اۆسترييا ەپيدەمييالىق جاعدايدىڭ ناشارلاۋى سالدارىنان 6 جەلتوقسانعا دەيٸن جالعاساتىن جاپپاي لوكداۋنعا ٶتٸپ جاتىر, دەپ حابارلايدى "ۇلت اقپارات" euronews.com سايتىنا سٸلتەمە جاساپ.
وسى ۋاقىتقا دەيٸن اۆسترييادا ٸرٸ دٷكەندەر جۇمىس ٸستەمەيدٸ. مەكتەپ وقۋشىلارى قاشىقتان بٸلٸم الادى. الپٸ رەسپۋبليكاسىنىڭ كانتسلەرٸ سەباستيان كۋرتس ەل بيلٸگٸنٸڭ مۇعالٸمدەرگە ينفەكتسيياعا اناليزدٸ ەرٸكتٸ تٷردە تاپسىرۋدى ۇسىنىپ, تۇرعىنداردىڭ ٶزگە دە توپتارىن روجدەستۆوعا دەيٸن تەستٸلەۋ ٷشٸن جاعداي جاساۋعا نيەتتٸ ەكەنٸن حابارلادى.
گەرمانييادا قاراشانىڭ باسىندا ەنگٸزٸلگەن جارىم-جارتىلاي كارانتين نەتيجەلەرٸ باعالانۋدا. گفر كانتسلەرٸ انگەلا مەركەل بۇل شارالاردىڭ اۋرۋعا شالدىققانداردىڭ ەكسپونەنتسيالدىق ٶسٸمٸن توقتاتۋعا مٷمكٸندٸك بەرگەنٸن ايتتى. الايدا ٷكٸمەت باسشىسى ەل ازاماتتارىن پاندەميياعا بايلانىستى ەلەۋمەتتٸك بايلانىستارىن ودان دا قاتتى شەكتەۋگە شاقىردى. 16 فەدەرالدىق جەردٸڭ باسشىسىلارىمەن تولىققاندى تىيىم سالۋ مەسەلەسٸن كەلٸسۋ مٷمكٸن بولمادى.
كوۆيدتٸڭ بٸرٸنشٸ تولقىنى كەزٸندە قاتاڭ شەكتەۋ ەنگٸزۋدەن باس تارتقان شۆەتسييا بيلٸگٸ ەندٸ باعىتىن ٶزگەرتٸپ وتىر. 24 قاراشادان باستاپ ەلدە سەگٸز ادامنان كٶپ جينالۋعا تىيىم سالىنادى. 20 قاراشادان باستاپ بارلار, مەيرامحانالار مەن تٷنگٸ كلۋبتاردا ساعات 22-دەن باستاپ الكوگول ٶنٸمدەرٸن ساتۋعا تىيىم سالىنادى. سوڭعى اپتالاردا ەلدە COVID-19 ۆيرۋسىن جۇقتىرعاندار سانىنىڭ ٶسٸمٸ بايقالىپ وتىر, وسىعان بايلانىستى دەنساۋلىق ساقتاۋ جٷيەسٸنە ٷلكەن سالماق تٷسكەن.
شۆەيتساريياداعى جەنەۆا كانتونى قاراشادا كوروناۆيرۋس جۇقتىرۋدىڭ ەڭ جوعارى دەڭگەيٸ بەلگٸلەنگەن ەۋروپا ايماقتارىنىڭ قاتارىنا كٸردٸ. مۇنداعى جٷز مىڭ تۇرعىننىڭ ٸشٸندە التى مىڭ ادام اۋرۋ جۇقتىرعان. جەرگٸلٸكتٸ اۋرۋحانالاردىڭ دەرٸگەرلەرٸ دابىل قاقتى. جاعداي قاتاڭ كارانتين ەنگٸزٸلگەن سوڭ (كانتوندا مەيرامحانالار مەن بارلاردان باسقا, ازىق-تٷلٸك ساتپايتىن بارلىق دٷكەندەر جابىلدى) تۇراقتالا باستادى, الايدا ەلٸ دە كٷردەلٸ بولىپ قالىپ وتىر.
