ەلەمدٸك جۇلدىزداردىڭ قازاقستاندا كونتسەرت ٶتكٸزۋٸنٸڭ پايداسى قانداي?

فوتو: amacumara.ru

جيھانكەز جۋرناليست دينارا بولاتتىڭ ٶزگە پايىمى Ult.kz-تە.

تامىز ايىندا ەلەمگە ەيگٸلٸ پوپ جۇلدىز دجەننيفەر لوپەس استانادا كونتسەرت بەرەدٸ دەگەلٸ قوعام دٷرلٸگٸپ سالا بەردٸ. الدىمەن دجەي لونىڭ كونتسەرتٸ ٷكٸمەت دەڭگەيٸندە ايتىلىپ, ەلگە 15 مىڭنان استام تۋريست كەلەدٸ, ەكونوميكالىق ەسەرٸ 6,5 ميلليارد تەڭگەگە دەيٸن جەتۋٸ مٷمكٸن دەپ بولجاندى.

ٷكٸمەت باسشىسى ولجاس بەكتەنوۆتٸڭ ٶزٸ: «قازاقستاندى وسىنداي  كونتسەرتتەر ٷنەمٸ ٶتەتٸن مەكەنگە اينالدىرۋ ٷشٸن بۇل جۇمىستى جالعاستىرۋ قاجەت. ٷكٸمەت تاراپىنان تيٸستٸ قولداۋدى كٶرسەتەمٸز», – دەپ ۋەدە بەردٸ.

كەيٸن كونتسەرت بيلەتٸ ساتىلىمعا شىعىسىمەن, بيلەت ساتاتىن Ticketon.kz سايتىنا بٸر مەزەتتە 50 مىڭ ادام كٸرٸپ, سايت جٷكتەمەسٸ مۇنشا قولدانۋشىنى كٶتەرە الماي, اقاۋ شىقتى. ارتىنشا بۇل جاعدايعا Ticketon.kz نەگٸزٸن قالاۋشى الەكسەي لي  تٷسٸنٸكتەمە بەرٸپ, جاعدايدى رەتتەگەندەرٸن ايتتى.

سونداي-اق, دجەننيفەر لوپەستٸڭ استاناداعى كونتسەرتٸن ٶتكٸزۋگە جاۋاپتى پروديۋسەر ماليك حاسەنوۆ قازاقستاندا الداعى ٷش جىل ٸشٸندە ەلەمدٸك دەڭگەيدەگٸ 10 جۇلدىزدىڭ كونتسەرتٸ ۇيىمداستىرىلاتىتىنىن مەلٸمدەدٸ.

ايتا كەتەيٸك, دجەننيفەر لوپەس 2025 جىلدىڭ 1 تامىزىندا العاش رەت قازاقستانعا كەلٸپ ٶنەر كٶرسەتەدٸ. ول بٸزدٸڭ ەلدٸ ٶزٸنٸڭ ەلەمدٸك Up All Night تۋرنەسٸنە قوسقان. كونتسەرت «استانا ارەنا» ستاديونىندا ٶتەدٸ.

ەلەمدٸك جۇلدىزداردىڭ تٷرلٸ تۋرنەلەرٸنە ارنايى شەت ەلگە بارعان ادام رەتٸندە گلوبالدىق دەڭگەيدەگٸ جۇلدىزدىڭ بٸزدٸڭ ەلٸمٸزدە كونتسەرت بەرۋٸ قانشالىقتى پايدا, قانداي قيىندىقتارى بولۋى مٷمكٸن ەكەنٸنە ٶز پايىم-كٶزقاراسىمدى جەتكٸزەيٸن.

