ەلەمدە بولىپ جاتقان جانجالدار ساياسي ديالوگ ارقىلى عانا شەشٸلۋٸ تيٸس. بۇل تۋرالى بٷگٸن قىتايدىڭ تسينداو قالاسىندا شانحاي ىنتىماقتاستىق ۇيىمىنا مٷشە مەملەكەتتەر باسشىلارىنىڭ كەڭەيتٸلگەن قۇرامداعى وتىرىسىندا ەلباسى نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«ازييا, افريكا, تاياۋ شىعىس جەنە ٶزگە دە «جانجال نٷكتەسٸندەگٸ» قاقتىعىستاردى تەك ساياسي جولمەن عانا رەتتەۋ قاجەتتٸگٸ تۋرالى مٷلتٸكسٸز ۇستانىمدامىز. قازاقستان اۋعانستاننىڭ ەكونوميكالىق تۇراقتىلىعى مەن قاۋٸپسٸز دامۋىنا مٷددەلٸ. بۇل تۇرعىدا كٶپتەگەن جىلدار بويى كابۋلعا قارجىلاي جەردەم كٶرسەتٸپ كەلەمٸز. استانادا سيريياارالىق كەلٸسسٶزدەردٸ قابىلداۋشى تاراپ رەتٸندە قازاقستان سيريياداعى پروتسەستەردٸڭ رەتتەلۋٸن جٸتٸ قاداعالاپ وتىر. قىسقا عانا ۋاقىتتىڭ ٸشٸندە رەسەي, تٷركييا جەنە يراننىڭ بەلسەندٸ قولداۋىمەن استانا كەلٸسسٶزدەر پروتسەسٸ ٶزٸن سيريياداعى جالپىقامتىمدى بەيبٸتشٸلٸككە قول جەتكٸزۋ جولىنداعى تيٸمدٸ قۇرال رەتٸندە كٶرسەتە بٸلدٸ», - دەدٸ نۇرسۇلتان نازارباەۆ.
ەلباسى قازاقستان كورەي تٷبەگٸنٸڭ يادروسىز ٶڭٸر مەرتەبەسٸنە قول جەتكٸزۋٸ تەك قانا بەيبٸت جولمەن جٷرۋ تيٸستٸگٸن جاقتايتىندىعىن باسا ايتتى. سونىمەن قاتار يراننىڭ يادرولىق باعدارلاماسى بويىنشا كەلٸسٸمگە كەلۋگە دە ەلٸمٸزدٸڭ قوماقتى ٷلەس قوسقانىن اتاپ ٶتتٸ.
«سوندىقتان دا بٸز ٸس-قيمىلدىڭ بٸرلەسكەن جالپىقامتىمدى جوسپارىنىڭ ودان ارى مٷلتٸكسٸز ورىندالۋىنىڭ ساقتالۋىن تٷبەگەيلٸ ۇستانامىز», - دەدٸ قازاقستان پرەزيدەنتٸ.
سونىمەن قاتار مەملەكەت باسشىسى ەلٸمٸز ۇيىمنىڭ بارلىق مەملەكەتتەرٸمەن سەنٸمدٸ, دوستىق پەن تاتۋ كٶرشٸلٸكتٸ نىعايتۋعا ۇمتىلاتىنىن, شىۇ حارتيياسى ۇستانىمدارىن نىق قولدايتىندىعىن باسا ايتتى.
ەلباسىنىڭ پايىمىنشا, وسى جىلداردىڭ ٸشٸندە شانحاي رۋحى شىۇ-نىڭ تيٸمدٸ قىزمەتٸنٸڭ بٸرەگەي كٶزٸنە اينالىپ كەلدٸ.
«قحر-دٸڭ تابىستى تٶراعالىعى بۇل ٸرگەلٸ فاكتوردى ودان ارى نىعايتا تٷستٸ. ۇيىمىمىز بارلىق حالىقتارىمىز بەن مەملەكەتتەرٸمٸزدٸڭ يگٸلٸگٸ ٷشٸن ودان ارى نىعايا تٷسەدٸ دەپ ٷمٸت ارتامىز. سٶز سوڭىندا قىرعىزستانعا دا بولاشاقتاعى تٶراعالىعى بارىسىندا وسىناۋ لاۋازىمدا دەل وسىنداي جەمٸستٸ جۇمىستار تٸلەيمٸن», - دەدٸ نۇرسۇلتان ەبٸشۇلى.
مۇنان بٶلەك, وتىرىستا قر پرەزيدەنتٸ شىۇ-نىڭ ستراتەگييالىق باسىمدىعىن اتاپ, جاڭا تەحنولوگييالار بويىنشا تەجٸريبە الماساتىن الاڭ قۇرۋدى ۇسىندى.
ايتا كەتەيٸك, وتىرىسقا قازاقستان پرەزيدەنتٸ نۇرسۇلتان نازارباەۆ, رەسەي پرەزيدەنتٸ ۆلاديمير پۋتين, قىرعىز پرەزيدەنتٸ سوورونباي جەەنبەكوۆ, پەكٸستان پرەزيدەنتٸ مامنۋن حۋسەين, تەجٸكستان پرەزيدەنتٸ ەمومالي راحمون, ٶزبەكستان پرەزيدەنتٸ شاۆكات ميرزيەەۆ, ٷندٸستان پرەمەر-مينيسترٸ نارەندرا مودي, شىۇ-عى بايقاۋشى مەرتەبەسٸ بار اۋعانستان پرەزيدەنتٸ اشراف عاني, بەلارۋس پرەزيدەنتٸ الەكساندر لۋكاشەنكو, يران پرەزيدەنتٸ حاسان روۋحاني جەنە موڭعولييا پرەزيدەنتٸ حالتمااگيين باتتۋلا جەنە بٸرقاتار حالىقارالىق ۇيىمنىڭ باسشىلارى قاتىسۋدا.
كەڭەيتٸلگەن قۇرامداعى وتىرىستان كەيٸن سامميتتٸڭ باستى قۇجاتى تسينداو دەكلاراتسيياسى قابىلدانىپ, 20-دان استام قۇجاتقا قول قويىلماق. ونىڭ 17-سٸن مەملەكەت باسشىلارى رەسٸمدەيدٸ.