ۆۆس-دٸڭ حابارلاۋىنشا, يراندا Covid-19 ۆيرۋسى سالدارىنان ٶلٸم وقيعالارىنىڭ كٶبەيۋٸنە بايلانىستى سەنبٸدەن باستاپ بٸرٸنشٸ لوكداۋن ەنگٸزٸلٸپ جاتىر. بولجام بويىنشا, تەۋلٸك ٸشٸندە ٶلٸم سانى ەكٸ ەسە ٶسٸپ, اۋرۋحانالار ناۋقاستار اعىنىن قابىلداي الماي قالادى.
«ٷكٸمەتتٸڭ بۇل قيراتۋشى ۆيرۋسپەن كٷرەس جٷرگٸزۋ ٷشٸن لوكداۋن ەنگٸزۋدەن باسقا امالى جوق. مەن كوروناۆيرۋستىڭ ٷشٸنشٸ تولقىنىمەن كٷرەس جٷرگٸزۋ ٷشٸن جاپپاي كٷش جۇمىلدىرۋدى جارييالايمىن», - دەدٸ ەل پرەزيدەنتٸ حاسان روۋحاني.
پاندەمييا باستالعالى, ەلدە اۋرۋ جۇقتىرۋدىڭ 558 مىڭنان استام وقيعاسى تٸركەلٸپ, 41,4 مىڭنان استام ادام قايتىس بولعان.
اقش-تا Covid-19 ۆيرۋسىنا شالدىققاندار سانى پاندەمييا باسىنان بەرٸ 11 ملن ادامنان استى, ال اۋرۋحانالارداعى پاتسيەنتتەر سانى رەكوردتىق قارقىنمەن ٶسٸپ جاتىر. ەلدە كوروناۆيرۋستان 250 مىڭعا جۋىق ادام قايتىس بولدى. ميچيگان جەنە ۆاشينگتون شتاتتارى قاتاڭ كارانتين شارالارىن ەنگٸزگەن. سەرسەنبٸدەن باستاپ ميچيگاندا جوعارى سىنىپ وقۋشىلارى مەن كوللەدج ستۋدەنتتەرٸ ونلاين-وقىتۋعا اۋىسىپ, مەيرامحانالار كەلۋشٸلەردٸ قابىلدامايدى.
ۆاشينگتوندا سپورتزالدار, كينوتەاترلار, تەاترلار جەنە مۇراجايلار جابىلادى. وسى ارادا اق ٷي جەلتوقساننان باستاپ ايىنا 20 ملن امەريكاندىق ازاماتقا ۆاكتسينا ەگۋگە نيەتتٸ ەكەنٸن مەلٸمدەدٸ. قازٸرگٸ كەزدە ەلدە بٸردە بٸر ۆاكتسينا رەسمي تٷردە ماقۇلدانعان جوق, دەپ حابارلايدى ۆۆس.
اۆسترالييادا كارانتين تالاپتارىن ساقتاۋعا مٸندەتتٸ ادامدار تۇرىپ جاتقان قوناقٷيدٸڭ قىزمەتكەرٸ وتباسىنىڭ 13 مٷشەسٸنە ۆيرۋس جۇقتىرعان. اۋرۋ جۇقتىرۋ وقيعالارى انىقتالعان سوڭ وڭتٷستٸك اۆسترالييا شتاتىنىڭ بيلٸگٸ ٶتكٸزٸلٸپ جاتقان تەست سانىن كٶبەيتٸپ, جاڭا شەكتەۋلەر ەنگٸزدٸ. ناۋرىز ايىنان باستاپ شەتەلدٸكتەرگە ەلگە كٸرۋگە تىيىم سالىنعان, بٸراق اۆسترالييا ازاماتتارى مەن قولىندا تۇرۋعا ىقتييارحاتى بار ازاماتتار ارنايى قوناقٷيدە مٸندەتتٸ 14 كٷندٸك كارانتيندە بولۋ تالابىن ساقتاسا, ەلگە قايتىپ كەلە الادى.