پايىم

ٶز باسىم مۇنداي شارالاردىڭ بٸزدٸڭ ەلدە ٶتكەنٸن قۋانىشپەن قولدايمىن. بۇعان دەيٸن رەسەيلٸك, ۋكراينالىق جۇلدىزداردى, دەۋٸرٸ ٶتٸپ تۇرعاندا ەشقاشان قازاقستانعا ات باسىن بۇرماعان, سۇرانىسى باسىلعان تٷرلٸ شەتەلدٸك ەنشٸلەردٸ قارسى الدىق. ەندٸ ەلەمدٸك دەڭگەيدەگٸ توپ جۇلدىزدار ارقىلى جان-جاقتى ابىروي جينايتىن ۋاقىت كەلدٸ. ٶنەردەن بۇرىن بۇل بيزنەس, ەرٸ يميدج. سول سەبەپتٸ بۇل ەلٸمٸز ٷشٸن اسا قاجەت قادام.

ەلەمدٸك دەڭگەيدەگٸ كونتسەرت بٸر كەشتٸك شارا بولعانمەن, ەكٸ-ٷش كٷندٸك تۋريزم تابىسىمەن پارا-پار. سٷيٸكتٸ ەنشٸسٸن ٶز كٶزٸمەن كٶرٸپ, جاندى داۋىستا ەستٸپ, ەر قوزعالىسىن, ەرەكەتٸن باقىلاپ, سٷيسٸنگٸسٸ كەلەتٸن فانات ٶنەر يەسٸ قاي ەلدە كونتسەرت بەرسە دە سول جەردەن تابىلۋعا دايىن. 

مەسەلەن ٶزٸم لوس-اندجەلەسكە, سينگاپۋرعا,  بانگكوك, ابۋ-دابيگە ارنايى تەك قانا كونتسەرت ٷشٸن بارعانمىن. 

فوتو: دينارا بولاتتىڭ جەكە مۇرعاتىنان

فاۆوريت ورىنداۋشىڭنىڭ كونتسەرتٸنە بارۋ قازٸر تۋريزمنٸڭ بٸر تٷرٸنە اينالدى. سوندىقتان كەلەشەكتە استانادان باسقا جاقىن جەردە كونتسەرت بەرمەيتٸن جۇلدىزداردى كٶرۋ ٷشٸن كٶرشٸ ٶزبەكستان, قىرعىزستان, موڭعولييا, ۋكراينا, رەسەيدەن دە تىڭدارماندار كەلەتٸنٸ حاق. بۇعان 2023 جىلى باكۋدە عانا كونتسەرت بەرگەن Imagin Dragons توبىنىڭ تەجٸريبەسٸ دەلەل. 

 ەدەتتە بۇل پروتسەسس الدىن الا كونتسەرتكە بيلەت ساتىپ الۋدان باستاپ, ول ەلگە جەتەتٸن ەۋە بيلەتٸ, سول قالاداعى كونتسەرت ٶتەتٸن جەرگە جاقىن  ورنالاسقان قوناق ٷيدٸ برونداۋ,  قالاداعى كوفەينيا, مەيرامحانالارىنان تاماق ٸشۋ, جاڭا قالاعا بارىپ تۇرىپ كٶرۋٸڭ كەرەك قىزىقتى, تانىمدىق جەرلەردٸ بەلگٸلەۋ, قوعامدىق كٶلٸك, تاكسيمەن جەتۋ مارشرۋتتارىن سىزۋ سەكٸلدٸ ەرەكەتتەردەن تۇرادى. بٸر قالادا ەلەمدٸك دەڭگەيدەگٸ كونتسەرت ٶتەدٸ دەگەن سٶز ‒ سول كٷندەرٸ تۇرعىنداردىڭ كەمٸ 30-35 پايىزى بۇل شارامەن بايلانىستى بولادى دەگەندٸ بٸلدٸرەدٸ. 

