قىلمىستىق كودەكستٸڭ بٸرنەشە بابى بويىنشا سوتتالعان بيزنەسمەن قايرات جاماليەۆ ايىپپۇل تٶلەپ, تٷرمەدەن بوساپ شىقتى, دەپ حابارلايدى "ۇلت اقپارات" تٸلشٸسٸ اقمولا وبلىستىق سوتىنىڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸ بويىنشا, اعىمداعى جىلدىڭ 23 مامىرىندا كٶكشەتاۋ قالالىق سوتىندا «ەلٸبي جۇماعۇلوۆ ٸسٸ» بويىنشا جازاسىن ٶتەپ جاتقان قايرات جاماليەۆتٸڭ ٶتٸنٸشٸ قارالدى. ول جازانىڭ قالعان مەرزٸمٸن ايىپپۇلعا اۋىستىرۋدى سۇراعان.
ەسكە سالايىق, كەسٸپكەر جاماليەۆ 2015 جىلدىڭ تامىز ايىندا توقالى اينۇر يسينانى ەلٸبي جۇماعۇلوۆتان قىزعانىپ, جٸگٸتتٸ ٶلٸمشٸ ەتٸپ ساباعان بولاتىن. سول كەزدە بۇل وقيعا əلەۋمەتتٸك جەلٸگە تاراپ, قىزۋ تالقىلانعان ەدٸ. استانا قالالىق سوتىنىڭ ٷكٸمٸمەن بيزنەسمەن قر قىلمىستىق كودەكسٸنٸڭ 194-بابى (بوپسالاۋ), 126-بابى (باس بوستاندىعىنان ەرٸكسٸز ايىرۋ) جەنە 121-بابى (سەكسۋالدىق سيپاتتاعى زورلىق-زومبىلىق ەرەكەتتەر) 13 جىلعا سوتتالدى.
كەيٸن كاسساتسييالىق شاعىم بويىنشا جازا مەرزٸمٸ 7 جىلعا قىسقارتىلدى. 2015 جىلدان 2018 جىلعا دەيٸن جازاسىن الماتى وبلىسىنداعى تٷزەتۋ مەكەمەسٸندە ٶتەگەن. 2018 جىلدىڭ قاڭتار ايىندا كٶكشەتاۋداعى قونىستانۋ كولونيياسىنا اۋىستىرىلدى.
اقمولا وبلىستىق سوتىنىڭ باسپاسٶز حاتشىسى كٷلەش دومالاقوۆا اتاپ ٶتٸلگەندەي, جاماليەۆ تٷرمەدە مەدەني-بۇقارالىق شارالارعا بەلسەندٸ قاتىسىپ, ٶزٸن-ٶزٸ تەربيەلەۋدە ٶزگەلەرگە ٷلگٸ كٶرسەتكەن. تەرتٸبٸ جاقسى بولعان. وعان قىلمىستىق اتقارۋ جٷيەسٸ قىزمەتكەرلەرٸ تاراپىنان وڭ مٸنەزدەمە بەرٸلگەن. ونىمەن قوسا, ونىڭ ٶتٸنٸشٸن قاراۋ كەزٸندە زارداپ شەككەن تاراپ تا قاتىسقان. ەلٸبي جانگەلدين شىعىننىڭ ٶتەلۋٸنە بايلانىستى جازانى جەڭٸلدەتۋدٸ سۇراعان. سولايشا, بيزنەسمەننٸڭ ٶتٸنٸشٸ پروكۋرور, زارداپ شەگۋشٸ جەنە سوت تاراپىنان قولداۋ تاپتى.
«جاماليەۆ جازاسىنىڭ ٷشتەن بٸرٸن ٶتەگەن. وسى ۋاقىتتا بٸردە-بٸر تەرٸس مٸنەز كٶرسەتپەگەن. قىلمىستىق اتقارۋ جٷيەسٸ قىزمەتكەرلەرٸ تاراپىنان تەك ماداقتاما الىپ وتىرعان. ٶزٸنە جٷكتەلگەن جۇمىستارعا جاۋاپكەرشٸلٸكپەن قارادى. وعان قوسا, زارداپ شەككەن جاقتىڭ ماتەريالدىق شىعىنىن تولىق ٶتەدٸ. سوت وسىنىڭ بارلىعىن ەسكەرە كەلە, وعان قالعان 1434 كٷن جازاسىن 862 مىڭ 193 تەڭگە ايىپپۇلعا اۋىستىردى», - دەپ تٷسٸندٸردٸ كٷلەش دومالاقوۆا.
