فوتو: Pexels.com
Forbes World’s Billionaires 2025 رەيتينگٸنە جەتٸ قازاقستاندىق بيزنەسمەن ەندٸ. ولاردىڭ جيىنتىق بايلىعى 38,8 ملرد دوللارعا جەتتٸ, دەپ حابارلايدى Ult.kz.
قازاقستاندىق ميللياردەرلەر اراسىندا كٶشباسشىلىقتى ۆياچەسلاۆ كيم ساقتاپ قالدى. ونىڭ بايلىعى 7,1 ملرد دوللار بولىپ, ەلەمدٸك رەيتينگتە 464-ورىنعا كٶتەرٸلدٸ (ٶتكەن جىلى – 511-ورىن). بٸر جىل ٸشٸندە كيمنٸڭ كاپيتالى 1,3 ملرد دوللارعا ارتقان, بۇل ونى قازاقستانداعى ەڭ باي كەسٸپكەر رەتٸندە قالدىردى.
كيمنٸڭ سەرٸكتەسٸ ميحايل لومتادزە قازاقستانداعى ەكٸنشٸ ەڭ باي بيزنەسمەن اتاندى. ول ەلەمدٸك تٸزٸمدە 597-ورىنعا جايعاستى. ونىڭ بايلىعى 5,9 ملرد دوللار دەپ باعالانۋدا.
تيمۋر تۋرلوۆ رەيتينگتە ايتارلىقتاي سەرپٸلٸس جاسادى. Freedom Holding يەسٸ ٶز بايلىعىن ەكٸ ەسەگە جۋىق ارتتىردى – 3,3 ملرد دوللاردان 5,8 ملرد دوللارعا دەيٸن. نەتيجەسٸندە, ول ەلەمدٸك تٸزٸمدە 991-ورىننان 605-ورىنعا كٶتەرٸلٸپ, كٶپتەگەن ەيگٸلٸ بيزنەسمەندەردٸ باسىپ وزدى.
تٶرتٸنشٸ ورىندا KAZ Minerals جەنە قازاقمىس اكتسيونەرٸ ۆلاديمير كيم تۇر. ٶتكەن جىلى ونىڭ بايلىعى 3,6 ملرد دوللار دەپ باعالانسا, بيىل 5,7 ملرد دوللارعا جەتٸپ, ول رەيتينگتە 896-ورىننان 620-ورىنعا كٶتەرٸلدٸ.
ەدەتتە قازاقستاننىڭ ەڭ باي ادامدارىنىڭ قاتارىندا بولاتىن تيمۋر جەنە دينارا قۇلىباەۆتار بيىل ٶز پوزيتسييالارىنان سەل تٶمەندەدٸ. ەرقايسىسىنىڭ بايلىعى 5,3 ملرد دوللار بولسا دا, ولار ەلەمدٸك رەيتينگتە 612-ورىننان 673-ورىنعا تٷستٸ.
Forbes تٸزٸمٸندەگٸ قازاقستاندىق ميللياردەرلەردٸڭ سوڭعىسى – بولات ٶتەمۇراتوۆ, ForteBank اكتسيونەرٸ. ونىڭ بايلىعى 1 ملرد دوللارعا ٶسٸپ, 3,7 ملرد دوللارعا جەتتٸ. ول رەيتينگتە 1238-ورىننان 979-ورىنعا كٶتەرٸلدٸ.
ەلەمدەگٸ ەڭ باي ادامدار
ەلەمدٸك رەيتينگتٸ تاعى دا يلون ماسك باستادى. ونىڭ بايلىعى بٸر جىلدا 147 ملرد دوللارعا ٶسٸپ, 342 ملرد دوللارعا جەتتٸ.
بۇرىنعى كٶشباسشى, Louis Vuitton Moët Hennessy كومپانيياسىنىڭ يەسٸ بەرنار ارنو قازٸر بەسٸنشٸ ورىندا. ونىڭ كاپيتالى 55 ملرد دوللارعا قىسقارىپ, 178 ملرد دوللاردى قۇرادى.
ەكٸنشٸ ورىندى مارك تسۋكەربەرگ (Meta) 216 ملرد دوللارمەن, ال ٷشٸنشٸ ورىندى دجەفف بەزوس (Amazon) 215 ملرد دوللارمەن يەلەندٸ.
جالپى, ەلەمنٸڭ ەڭ باي 20 ادامىنىڭ جيىنتىق بايلىعى 2,8 ترلن دوللاردى قۇرايدى.
