بٸر ايلىعىنان امەريكالىق وتباسىندا تەربيەلەنسە دە قازاق ەكەنٸن ماقتان تۇتىپ, ەلگە كەلۋدٸ ارمانداپ جٷرگەن رٷستەمنٸڭ حيكاياسى تاعى بٸر قازاقتىڭ تاعدىرىن ەسٸمە تٷسٸردٸ.
1985 جىل. اسپيرانتپىن. قوسىمشا تابىس ٷشٸن اسقار ەسٸمدٸ ازامات ەكەۋٸمٸز تٷندە مەسكەۋدٸڭ 1905 جىل كٶشەسٸندەگٸ ترامۆاي دەپوسىندا جۇمىس جاسايمىز. نيكولاي دەگەن تٷرٸ قازاققا ۇقساس ەگدە بريگادير بٸر كٷنٸ بٸزدەن قازاقشا سٶيلەسۋٸمٸزدٸ ٶتٸندٸ. بٸز سٶيلەسە باستاعاندا كٶزٸ جاساۋراپ, كٶڭٸلٸ بۇزىلىپ, بۇرىلىپ كەتتٸ. كەيٸن ٶز تاعدىرىن بايانداپ بەردٸ. ول قازاق ەكەن.
اشارشىلىق زاردابىنان 2-3 جاسار بالانى اناسى مەسكەۋگە بارا جاتقان وتارباداعى بٸرەۋلەرگە تابىستاعان دەپ ويلايتىنىن ايتتى. سولاي دەپ ٶزٸ تەربيەلەنگەن بالالار ٷيٸندەگٸلەر ايتسا كەرەك. بار بٸلەتٸنٸ قازاق ەكەندٸگٸ جەنە قوستاناي اتاۋى. ول تۋعان جەرٸ مە, نە وتاربا ايالداعان جەر مە, ودان بەيحابار. زاتى قازاق بولعانىمەن تازا ورىس-كەڭەس مەدەنيەتٸنٸڭ ٶكٸلٸ بولىپ تەربيەلەنگەن. ٸشتەي قازاقستاندى كٶرۋدٸ ارمانداعانمەن, ونى جٷزەگە اسىرۋعا جٷرەكسٸنەدٸ ەكەن. وتباسى دا قۇپتاماسا كەرەك. بارعانىمەن ەشكٸمدٸ بٸلمەيتٸنٸن ايتىپ, كٶڭٸلٸ قۇلازىدى.
كەلەسٸ تٷنٸ نيكولاي قازاقشا ەن ايتۋىمىزدى ٶتٸندٸ. ەن ايتىلعاندا كٶزٸنەن جاس پارلاپ قويا بەردٸ. كەيٸن اۋىسىمدارىمىز تۋرا كەلگەن سايىن بٸزگە ەن سالعىزاتىن بولدى. نيكولاي بٸزگە اعالىق قامقورلىق جاساپ, جاتاقحاناداعى دوستارىمىزعا اسحانادان سەلەمدەمە جٸبەرٸپ تۇردى. تٷنگٸ جۇمىستى دوعارىپ, قوشتاسۋعا كەلگەنٸمٸزدە: "مەن ەندٸ عانا قازاقتىڭ جانىن تٷسٸنە باستادىم. ەسٸرەسە قازاقتىڭ ەندەرٸ قاتتى ەسەر ەتتٸ. سەندەرگە راحمەت. ماۋقىمدى باسقانداي بولدىم. ەلدٸ بٸر كٶرٸپ قايتۋعا بەل بۋدىم"- دەپ, بٸزگە باتاسىن بەردٸ.
ەليحان بايمەنوۆتىڭ فەيسبۋكتەگٸ جازباسىنان