فوتو: دينارا بولاتتىڭ جەكە مۇرعاتىنان

الايدا بٸز ەزٸرگە تابىس تۋرالى ايتا المايمىز. سەبەبٸ دجەننيفەر لوپەس كونتسەرتٸنٸڭ پيار كومپانيياسى باستالماي جاتىپ,  بيلەتتٸڭ كٶپشٸلٸگٸ ٶز قازاقتارىمىزعا ساتىلىپ كەتتٸ. دەگەنمەن وسى شارادان ابىرويمەن ٶتسەك الداعى ۋاقىتتا تٷرلٸ ەلدەن قوناقتار قارسى الاتىن مٷمكٸندٸگٸمٸز بار. تەك سول كەزدە  استانا تٷرلٸ قالتا مٷمكٸندٸگٸمەن قوناقتاردى قارسى الۋعا دايىن بولۋى كەرەك. سەبەبٸ, بٸزگە The Ritz-Carlton, Rixos, Sheraton سەكٸلدٸ جوعارعى ساناتتاعى قوناق ٷيلەرگە وڭاي اقشا تٶلەيتٸن اقش, ەۋروپا ازاماتتارى ەمەس, ورتاشا تابىستى كٶرشٸ ەل ادامدارى كەلەدٸ. ال مەنٸڭ بايقاۋىمشا استانا قالاسىندا قولجەتٸمدٸ باعا ۇسىنىپ, ٷلكەن تۋريستٸك اعىنعا سەيكەس نٶمٸرلٸك قورى جەتكٸلٸكتٸ قوناق ٷيلەر ٶتە از. 

ەكٸنشٸ نەگٸزگٸ مەسەلە, كونتسەرت ٶتەتٸن استانا ارەنانىڭ مٷمكٸندٸگٸ مەن ول جەردەگٸ شارانىڭ دۇرىس ۇيىمداستىرىلۋى. ەدەتتە دجەننيفەر لوپەس ٶز كونتسەرتتەرٸندە ۆيزۋالدى, ەموتسيونالدى ەسەر قالدىرۋ ٷشٸن بارىن سالادى. بۇل مەگا جٷلدىز ٷشٸن ‒ ەففەكت, شوۋ باستى سٶز.  دجەي لو قالايتىن نەتيجەنٸ قامتاماسىز ەتۋ ٷشٸن استانا ارەنادا مۋلتيدەڭگەيلٸ ساحنالار, اينالمالى پلاتفورما, تٸك كٶتەرٸلەتٸن ليفت, جوعارعى رۇقساتتاعى انيماتسييالىق LED ەكراندار  جەنە ت.ب. وزىق تەحنولوگييالىق مٷمكٸندٸكتەر بولۋى شارت. مۇنىڭ بارلىعىن بٸردەي بۇعان دەيٸن استانا ارەنادان بايقاعان ەمەسپٸن. بٸراق كٶرەرمەنٸن سىيلايتىن, ٶزٸنە, ٶنەرگە تالعامى زور جۇلدىزداردىڭ ارقاسىندا ارەنا بٸر جابدىقتالىپ قالادى دەگەن ٷمٸتتەمٸن.

الداعى ۋاقىتتا استانادا كٶپتەگەن ەلەمدٸك جۇلدىزداردىڭ كونتسەرتٸ ٶتەدٸ دەپ بولجانىپ وتىر. شٸلدەدە استانادا ٶتەتٸن دجەننيفەر لوپەستٸڭ كونتسەرتٸنەن بيۋدجەتكە تٷسەتٸن تابىس تۋرالى ايتۋ ەلٸ ەرتە. تابىس بولماۋى دا مٷمكٸن. دەگەنمەن  مۇنداي اۋقىمداعى مەدەني شارا  بٸزدٸڭ ەل ٷشٸن تەڭدەسسٸز تەجٸريبە. ەزٸرگە بٸزگە كەلگەلٸ جاتقان جۇلدىزداردىڭ جانكٷيەرلەرٸ ورتا جاستا. ال ناعىز جاستاردىڭ سۇرانىسى K-pop ەرتٸستەرٸ. ول ساناتتاعى ورىنداۋشىلار بٸزگە نازارىن بۇرۋى ٷشٸن بۇل ەدەمٸ باستاما. سوندىقتان, بۇعان دەيٸن بٸزدٸ اسا تانىماعاندار استانانى ورتا ازيياداعى مەگا اۋقىمدى ساحنانىڭ بٸرەگەيٸ دەپ تانيتىن يميدج قالىپتاستىرۋ ٷشٸن وسى شارادان ابىرويمەن ٶتۋ بۇيىرسىن. 

دينارا بولات