ەلەۋمەتتٸك سالادا شۇعىل قارجىلاندىرىلاتىن جەكەلەگەن مەسەلەلەر شەشٸلەدٸ – سەنات

بٷگٸن قر پارلامەنتٸ سەناتىنىڭ جالپى وتىرىسىندا «2019-2021 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا ٶزگەرٸستەر ەنگٸزۋ تۋرالى» زاڭى قابىلداندى, دەپ حابارلايدى قازاقپارات.

ناقتىلاۋدىڭ نەگٸزگٸ مٸندەتتەرٸ - ەلەۋمەتتٸك سالادا شۇعىل قارجىلاندىرىلاتىن جەكەلەگەن مەسەلەلەردٸ شەشۋ, كەيٸنگٸ جىلداردا ەكونوميكانىڭ ٶسۋٸ ٷشٸن قوسىمشا كٶزدەر جاساۋ جەنە 2019 جىلدىڭ سوڭىنا دەيٸن ٷكٸمەتتٸڭ كەزەك كٷتتٸرمەيتٸن مٸندەتتەرگە ارنالعان رەزەرۆٸنٸڭ اقىلعا قونىمدى دەڭگەيٸن قامتاماسىز ەتۋ.

«زاڭ جوباسى 2019 جىلعا ارنالعان ەلدٸڭ ەلەۋمەتتٸك-ەكونوميكالىق دامۋ بولجامىنىڭ كٶرسەتكٸشتەرٸ ساقتالا وتىرىپ, قالىپتاستىرىلدى. رەسپۋبليكالىق بيۋدجەتتٸڭ تٷسٸمدەرٸ 94,9 ملرد تەڭگەگە ۇلعايتىلدى. رەسپۋبليكالىق بيۋدجەت شىعىستارىنىڭ كٶلەمٸ 94,9 ملرد تەڭگەگە ۇلعايتىلدى. رەسپۋبليكالىق بيۋدجەتتٸڭ تاپشىلىعى بۇرىن بەكٸتٸلگەن جالپى ٸشكٸ ٶنٸمنٸڭ 2,1 پايىزى دەڭگەيٸندە ساقتالدى», - دەدٸ قر پرەمەر-مينيسترٸنٸڭ بٸرٸنشٸ ورىنباسارى-قارجى مينيسترٸ ەليحان سمايىلوۆ.

اتاپ ايتقاندا, ەلەۋمەتتٸك سالاداعى شۇعىل قارجىلاندىرۋ مەسەلەلەرٸن شەشۋ ماقساتىندا ەلەۋمەتتٸك بلوكتىڭ شىعىستارى 6,7 ملرد تەڭگەگە ۇلعايتىلدى. شىعىستاردى قايتا بٶلۋدٸ ەسكەرە وتىرىپ, قوسىمشا قاراجات اتاۋلى ەلەۋمەتتٸك كٶمەكتٸ تٶلەۋگە, مەديتسينالىق كٶمەك كٶرسەتۋگە جەنە دەنساۋلىق ساقتاۋ نىساندارىنىڭ قۇرىلىسىن جالعاستىرۋعا باعىتتالدى.

سونىمەن قاتار, ناقتى سەكتوردىڭ شىعىستارى 15,6 ملرد تەڭگەگە ٶستٸ. بيۋدجەتتٸك باعدارلامالار ەكٸمشٸلەرٸ ۇسىنعان قاراجاتتى قايتا بٶلۋدٸ ەسكەرە وتىرىپ, ٶنەركەسٸپتٸ قولداۋعا, «قازاقستان تۇرعىن ٷي قۇرىلىس جيناق بانكٸنٸڭ» سالىمشىلارىنا تۇرعىن ٷي قارىزدارىن بەرۋگە قوسىمشا شىعىستار كٶزدەلدٸ.

«زاڭ جوباسىن دايىنداۋ كەزٸندە جەكەلەگەن مەملەكەتتٸك ورگانداردى قايتا ۇيىمداستىرۋىن ەسكەرە وتىرىپ, شىعىستاردى تٷزەتۋ قامتىلعان. مۇنىمەن قوسا, ازاماتتىق قىزمەتشٸلەردٸڭ ەڭبەكاقىسىن ارتتىرۋعا, جىلۋ ەنەرگەتيكاسى مەن كٶلٸك ينفراقۇرىلىمىن دامىتۋعا, «نۇرلى جەر» باعدارلاماسى شەڭبەرٸندە تۇرعىن ٷي جەنە ينجەنەرلٸك-كوممۋنيكاتسييالىق ينفراقۇرىلىم سالۋعا ناقتى قاجەتتٸلٸگٸن ەسكەرە وتىرىپ, ٶڭٸرلەر اراسىندا قاراجات قايتا بٶلۋ ەسكەرٸلگەن», - دەدٸ ە. سمايىلوۆ.

ٶز كەزەگٸندە قر ۇلتتىق ەكونوميكا مينيسترٸ رۋسلان دەلەنوۆ 2019 جىلعا ارنالعان رەسپۋبليكالىق بيۋدجەتتٸ ناقتىلاۋ كەزٸندە ەلدٸڭ ەلەۋمەتتٸك-ەكونوميكالىق دامۋ بولجامىنىڭ نەگٸزگٸ كٶرسەتكٸشتەرٸ ساقتالعانىن قۇپتادى.

«جالپى ٸشكٸ ٶنٸمنٸڭ ٶسۋٸ 3,8 پايىز دەڭگەيٸندە, مۇناي ٶندٸرۋ 89 ملن توننا كٶلەمٸندە. مۇنايدىڭ ەلەمدٸك باعاسى جوعارى قۇبىلمالىلىقتى كٶرسەتٸپ وتىر. وسىنى ەسكەرە وتىرىپ, مۇنايدىڭ بولجامدى باعاسى باررەلٸنە 55 اقش دوللارى دەڭگەيٸندە ساقتالدى», - دەدٸ مينيستر.

ونىڭ اتاپ ٶتۋٸنشە, جىلدىق ينفلياتسييانىڭ نىسانالى دەلٸزٸ 4-6 پايىز شەگٸندە تۇر.

«جالپى, رەسپۋبليكالىق بيۋدجەتتٸڭ كٸرٸستەرٸ (ترانسفەرتتەردٸ ەسەپكە الماعاندا) 2019 جىلى 7 ترلن 81 ملرد تەڭگەنٸ قۇرايدى. تٷسٸمدەر تٷرلەرٸ بويىنشا كٸرٸستەر قۇرىلىمى ساقتالادى. كٶلەمدٸ تٷسٸمدەردٸ قوسىلعان قۇن سالىعى (2,8 ترلن تەڭگە), كورپوراتيۆتٸك تابىس سالىعى (2 ترلن تەڭگە), حالىقارالىق ساۋداعا سالىناتىن سالىقتار (1,5 ترلن تەڭگە) قامتىدى», - دەدٸ رۋسلان دەلەنوۆ.

تٷسٸمدەردٸڭ جالپى كٶلەمٸ 95 ملرد تەڭگەگە ٶسٸپ, 10,7 ترلن تەڭگەنٸ قۇراماق. ترانسفەرتتەردٸڭ تٷسٸمدەرٸ, ونىڭ ٸشٸندە ۇلتتىق قوردان ترانسفەرتتەر ٶسپەيدٸ. شىعىستار 95 ملرد تەڭگەگە ارتادى, بۇل كٸرٸستەردٸڭ ٶسۋٸمەن سەيكەس كەلەدٸ. رەسپۋبليكالىق بيۋدجەت شىعىستارىنىڭ كٶلەمٸ 12 ترلن تەڭگەدەن اسادى.