نۇرسۇلتان نازارباەۆ حالىقارالىق ەۋەجايى ەلەمدٸك ەۋە كەڭٸستٸگٸنە NQZ كودىمەن تٸركەلگەنٸنە بٸر جىل بولدى, دەپ حابارلايدى "ۇلت اقپارات".
2020 جىلدىڭ 8 ماۋسىمىندا نۇرسۇلتان نازارباەۆ حالىقارالىق ەۋەجايى حالىقارالىق ەۋە كٶلٸگٸ قاۋىمداستىعىنان (ياتا) NQZ دەگەن جاڭا كود العان بولاتىن. سودان بەرٸ ەۋە بيلەتتەرٸن برونداۋدىڭ بارلىق جٷيەلەرٸندە ەۋەجايدىڭ NQZ جاڭا كودى قولدانىلىپ كەلەدٸ. سونداي-اق, جولاۋشىلار باسقا ەۋەجايلاردان ۇشىپ شىققان كەزدە دە وسى كودتى بيلەتتەردەن, وتىرعىزۋ تالوندارى مەن جٷك بيركالارىنان كٶرٸپ جٷر.
ەۋەجايدىڭ جاڭا كودپەن جۇمىس باستاعان سەتٸ پاندەمييا كەزەڭٸمەن تۇسپا-تۇس كەلگەن بولاتىن. COVID-19 پاندەميياسىنىڭ سالدارىنان حالىقارالىق جولاۋشىلار تاسىمالى قاتتى قۇلدىراپ, نارىق جٷك جەنە ترانزيتتٸك رەيستەرگە باسىمدىق بەرۋگە مەجبٷر بولدى. بۇل تەسٸلدٸ نۇرسۇلتان نازارباەۆ حالىقارالىق ەۋەجايى دا ۇتىمدى پايدالانىپ, قىسقارتۋلارعا جول بەرگەن جوق. سونىڭ ارقاسىندا بارلىق ٶندٸرٸستٸك پەرسونال ساقتالدى.
ۋاقىت تالابى كارانتيندٸك شەكتەۋلەردٸڭ اياسىندا جولاۋشىلارعا قىزمەت كٶرسەتۋ تەجٸريبەسٸن قىسقا مەرزٸم ٸشٸندە جەتٸلدٸرٸپ, ساپارلاردى ساپالى ۇيىمداستىرۋدى قاجەت ەتتٸ. ەۋەلٸ تەپلوۆيزورلاردىڭ اۆتوماتتى جٷيەسٸ ەنگٸزٸلٸپ, بٷكٸل اۋماقتا ەلەۋمەتتٸك قاشىقتىقتى ساقتايتىن بەلگٸلەر ورناتىلدى.
«بەتپەردە تاعۋ رەجيمٸ, كٸرەتٸن جەنە شىعاتىن جولاۋشىلار توپتارىن بٶلۋ, حالىقارالىق رەيستەردٸڭ جولاۋشىلارىنا ساۋالناما جٷرگٸزۋ, شەتەلدەن كەلەتٸن مەيمانداردان پتر-تەست تالاپ ەتۋ شارالارى كٷن سايىن جەتٸلدٸرٸلٸپ كەلەدٸ. بٷگٸندە ەۋەجاي عيماراتىنا ٶتۋ Ashyq قوسىمشاسى ارقىلى جٷزەگە اسىرىلادى. جولاۋشىلار مەن ەلوردا قوناقتارىنا ىڭعايلى بولۋ ٷشٸن GrinLab تەستٸلەۋ ورتالىعىندا پتر جەنە يفت ەدٸستەرٸمەن COVID-19 ينفەكتسيياسىنا تەستٸلەۋدەن ٶتۋ قىزمەتٸ قولجەتٸمدٸ», - دەپ جازادى ەۋەجايدىڭ باسپاسٶز قىزمەتٸ.
