بٷگٸن ەلەمگە ەيگٸلٸ فۋتبولشى ديەگو ارماندو مارادونا قايتىس بولدى, دەپ حابارلايدى "ۇلت اقپارات" «Telam» اقپارات اگەنتتٸگٸنە سٸلتەمە جاساپ.
«ارگەنتينالىق جۇلدىز ديەگو ارماندو مارادونا 60 جاسىندا جٷرەك تالماسىنان قايتىس بولدى», - دەلٸنگەن سايتتا.
اقپاراتقا سەيكەس, ەلەمدٸك فۋتبول جۇلدىزىنا 3 قاراشا كٷنٸ وتا جاسالعان.
مارادونا 1960 جىلدىڭ 30 قازانىندا ارگەنتينانىڭ لانۋس قالاسىندا دٷنيەگە كەلدٸ. فۋتبولداعى مانسابىن 1976 جىلى ٶز ەلٸنٸڭ «ارحەنتينوس حۋنيورس» كومانداسىندا باستادى. ودان كەيٸن سول ەلدەگٸ «بوكا حۋنيورس» كلۋبىندا دوپ تەپتٸ. 1982-1984 جىلداردا ەۋروپادا «بارسەلونا», 1984-1991 جىلداردا «ناپولي», 1992-1993 جىلداردا «سەۆيليا» كلۋبتارىنىڭ نامىسىن قورعادى. ال 1993-1997 جىلداردا ارگەنتينانىڭ «نيۋەللس ولد بويز», «بوكا حۋنيورس» كوماندالارىندا دوپ تەپتٸ.
1994 جىلدان باستاپ باپكەرلٸك قىزمەتكە بەت بۇردى. الدىمەن ٶز ەلٸندەگٸ «تەكستيل ماندييۋ» كومانداسىن جاتتىقتىرعان ول, 1995 جىلى «راسينگ» كومانداسىنىڭ تٸزگٸنٸن ۇستادى. 2008-2010 جىلداردا ارگەنتينا قۇراماسىنا جەتەكشٸلٸك جاسادى. ال 2011-2012 جىلداردا بٸرٸككەن اراب ەمٸرلٸگٸنٸڭ «ال-ۆاسل», 2017-2018 جىلداردا «ال-فۋدجايرا» كوماندالارىندا باس باپكەر بولدى. سونداي-اق, 2018-2019 جىلداردا مەكسيكانىڭ «دورادوس» كلۋبىن جاتتىقتىرسا, 2019 جىلدان بەرٸ ارگەنتينانىڭ «حيمناسييا-ەسگريما» كلۋبىنىڭ تٸزگٸنٸن ۇستادى.
