەپ, نە ٸشٸپ جاتىر دەپ ويلاپ وتىرعان جوق. ەكەسٸ جازۋشى, اناسىنىڭ اتىندا قانشاما پەتەرلەرٸ بار. تٶلەيمٸن دەسە بٸر كٷندە بەرٸن جاۋىپ تاستاۋعا جاعدايلارى جەتەدٸ. تولىق جاۋىپ بەرسە مٷلدەم بايلانىسقىم كەلمەيدٸ. قازٸر بٸراق باسقا امالىم جوق", – دەپ جازدى جازيرا.
جازيرا قازٸر دەكرەتتٸك دەمالىستا. قوسىمشا تابىسى بولعانىمەن, تاپقانى بالالاردىڭ تاماعىنان ارتىلمايدى. ول بۇرىنعى كٷيەۋٸنٸڭ جاعدايى جوق بولسا تٷسٸنۋگە بولاتىنىن, الايدا ونىڭ باسقا ەيەل العاننان كەيٸن بالالارىن ۇمىتىپ كەتكەنٸنە قىنجىلاتىنىن ايتتى.
"بٶلٸپ تٶلەيمٸن دەگەن ەركەك سٶزٸنەن تايىپ, بٸردە-بٸر رەت بايلانىسقا شىقپادى, قاشىپ جٷر. بالالارىممەن ٷيٸنە باردىم, ەكە-شەشەسٸمەن جابىلىپ قۋىپ شىقتى. ۆيدەوعا تٷسٸرٸپ تۇرعان بالالارىم. نەمەرەلەرٸنەن اياق تارتار دەپ بٸرٸنشٸ رەت الىپ بارعان ەدٸم, بٸراق ول دا كٶمەك بەرمەدٸ", – دەيدٸ ول.
