قاسىم-جومارت توقاەۆتىڭ رەسپۋبليكالىق قوعامدىق شتابىنا شەتەلدٸك بۇقارالىق اقپارات قۇرالدارىنىڭ ٶكٸلدەرٸ مەن حالىقارالىق بايقاۋشىلار كەلدٸ.
شتابقا ەلەمنٸڭ 37 ەلٸنەن 44 شەتەلدٸك باق ٶكٸلٸ كەلدٸ. ولاردىڭ قاتارىندا اقش, كانادا, ۇلىبريتانييا, رەسەي, تٷركييا, بەلگييا, يسپانييا, اۆسترييا, شۆەيتسارييا, كورەيا, ٷندٸستان جەنە ت.ب. ەلدەردەن كەلگەن جۋرناليستەر بار.
«AMANAT» پارتيياسىنىڭ اتقارۋشى حاتشىسى اسحات ورالوۆ ولاردى ٷگٸت-ناسيحات جەنە تالداۋ ورتالىقتارىنىڭ, كانديداتتىڭ قوعامدىق قابىلداۋ بٶلمەسٸنٸڭ, مەديا-شتابتىڭ, سەنٸمدٸ ٶكٸلدەردٸڭ جۇمىسىن ٷيلەستٸرۋ ورتالىعىنىڭ, بايقاۋشىلار شتابى مەن ارنايى جاستار الاڭىنىڭ جۇمىسىمەن تانىستىردى.
«بۇل – كٶپفۋنكتسيونالدى, جوعارى تەحنولوگييالىق ورتالىق. وسى جەردە سايلاۋ ناۋقانى كەزٸندە بەلگٸلٸ بٸر شەشٸمدەردٸ جەدەل قابىلداۋعا مٷمكٸندٸك جاسالدى. قاسىم-جومارت توقاەۆتى قولداۋ جٶنٸندەگٸ حالىقتىق كواليتسيياعا كٸرگەن ۇيىمداردىڭ ٶكٸلدەرٸ بٸر اي بويى, كٷنٸ-تٷنٸ جۇمىس ٸستەدٸ. شتاب جۇمىسى اشىقتىق قاعيداتتارىنا ساي جەنە زاڭ تالاپتارىن قاتاڭ ساقتاي وتىرىپ ۇيىمداستىرىلدى», - دەپ اتاپ ٶتتٸ اسحات ورالوۆ.
كەزدەسۋ قورىتىندىسىندا شەتەلدٸك باق ٶكٸلدەرٸنە ارناپ بريفينگ ٶتكٸزٸلدٸ. ونىڭ بارىسىندا «AMANAT» پارتيياسىنىڭ اتقارۋشى حاتشىسى جۋرناليستەردٸ قىزىقتىرعان بارلىق سۇراققا جاۋاپ بەردٸ.
سونداي-اق, سايلاۋالدى كەزەڭدەگٸ شتاب قىزمەتٸمەن تەۋەلسٸز مەملەكەتتەر دوستاستىعى پارلامەنتتٸك اسسامبلەياسىنىڭ, ۇجىمدىق قاۋٸپسٸزدٸك تۋرالى شارت ۇيىمىنىڭ, يسلام ىنتىماقتاستىعى ۇيىمىنىڭ جەنە امەريكا قۇراما شتاتتارىنىڭ جەنە ت.ب. حالىقارالىق بايقاۋشىلارى دا تانىستى.
ايتا كەتەيٸك, ٷگٸت-ناسيحات ناۋقانى كەزٸندە قاسىم-جومارت توقاەۆتىڭ جاقتاستارى 42 قالا مەن 5000-نان استام اۋىلدى ارالادى. ولار ٶتكٸزگەن 24 مىڭ ٷگٸت-ناسيحات ٸس-شاراسىنا 3 ميلليون سايلاۋشى قاتىستى. كەزدەسۋلەر بارىسىندا ازاماتتاردان 40 مىڭنان استام ۇسىنىس پەن تٸلەك جينالدى.
