Ótken aptada álemde koronavirýs juqtyrýdyń 3,5 mln astam oqiǵasy jáne odan qaitys bolýdyń 78 myńnan astam oqiǵasy tirkeldi. Onyń aldyndaǵy jeti kúnmen salystarǵanda, aýrýǵa shaldyǵý deńgeii 15 paiyzǵa, al ólim-jitim oqiǵalary – 7 paiyzǵa tómendegen. Bul týraly sársenbige qaraǵan túni Dúniejúzilik densaýlyq saqtaý uiymy (DDSU) málimdedi, dep habarlaidy "Ult aqparat" TASS agenttigine silteme jasap.
«Ótken aptanyń ishinde COVID-19 juqtyrý oqiǵalary men odan bolǵan ólim-jitim tómendedi: virýs juqtyrǵan 3,5 mln adam men odan qaitys bolǵan 78 myńnan astam adam týraly habarlama keldi, bul aldyńǵy aptamen salystyrǵanda tiisinshe 15% jáne 7%-ǵa az», - dep atap ótti DDSU óziniń apta saiynǵy epidemiologiialyq biýlleteninde.
24-30 mamyr aralyǵynda álemde infektsiia juqtyrǵan 3 550 456 adam men odan qaitys bolýdyń 78 667 oqiǵasy tirkelgen. 30 mamyrdaǵy jaǵdai boiynsha, infektsiia juqtyrýdyń barlyǵy 169 604 858 oqiǵasy men 3 530 837 ólim oqiǵasy tirkeldi.
Ótken aptada aýrý juqtyrý deńgeii Afrikada 22 paiyzǵa, Batys-Tynyq muhity aimaǵynda 6 paiyzǵa ósse, Eýropada infektsiia juqtyrýdyń jańa oqiǵalarynyń sany 26 paiyzǵa, Ońtústik-Shyǵys Aziiada – 24 paiyzǵa, Soltústik jáne Ońtústik Amerikada – 2 paiyzǵa, Shyǵys Jerorta teńizinde – 1 paiyzǵa tómendegen. Afrikada virýstan bolǵan ólim-jitim deńgeii 11 paiyz ósse, Shyǵys Jerorta teńizinde 18 paiyzǵa, Eýropada – 17 paiyzǵa, Ońtústik-Shyǵys Aziiada – 8 paiyzǵa, Batys-Tynyq muhity aimaǵynda 2 paiyzǵa jáne Soltústik jáne Ońtústik Amerikada – 1 paiyzǵa tómendegen.
Eýropada jeti kúnniń ishinde 430 myńnan astam adam aýrý juqtyryp, 11 myńnan astamy kóz jumdy.
Soltústik jáne Ońtústik Amerikada infektsiia juqtyrýdyń 1,1 mln astam jańa oqiǵasy jáne 31 myńnan astam ólim oqiǵasy tirkeldi.
Ońtústik-Shyǵys Aziiada dárigerler virýs juqtyrǵan 1,5 mln astam adamdy anyqtaǵan, 29 myńnan astam adam qaitys boldy.
Úndistanda virýs juqtyrǵandar sany bir aptada 1,3 mln astam adamǵa kóbeidi.
Odan keiin tizimde Braziliia (420 myńnan astam jańa oqiǵa), Argentina (219 myńnan astam oqiǵa), AQSh (153 myńnan astam oqiǵa), Kolýmbiia (150 myńnan astam), Iran (69 myńnan astam), Resei (61 myńnan astam), Frantsiia (60 myńnan astam), Túrkiia (57 myńnan astam), Nepal (47 myńnan astam), Chili (46 myńnan astam) jáne Indoneziia (39 myńnan astam) elderi tur.