حالىقارالىق ەۋەجايدىڭ رەسمي دەرەكتەرٸنە سٷيەنسەك, جولاۋشىلار رەيستەرٸنٸڭ قىسقارۋى كەسٸپورىننىڭ كٸرٸسٸنە ەسەر ەتپەگەن. بىلتىر ەۋەجاي شاعىن جەنە ورتا بيزنەسكە شامامەن 1 ملرد تەڭگەنٸڭ قولداۋىن كٶرسەتٸپ, بيىل 1 قاڭتاردان باستاپ 30 ماۋسىمعا دەيٸن كوممەرتسييالىق الاڭاردى جالعا الۋشىلاردىڭ 650 ملن تەڭگە تٶلەمٸن شەگەرگەن.
پاندەمييا ٶرشٸپ تۇرعان كەزدە شەت مەملەكەتتەردەن كەلگەن قايىرىمدىلىق كٶمەكتەر وسى ەۋەجاي ارقىلى جەتٸپ تۇردى.
ايلاقتىڭ 2035 جىلعا دەيٸنگٸ دامۋ ستراتەگيياسى بويىنشا مۋلتيمودالدىق جٷك تاسىمالى ورتالىعىن, e-commerce قىزمەت كٶرسەتۋ ورتالىعىن جەنە ەركٸن ساۋدا ايماعىن قۇرۋ جوسپارلانۋدا. جولاۋشىلار اينالىمى مەن رەيستەردٸ ۇلعايتۋ, مارشرۋتتىق جەلٸنٸ كەڭەيتۋ, ترانزيتتٸك تاسىمالداردى دامىتۋ كٶزدەلٸپ وتىر.
ەۋەجاي ەۋروپالىق وداق ەلدەرٸنٸڭ اۋماعىنا اۆياتسييالىق جٷك تاسىمالدارىن ۇيىمداستىرۋعا مٷمكٸندٸك بەرەتٸن RA-3 (Regulated Agents Third country) سەرتيفيكاتىن العان. وسىنىڭ ارقاسىندا ەۋە كومپانييالارى اۆياتسييالىق قاۋٸپسٸزدٸك بويىنشا ەشبٸر شەكتەۋسٸز نۇر-سۇلتاننان ەۋرووداق ەلدەرٸنە جٷك تاسىمالداي الادى.
NQZ كودىمەن جۇمىس ٸستەگەن بٸر جىلدىڭ ٸشٸندە ەۋەجاي 1500-دەن استام ترانزيتتٸك جەنە جٷك رەيستەرٸنە قىزمەت كٶرسەتكەن. ەڭ كٶپ يمپورتتالعان تاۋار گٷل بولسا, ەڭ كٶپ ەكسپورتتالعان تاۋار ەت بولعان. پاندەمييا كەزٸندەگٸ شەكتەۋلەرگە قاراماستان راس-ەل-حايم (Scat) جەنە كۋتايسي (Fly Arystan) باعىتى بويىنشا جاڭا رەيستەر اشىلدى.
بٷگٸندە ەۋەجاي اۋماعىندا قوناقٷي دە جۇمىس ٸستەپ تۇر. سەرۆيس پەن قىزمەت ساپاسىن ارتتىرۋ ماقساتىندا قوناق ٷي اۋتسورسينگتٸك قىزمەت كٶرسەتۋگە بەرٸلدٸ. قوناق ٷيدە ستاندارت, جارتىلاي ليۋكس جەنە ليۋكس ستاندارتتى 16 جايلى نٶمٸر بار.
ۇشۋ قاۋٸپسٸزدٸگٸن قامتاماسىز ەتۋ ٷشٸن ەۋەجاي جىل سايىن ۇشۋ-قونۋ جولاعىنا جٶندەۋ جٷرگٸزٸپ كەلەدٸ. دەگەنمەن سوڭعى 17 جىل ٸشٸندە بٸر دە بٸر رەت جولاققا كٷردەلٸ جٶندەۋ جٷرگٸزٸلمەگەن ەكەن.
«قازٸرگٸ ۋاقىتتا ۇشۋ-قونۋ جولاعى مەن پەرروندى قايتا جاڭارتۋعا جوبالىق-سمەتالىق قۇجاتتاما دايىنداۋ جوسپارلانىپ وتىر», - دەلٸنگەن ەۋەجايدىڭ باسپاسٶز قىزمەتٸ تاراتقان رەسمي مەلٸمەتتە.
