فوتو: gov.kz
عىلىم جەنە جوعارى بٸلٸم مينيسترٸ ساياسات نۇربەك بەرگەن ديپلومدارى كەسٸبي بٸلٸكتٸلٸك تالاپتارىنا ساي بولماعان ۋنيۆەرسيتەتتەردەن وقۋ اقىسىن قايتارىپ الۋ تۋرالى ۇسىنىستى قولدامايتىنىن ايتتى, دەپ حابارلايدى "ۇلت اقپارات" Kazinform اگەنتتٸگٸنە سٸلتەمە جاساپ.
«بىلتىر قازاقستاندا كەسٸبي بٸلٸكتٸلٸكتەر تۋرالى جاڭا زاڭ شىقتى. وسى زاڭدى بٸز اقىرىنداپ, باياۋ ەنگٸزٸپ جاتىرمىز. بۇل زاڭ بويىنشا ماماندىقتار رەتتەلەتٸن جەنە رەتتەلمەيتٸن ماماندىقتار دەپ ەكٸگە بٶلٸنەدٸ. اقىرىنداپ رەتتەلەتٸن ماماندىقتارعا دا مەن بەرۋٸمٸز كەرەك. ەندٸ كەيبٸر ماماندىق يەلەرٸنە ەڭبەك نارىعىندا جۇمىس تابۋ ٷشٸن ديپلوم عانا جەتكٸلٸكسٸز. سىرتتاي تەۋەلسٸز كوميسسييا نەمەسە ورتالىق ەندٸ ول كٸسٸنٸڭ بٸلٸكتٸلٸگٸن سەرتيفيكاتتاۋدان ٶتكٸزٸپ راستاۋ كەرەك. قازٸر وسى زاڭنىڭ ٸشٸندە «بٸلٸكتٸلٸكتٸ تەۋەلسٸز راستاۋ» دەگەن ۇعىم بار. سوندىقتان وسى جۇمىس اقىرىنداپ-اقىرىنداپ جاسالىپ كەلە جاتىر. ونى بٸردەن ەنگٸزسە, بٸزدٸڭ تٷلەكتەرٸمٸز دە دايىن ەمەس, جوعارى وقۋ ورىندارى دا دايىن ەمەس – ٷلكەن پروبلەما بولادى. بٸراق بيىل وسى جٷيەنٸ سٸزدەرمەن سىناقتان ٶتكٸزۋٸمٸز كەرەك. ول ٷشٸن بٸرنەشە جوعارى وقۋ ورنىن تاڭداپ الۋىمىز كەرەك. ديپلوم يەسٸنٸڭ بٸلٸكتٸلٸگٸ راستالماعان جاعدايدا نە ٸستەيدٸ? جۇمىس بەرۋشٸ وقۋ بٸتٸرگەن ماماندى ديپلومىمەن قابىلداماسا, ونى وقىتقان جوعارى وقۋ ورنى قانداي جاۋاپكەرشٸلٸك ارقالايدى? گرانتپەن وقىسا كٸم جاۋاپ بەرەدٸ, اقىلى نەگٸزدە وقىسا كٸم جاۋاپ بەرەدٸ? وسى سيياقتى كٶپتەگەن سۇراق شىعىپ جاتىر», - دەدٸ مينيستر ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە ٶتكەن فورۋمدا.
ساياسات نۇربەك دەپۋتاتتار تاراپىنان جازالاۋدىڭ قاتال تٷرٸ ۇسىنىلعانىن دا ايتىپ قالدى.
«مەجٸلٸستە وسىنداي بٸر پٸكٸرلەر ايتىلىپ جاتىر. تٷلەكتٸڭ بٸلٸكتٸلٸگٸ راستالماعان جاعدايدا ونى وقىتقان جوعارى وقۋ ورنى جازاسىن شەگۋ كەرەك دەپ وتىر. ول جازا قارجىلاي تۇرعىدا بولۋ كەرەك دەگەن ۇستانىم. مىسالى, ۇلىبريتانييادا تٷلەك تەۋەلسٸز ەمتيحان ارقىلى ديپلومىنداعى كەسٸبي بٸلٸكتٸلٸگٸن راستاي العان كٷننٸڭ ٶزٸندە كەيٸن جۇمىستا سول ماماننىڭ كەسٸرٸنەن اپات نەمەسە باسقا دا كەلەڭسٸز جايت ورىن السا, كومپانيياعا ٷلكەن بٸر شىعىن كەلسە, ساقتاندىرۋ تٶلەمٸنٸڭ 70-80 پايىزىن جوعارى وقۋ ورنى مەن بٸلٸكتٸلٸك سەرتيفيكاتىن بەرگەن تەۋەلسٸز ينستيتۋت تٶلەيدٸ. بٸزدٸڭ ينستيتۋتتار, جوعارى وقۋ ورىندارى وندايعا دايىن با, دايىن ەمەس پە? بىلاي قاراساڭىز ٶتە قاتال ۇسىنىس. بٸردەن ايتايىن, مەجٸلٸسپەن اقىلداسىپ, ونداي شارالاردى قولداعان جوقپىز. بٸزدٸڭ قازٸرگٸ ۇستانىمىمىز - «ەلٸ دايىن ەمەسپٸز». كەيٸن وسىعان ٶتۋٸمٸز كەرەك. سىناقتان بٸرنەشە ۋنيۆەرسيتەتتە ٶتكٸزٸپ كٶرەمٸز. «اتامەكەن» پالاتاسىمەن بٸرگە, تەۋەلسٸز سەرتيفيكاتتاۋ ينستيتۋتتارىمەن بٸر ەكسپەريمەنت جاساۋىمىز كەرەك. ستراتەگييامىز سودان كەيٸن عانا بەلگٸلٸ بولادى», - دەدٸ ۆەدومستۆو باسشىسى.
