يممۋنيتەتتٸ كٷشەيتۋ كامپانيياسى باستالعالى بەرٸ ەلەمدە كوروناۆيرۋس ۆاكتسيناسىنىڭ بەس ميللياردقا جۋىق دوزاسى سالىندى. 23 تامىزدا Our World in Data ۇيىمى جارييالاعان تسيفر, بٷكٸل ەلەمدە 4,93 ميلليارد دوزا پايدالانىلعانىن, تاياۋدا بەس ميللياردقا جەتەتٸنٸن كٶرسەتەدٸ.
جەر بەتٸندەگٸ حالىقتىڭ ٷشتەن بٸرٸ ۆاكتسينانىڭ تىم بولعاندا بٸر دوزاسىن, تٶرتتەن بٸرٸ تولىق العان. ۆاكتسينالاردىڭ كٶپشٸلٸگٸ ەكٸ دوزادان سالىنادى, الايدا ۆاكتسينا كٷشٸنٸڭ ۋاقىت ٶتە ەلسٸرەۋٸنەن جەنە كوروناۆيرۋستىڭ ەلدەقايدا تەز جۇعاتىن دەلتا شتامىنان قاۋٸپتەنٸپ, ۆاكتسينانىڭ ٷشٸنشٸ دوزاسىن سالدىرىپ جاتقان ەلدەر دە بار.
ساراپشىلار بايقاۋىنا قاراعاندا, ۆاكتسينا جەتٸمدٸلٸگٸ مەن ۆاكتسينالاۋ جىلدامدىعى ەر ەلدە ەرتٷرلٸ. تابىسى ورتاشا نەمەسە جوعارى ەلدەر ۆاكتسينا قورىن بەلسەندٸ پايدالانسا, ۆاكتسينانىڭ بٸر دوزاسىن عانا العان تابىسى از ەلدەر دە بار.
ەسٸرەسە افريكاداعى جاعداي اۋىر. مۇندا ۆاكتسينالاۋ دەڭگەيٸ بٸر پايىزعا دا جەتپەيدٸ, كەيبٸر كومپانييالاردا ەلٸ باستالماعان دا.
دٷنيەجٷزٸلٸك دەنساۋلىق ساقتاۋ ۇيىمى ٸندەتتٸ توقتاتىپ, ۆيرۋس مۋتاتسيياسىن تٶمەندەتۋ ٷشٸن تابىسى از ەلدەر دە ۆاكتسينالاۋدى كٷشەيتۋگە تيٸس دەپ سانايدى.
قازاقستاندا نەگٸزٸنەن رەسەي عالىمدارى جاساپ, قاراعاندى زاۋىتىندا ٶندٸرٸلەتٸن "سپۋتنيك V" ۆاكتسيناسى قولدانىلادى. 6,3 ميلليون ادام ونىڭ ەكٸ كومپونەنتٸن دە السا, بەس ميلليون ادام تىم بولماعاندا بٸر كومپونەنتٸن العان. ۆاكتسينا پاسپورتىن ساتىپ العاندار دا بار ەكەنٸ رەسمي تٷردە بٸرنەشە رەت ايتىلدى. ولار دا ۆاكتسينا سالدىرعاندار قاتارىنا جاتادى.
