25 اقپان كٷنٸ تٷركٸستان وبلىسىندا قازاقستان جازۋشىلار وداعى باسقارماسىنىڭ تٶراعاسى ۇلىقبەك ەسدەۋلەت جەنە وبلىس ەكٸمٸنٸڭ ورىنباسارى مەلٸك وتارباەۆتىڭ قاتىسۋىمەن زييالى قاۋىم ٶكٸلدەرٸنٸڭ باسقوسۋى ٶتتٸ.
جيىندا جازۋشىلار وداعىنىڭ تٷركٸستان وبلىستىق فيليالىنىڭ ديرەكتورى بولىپ بەلگٸلٸ اقىن ەلٸبەك شەگەباي, ال شىمكەنت قالالىق فيليالىنىڭ ديرەكتورى قىزمەتٸنە جازۋشى شويبەك ورىنباي تاعايىندالدى.
ايتا كەتسەك, ەلٸبەك شەگەباي 1974 جىلى 11 ناۋرىزدا دٷنيەگە كەلگەن. ەل فارابي اتىنداعى قازاق ۇلتتىق ۋنيۆەرسيتەتٸنٸڭ "جۋرناليستيكا" فاكۋلتەتٸنٸڭ تٷلەگٸ. 1997 جىلى م. ەۋەزوۆتىڭ 100 جىلدىعىنا وراي قازۇۋ-دا ٶتكەن رەسپۋبليكالىق ستۋدەنت جاستاردىڭ جىر مٷشايراسىندا باس جٷلدەنٸ جەڭٸپ الادى. سودان بەرٸ دە بٸرنەشە جىر بەيگەلەرٸندە جٷلدەلٸ ورىنداردى يەمدەندٸ. 1998 جىلى رەسپۋبليكالىق «جالىن» جۋرنالىندا جارىق كٶرگەن ٶلەڭدەر توپتاماسىنا ت. ايبەرگەنوۆ اتىنداعى سىيلىق بەرٸلدٸ. 2002 جىلعى استانا قالاسىندا ٶتكەن حالىقارالىق «شابىت» فەستيۆالٸنٸڭ لاۋرەاتى. شىعارماشىلىقتاعى جەتٸستٸكتەرٸ ٷشٸن 2004 جىلى قازاقستان جاستار وداعى «سەرپەر» سىيلىعىنىڭ لاۋرەاتى اتاندى. 2016 جىلعى حالىقارالىق «اتاتٷرٸك» مەدالٸنٸڭ يەگەرٸ. 2001 جىلدان قازاقستان جازۋشىلار وداعىنىڭ مٷشەسٸ. بٸرنەشە جىر جيناقتارىنا ٶلەڭدەرٸ ەنگەن. «الاكەۋٸم», «ەينەككە تٷسكەن اي سەۋلە», «اق قاۋىرسىن», «اق جاۋىن» اتتى ٶلەڭ كٸتاپتارىنىڭ اۆتورى.
بۇعان دەيٸن "قازاق ەدەبيەتٸ" گازەتٸندە جاۋاپتى حاتشى قىزمەتٸن اتقاردى.
ال, ورىنباي شويبەك 1953 جىلى 7 مامىردا وڭتٷستٸك قازاقستان وبلىسى, سارىاعاش اۋدانى, «سوتسياليزم» اۋىلىندا دٷنيەگە كەلگەن.
قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸن بٸتٸرگەن. سارىاعاش اۋداندىق «قىزىل تۋ» گازەتٸندە جاۋاپتى حاتشى, رەداكتوردىڭ ورىنباسارى, كٶكشەتاۋ, وڭتٷستٸك قازاقستان وبلىستىق گازەتتەرٸندە, وبلىستىق ەكٸمشٸلٸكتە جاۋاپتى قىزمەتتەر اتقارعان. بٸراز ۋاقىت رەسپۋبليكالىق «ەگەمەن قازاقستان» گازەتٸنٸڭ وڭتٷستٸك قازاقستان وبلىسىنداعى مەنشٸكتٸ تٸلشٸسٸ, تەۋەلسٸز «ار» گازەتٸنٸڭ باس رەداكتورى بولعان. قازٸر «عاسىر ش» باسپاسىنىڭ ديرەكتورى.
1986 جىلى «جالىن» جۋرنالى مەن قازاق كسر ٸشكٸ ٸستەر مينيسترلٸگٸنٸڭ بٸرٸگٸپ جارييالاعان جابىق بەيگەسٸندە «قاتەلٸك» دەگەن شىتىرمان حيكاياتى ٷشٸنشٸ ورىندى, 1995 جىلى «جالىن» باسپاسى جارييالاعان دەستٷرلٸ بەيگەسٸندە «ەمٸرشٸنٸڭ ەلەگٸ» اتتى پوۆەسٸ باس جٷلدەنٸ يەلەنگەن.
العاشقى تۋىندىلارى «ارمان قاناتىندا», «سارىاعاش سازدارى» ۇجىمدىق جيناقتارىنا ەنگەن. سودان بەرگٸ ۋاقىتتا «ٶمٸر دەگەن وسىنداي», «توزاڭدى تەرەزە», «ساڭىراۋقۇلاق», «ەمٸرشٸنٸڭ ەلەگٸ» پوۆەستەرٸ مەن ەڭگٸمەلەرٸ, «قايعى زامان نەمەسە تٶلە بي تاعدىرى» رومان-ديلوگيياسى, ت.ب. جەكە كٸتاپ بولىپ شىققان.
2003 جىلى شىندىق دەرەكتەرگە نەگٸزدەلگەن «تٷرمەگە تٷسپەيتٸندەر» اتتى دەتەكتيۆتٸ رومانى جارىق كٶردٸ. 1999 جىلى وبلىس ەكٸمٸنٸڭ «التىن قاۋىرسىن» جٷلدەسٸن, 2001 جىلى «جىلدىڭ ٷزدٸك جازۋشىسى» اتاعىن يەلەندٸ.
