«وتانداستار قورى» كەاق ۆيتسە-پرەزيدەنتٸ ماعاۋييا سارباسوۆ شەتەلدەگٸ قانداستارمەن بايلانىس ورناتۋ جەنە قازاق تٸلٸن ٷيرەتۋ جۇمىستارى تۋرالى ايتىپ بەردٸ, دەپ حابارلايدى قازاقپارات.
«وتانداستار» قورىنىڭ ۇيىمداستىرۋىمەن 2019 جىلى ەلەمنٸڭ 25 ەلٸنەن كەلگەن 5000 قانداستى قامتىعان 20-عا جۋىق شارا ٶتكٸزٸلسە, 2020 جىلى ەلەمدٸ جاۋلاعان پاندەميياعا وراي بارلىق جوبا ونلاين فورماتقا كٶشٸرٸلگەن.
«دەگەنمەن, جۇمىس توقتاپ قالعان جوق. وسى رەتتە ەلەمنٸڭ 26 ەلٸندەگٸ وتانداستاردىڭ قاتىسۋىمەن 5 800-دەن استام ادامدى قامتىعان 13 ونلاين ٸس-شارا جەنە 6 ونلاين-جوبا ۇيىمداستىرىلدى. 2021 جىلى دا پاندەمييالىق شەكتەۋلەرگە بايلانىستى ZOOM باعدارلاماسىندا 20 ەلدٸ قامتىعان 20 ونلاين كەزدەسۋ ٶتكٸزٸلدٸ. بۇل شارالاردىڭ بارلىعىندا سىرتتاعى اعايىننىڭ كٶشٸ-قون, ٸسكەرلٸك, مەدەني-گۋمانيتارلىق مەسەلەلەر مەن جوبالارعا قاتىستى ۇسىنىستارى مەن ٶتٸنٸشتەرٸ تالقىلاندى», - دەدٸ م. سارباسوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
قور شەتەلدە تۇراتىن وتانداستارعا قازاق تٸلٸ كۋرستارىن ۇيىمداستىرۋ ٷشٸن 12 ەلدە 31 ونلاين سىنىپ اشقان.
ونلاين سىنىپتار تەلەديدار, نوۋتبۋك, كامەرا, تاعى باسقا قاجەتتٸ زاماناۋي تەحنيكالارمەن قامتىلعان.
2020 جىلى 300-دەن استام ونلاين تەگٸن ساباق ٶتكٸزٸلدٸ. وعان مىڭ جارىم ادام قاتىسىپ, 400-گە جۋىعى قازاق تٸلٸن جەتٸك مەڭگەردٸ دەگەن سەرتيفيكات الدى.
ال 2021 جىلى 350 تەگٸن ونلاين ساباق ٶتكٸزٸلدٸ. وندا 900 قانداس تەستٸلەۋگە قاتىسىپ, قازاق تٸلٸن مەڭگەرٸپ شىقتى.
«قازٸرگٸ ۋاقىتتا قر بٸلٸم جەنە عىلىم مينيسترلٸگٸنٸڭ قولداۋىمەن شەتەلدەگٸ قانداستارعا قازاق تٸلٸن ٷيرەتۋ بويىنشا ورتاق ەمبەباپ وقۋ قۇرالدى ەزٸرلەنۋدە. سەبەبٸ, لاتىن قارپٸمەن نەمەسە تٶتە جازۋمەن ساۋات اشقان بالالارعا كيريلليتسا ٷيرەتۋ قيىن. سوندىقتان, ەمبەباپ ەدٸسناما قاجەت بولدى. بۇل قۇرال جىل سوڭىنا دەيٸن دايىن بولۋى مٷمكٸن, قوسىمشا حاباردار ەتەمٸز», - دەيدٸ ماعاۋييا سارباسوۆ.
