ەلورداداعى «قازاقستان» ورتالىق كونتسەرت زالىندا «مەرەيلٸ وتباسى» ۇلتتىق كونكۋرسىنىڭ قورىتىندى كونتسەرتٸ ٶتٸپ جاتىر, دەپ حابارلايدى قازاقپارات تٸلشٸسٸ.
قىركٷيەكتٸڭ ەكٸنشٸ جەكسەنبٸسٸ قازاقستاندا وتباسى كٷنٸ رەتٸندە تويلانادى. وسى ايتۋلى داتاعا وراي, ەلوردادا «مەرەيلٸ وتباسى» كونكۋرسىنىڭ جەڭٸمپازدارى ماراپاتتالدى. ەلدەگٸ 14 وبلىس پەن 3 رەسپۋبليكالىق ماڭىزداعى قالانىڭ نامىسىن قورعاپ كەلگەن ٷزدٸك وتباسىلار استانا تٶرٸندە قوشەمەتكە يە بولدى.
ماراپاتتاۋ رەسٸمٸنە قاتىسقان قر پرەمەر-مينيسترٸنٸڭ ورىنباسارى بەردٸبەك ساپارباەۆ جەڭٸمپاز جانۇيالارعا پرەزيدەنت قاسىم-جومارت توقاەۆتىڭ قۇتتىقتاۋ حاتىن وقىپ بەردٸ.
«حالقىمىزدىڭ ۇلتتىق جەنە وتباسىلىق دەستٷرلەرگە بەرٸكتٸگٸ قوعامداعى رۋحاني قۇندىلىقتاردىڭ ساقتالۋىنا ىقپال ەتەدٸ. بۇل مەملەكەتتٸك ٸس-شارا – قازاقستاننىڭ ەلەۋمەتتٸك ساياساتىنىڭ ماڭىزدى بٶلٸگٸ. ەلٸمٸزدە جىل سايىن حالىقتىڭ ٶمٸر سٷرۋ جاعدايىن, تۇرمىس ساپاسىن جاقسارتۋعا باعىتتالعان ماڭىزدى شەشٸمدەر قابىلدانۋدا. ەلباسى باستاماسىمەن مەرەكەلەر كٷنتٸزبەسٸنە وتباسى كٷنٸ مەيرامى ەنگٸزٸلدٸ. ىرىس-بەرەكەسٸ مەن ىنتىماعى جاراسقان مەۋەلٸ ەۋلەتتەردٸ ناسيحاتتايتىن «مەرەيلٸ وتباسى» ۇلتتىق بايقاۋىن ٶتكٸزۋ دەستٷرگە اينالدى. بۇل شارالار سان عاسىرلار بويى قالىپتاسقان ۇلتتىق-ەدەت عۇرىپتاردىڭ, سالت-دەستٷرلەردٸڭ جاڭعىرۋىنا, وتباسى ينستيتۋتىنىڭ نىعايۋىنا, ۇرپاق تەربيەسٸنە جاڭاشا مەن بەرٸپ, ٶنەگەلٸ ەۋلەتتەردٸڭ ٶرٸسٸن نىعايتۋعا ىقپال ەتەدٸ. بۇل كونكۋرسقا قاتىسۋشىلاردىڭ بارلىعىن جەڭٸمپازدار دەپ ايتۋعا بولادى. ٶيتكەنٸ, وسى كونكۋرسقا قاتىسقان ەربٸر وتباسى مەرەيلٸ», - دەلٸنگەن مەملەكەت باسشىسىنىڭ قۇتتىقتاۋىندا.
جىلداعىداي بۇل جولى دا ەلٸمٸزدٸڭ ەڭ «مەرەيلٸ وتباسىن» انىقتاۋعا بارشا قازاقستاندىقتار اتسالىسقان بولاتىن. SMS-پەن جەنە ينتەرنەت ارقىلى داۋىس بەرۋ نەتيجەسٸندە اتىراۋلىق تٸلەكقابىلوۆتار ەۋلەتٸنە «مەرەيلٸ وتباسى» ۇلتتىق كونكۋرسىنىڭ لاۋرەاتى» اتاعى بەرٸلدٸ. جەڭٸمپاز جانۇياعا وتاندىق «سارىارقااۆتوپروم» جشس شىعارعان شاعىن اۆتوبۋستىڭ كٸلتٸ تابىستالدى.
ەۋلەتتٸڭ تٸرەگٸ بولعان ەڭبەك ارداگەرٸ, بٸلٸم سالاسىنىڭ قۇرمەتتٸ قىزمەتكەرٸ, اعارتۋ ٸسٸنٸڭ ٷزدٸگٸ, يندەر اۋدانىنىڭ قۇرمەتتٸ ازماتى تٶلەش تٸلەكقابىلۇلى قازٸر ٶمٸردە جوق. ەۋلەت اناسى ايمەدەت قابدەشقىزىنىڭ جاسى 82-دە. كٸتاپحاناشى بولىپ جۇمىس ٸستەگەن ەجەي «التىن القا», «ەڭبەك ەرٸ» مەدالدەرٸنٸڭ يەگەرٸ. قازٸر ول 8 بالادان 28 نەمەرە, 16 شٶبەرە سٷيٸپ وتىر. نەمەرەلەرٸنٸڭ بەسەۋٸ مەكتەپتٸ «التىن بەلگٸمەن» اياقتاسا, ٷش نەمەرەسٸ «قىزىل ديپلوم» يەگەرٸ اتانعان. ابىلاي تٶلەش اتتى نەمەرەسٸ - پانكراتيوننان ەلەم چەمپيونى, جاۋىنگەرلٸك سامبودان ەلەم كۋبوگٸنٸڭ ەكٸ دٷركٸن كٷمٸس جٷلدەگەرٸ.
ەسكە سالساق, «مەرەيلٸ وتباسى» ۇلتتىق بايقاۋىنا بيىل 3204 وتباسى قاتىسقان بولاتىن. التى جىلدا اتالمىش كونكۋرستا 15 197 وتباسى باق سىناپتى. ونىڭ 62 پايىزى - اۋىل جانۇيالارى, 3 پايىزى - كٶپبالالى وتباسى, 18 پايىزى - جاس وشاقتار, 17 پايىزىن ەڭبەك ديناستييالارى قۇراعان.
