استانا قالاسىندا ٶتٸپ جاتقان «ەكسپو-2017» حالىقارالىق مامانداندىرىلعان كٶرمەسٸ اياسىندا م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترى 18-25 ماۋسىم ارالىعىندا ٶنەر كٶرسەتەدٸ.
ەل تاريحىندا قالاتىن ايتۋلى شارا – «ەكسپو -2017» كٶرمەسٸ اياسىندا كٶپتەگەن مەدەني شارالار باستاۋ الىپ, ٶز جالعاسىن تابۋدا. ەلەم كٶز تٸككەن بۇل ايتۋلى كٷندەردە م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترى دا بەلسەندٸ اتسالىسىپ, رەپەرتۋارىنان بەرٸك ورىن العان قويىلىمداردى ەلەم جۇرتشىلىعىنىڭ نازارىنا ۇسىنۋدا. تەاتر ۇجىمى بٷگٸنگە دەيٸن استانا بالەت تەاترىندا «بەيبارىس سۇلتان», «ٷمٸت ٷزگٸم كەلمەيدٸ» شىعارمالارىن ساحنالاپ, جينالعان قاۋىمنىڭ ىستىق ىقىلاسىنا بٶلەنسە, الداعى كٷندەرٸ جاستار تەاترىنىڭ ساحناسىنان كٶرٸنٸپ, كٶرەرمەنٸن قۋانتپاق.
بٷگٸن تەاتر ۇجىمى ۇلتتىق كلاسسيكا قۇندىلىعىنا جاتاتىن م.ەۋەزوۆتٸڭ «اباي» تراگەديياسىن ساحنالايدى. رەجيسسەر ەسمۇحان وباەۆ قويىلىمنىڭ مۋزىكامەن كٶركەمدەلۋٸنە باسا نازار اۋدارعان. سپەكتاكلدە ۇلى اقىن شىعارماشلىعىنىڭ كومپوزيتورلىق قىرىنىڭ اشىلا تٷسۋٸنە كسرو حالىق ارتيسٸ, پروفەسسور عازيزا جۇبانوۆانىڭ دا قوسقان ٷلەسٸ زور. رەجيسسەر ەكەۋٸ بٸرلەسە وتىرىپ تاندەمدە جۇمىس جاساعانى, قويىلىم بارىسىنداعى مۋزىكالىق كٶركەمدەۋدەن بٸردەن سەزٸلەدٸ. سۋرەتكەر جاڭا زاماننىڭ, ٶركەنيەتتٸڭ باستاۋى بولعان, قوعامدىق سانانىڭ ٸلگەرٸلەۋٸنە قىزمەت ەتكەن اباي بولمىسىن جان-جاقتى قىرىنان تانىتۋعا تىرىسقان. شىعارماشىلىعى ٶز الدىنا, ەل ورتاسىنداعى, حالىق اراسىنداعى ابىروي - بەدەلٸ, ەر شەكٸرتٸنە ۇستاز بولا بٸلگەن ادامگەرشٸلٸك قاسيەتٸ مەن ٶز باسىنداعى قايعى-قاسٸرەتٸ (بالالارىنىڭ ٶلٸمٸ) قويىلىم بارىسىندا جٷيەلٸ ٶربٸپ وتىرادى. شىمىلدىق اشىلعاننان-اق ايدار مەن اجاردىڭ داۋىنان باستالاتىن وقيعا, ابايدىڭ ساحناعا شىعۋىمەن جالعاسىن تابادى. اق پەن قارانىڭ اراجٸگٸن اجىراتۋشى تۇلعانىڭجاقسىنى تاني بٸلگەن كٶرەگەندٸگٸ وسى تۇستا اڭعارىلادى. قويۋشى-رەجيسسەر حاكٸم ابايدىڭ اينالاسىندا بولىپ اتقان جاعداياتتار ارقىلى, ناداندىقپەن كٷرەسكەن باس كەيٸپكەردٸڭ بەينەسٸن كٷرەسكەرلٸك رۋحقا باعىتتاعان.
زاڭعار جازۋشى مۇحتار ەۋەزوۆ «اباي جولى» رومانى ارقىلى اباي بەينەسٸن ەلەم جۇرتشىلىعىنا تانىستىرسا, ەۋەزوۆ تەاترى ابايدى ساحنادان سٶيلەتٸپ, ۇلى تۇلعانىڭ ٶمٸرٸ مەن ٶنەگەسٸن ەلەمنٸڭ تٷكپٸر-تٷكپٸرٸنەن كەلگەن قوناقتاردىڭ الدىندا پاش ەتپەك.
