ٶتكەن اپتادا ەلەمدە كوروناۆيرۋس جۇقتىرۋدىڭ 3,5 ملن استام وقيعاسى جەنە ودان قايتىس بولۋدىڭ 78 مىڭنان استام وقيعاسى تٸركەلدٸ. ونىڭ الدىنداعى جەتٸ كٷنمەن سالىستارعاندا, اۋرۋعا شالدىعۋ دەڭگەيٸ 15 پايىزعا, ال ٶلٸم-جٸتٸم وقيعالارى – 7 پايىزعا تٶمەندەگەن. بۇل تۋرالى سەرسەنبٸگە قاراعان تٷنٸ دٷنيەجٷزٸلٸك دەنساۋلىق ساقتاۋ ۇيىمى (ددسۇ) مەلٸمدەدٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
«ٶتكەن اپتانىڭ ٸشٸندە COVID-19 جۇقتىرۋ وقيعالارى مەن ودان بولعان ٶلٸم-جٸتٸم تٶمەندەدٸ: ۆيرۋس جۇقتىرعان 3,5 ملن ادام مەن ودان قايتىس بولعان 78 مىڭنان استام ادام تۋرالى حابارلاما كەلدٸ, بۇل الدىڭعى اپتامەن سالىستىرعاندا تيٸسٸنشە 15% جەنە 7%-عا از», - دەپ اتاپ ٶتتٸ ددسۇ ٶزٸنٸڭ اپتا سايىنعى ەپيدەميولوگييالىق بيۋللەتەنٸندە.
24-30 مامىر ارالىعىندا ەلەمدە ينفەكتسييا جۇقتىرعان 3 550 456 ادام مەن ودان قايتىس بولۋدىڭ 78 667 وقيعاسى تٸركەلگەن. 30 مامىرداعى جاعداي بويىنشا, ينفەكتسييا جۇقتىرۋدىڭ بارلىعى 169 604 858 وقيعاسى مەن 3 530 837 ٶلٸم وقيعاسى تٸركەلدٸ.
ٶتكەن اپتادا اۋرۋ جۇقتىرۋ دەڭگەيٸ افريكادا 22 پايىزعا, باتىس-تىنىق مۇحيتى ايماعىندا 6 پايىزعا ٶسسە, ەۋروپادا ينفەكتسييا جۇقتىرۋدىڭ جاڭا وقيعالارىنىڭ سانى 26 پايىزعا, وڭتٷستٸك-شىعىس ازييادا – 24 پايىزعا, سولتٷستٸك جەنە وڭتٷستٸك امەريكادا – 2 پايىزعا, شىعىس جەرورتا تەڭٸزٸندە – 1 پايىزعا تٶمەندەگەن. افريكادا ۆيرۋستان بولعان ٶلٸم-جٸتٸم دەڭگەيٸ 11 پايىز ٶسسە, شىعىس جەرورتا تەڭٸزٸندە 18 پايىزعا, ەۋروپادا – 17 پايىزعا, وڭتٷستٸك-شىعىس ازييادا – 8 پايىزعا, باتىس-تىنىق مۇحيتى ايماعىندا 2 پايىزعا جەنە سولتٷستٸك جەنە وڭتٷستٸك امەريكادا – 1 پايىزعا تٶمەندەگەن.
ەۋروپادا جەتٸ كٷننٸڭ ٸشٸندە 430 مىڭنان استام ادام اۋرۋ جۇقتىرىپ, 11 مىڭنان استامى كٶز جۇمدى.
سولتٷستٸك جەنە وڭتٷستٸك امەريكادا ينفەكتسييا جۇقتىرۋدىڭ 1,1 ملن استام جاڭا وقيعاسى جەنە 31 مىڭنان استام ٶلٸم وقيعاسى تٸركەلدٸ.
وڭتٷستٸك-شىعىس ازييادا دەرٸگەرلەر ۆيرۋس جۇقتىرعان 1,5 ملن استام ادامدى انىقتاعان, 29 مىڭنان استام ادام قايتىس بولدى.
ٷندٸستاندا ۆيرۋس جۇقتىرعاندار سانى بٸر اپتادا 1,3 ملن استام ادامعا كٶبەيدٸ.
ودان كەيٸن تٸزٸمدە برازيلييا (420 مىڭنان استام جاڭا وقيعا), ارگەنتينا (219 مىڭنان استام وقيعا), اقش (153 مىڭنان استام وقيعا), كولۋمبييا (150 مىڭنان استام), يران (69 مىڭنان استام), رەسەي (61 مىڭنان استام), فرانتسييا (60 مىڭنان استام), تٷركييا (57 مىڭنان استام), نەپال (47 مىڭنان استام), چيلي (46 مىڭنان استام) جەنە يندونەزييا (39 مىڭنان استام) ەلدەرٸ تۇر.
