دەنساۋلىق ساقتاۋ مينيسترٸ الەكسەي تسوي شانحاي ىنتىماقتاستىق ۇيىمىنا مٷشە مەملەكەتتەردٸڭ دەنساۋلىق ساقتاۋ مينيسترلەرٸن كۆي جاعدايىن جاڭاشا ساناۋ ەدٸسٸ بويىنشا دٷنيەجٷزٸلٸك دەنساۋلىق ساقتاۋ ۇيىمىنىڭ ۇسىنىسىن قولداۋعا شاقىردى, دەپ حابارلايدى قازاقپارات.
«دەنساۋلىق ساقتاۋ مينيسترلٸگٸ قازاقستاندا كوروناۆيرۋس ينفەكتسيياسىن جۇقتىرۋ بويىنشا ستاتيستيكالىق مەلٸمەتتەردٸ تٸركەۋدٸڭ جاڭا ەدٸسٸن ايقىندادى. ددسۇ-نىڭ ەۋروپالىق ايماقتىق بيۋروسىمەن تەحنيكالىق جاعىنان كەڭەسە وتىرىپ, بٸز كۆي جاعدايلارىن حالىقارالىق كلاسسيفيكاتسييانىڭ جاڭا كودىمەن تٸركەۋ تۋرالى شەشٸمگە كەلدٸك. وسىلايشا COVID-19 جاعدايلارىنىڭ زەرتحانالىق تۇرعىدا راستالۋى پنەۆمونييا فاكتٸلەرٸمەن بٸرٸكتٸرٸلەدٸ. بۇعان دەيٸن دە, قازٸر دە قازاقستاندا جۇقتىرۋ كٶرسەتكٸشٸ زەرتحانالىق تۇرعىدا راستالۋ جاعدايىمەن ەسەپتەلٸپ وتىر. جاڭاشا ساناۋ ەدٸسٸنە بٸز 1 تامىزدان باستاپ كٶشەمٸز», - دەدٸ الەكسەي تسوي شىۇ مٷشە مەملەكەتتەردٸڭ دەنساۋلىق ساقتاۋ مينيسترلەرٸنٸڭ وتىرىسىندا.
قازاقستاننىڭ دەنساۋلىق ساقتاۋ مينيسترٸ جاڭا تەسٸل قازاقستاننىڭ رەيتينگٸنە جاعىمسىز ەسەر ەتەتٸنٸن بٸلٸپ وتىرعانىن جەتكٸزدٸ.
«دەگەنمەن, بۇل ەدٸس اۋرۋدى ەڭسەرۋدە دۇرىس بولجام جاساۋعا, رەسۋرستاردى دۇرىس بٶلۋگە مٷمكٸندٸك بەرەدٸ. بۇل – بٸزدٸڭ مەملەكەتتٸڭ اشىق ساياساتىن, كوروناۆيرۋسقا بٸرٸگە قارسى تۇرۋعا دايىن ەكەنٸن كٶرسەتەدٸ. ددسۇ-نىڭ ۇسىنىسىن قابىلداۋ – باسقا مەملەكەتتەرگە دە ٷلگٸ بولار دەگەن سەنٸمدەمٸز», - دەدٸ ول.
الەكسەي تسوي ستاتيستيكالىق مەلٸمەتتەردٸ جٷرگٸزۋدٸڭ بۇل ەدٸسٸن ددسۇ ەۋروپا بيۋروسى قولداپ وتىرعانىن جەتكٸزدٸ.
«شانحاي ىنتىماقتاستىق ۇيىمىنا مٷشە مەملەكەتتەردٸ دٷنيەجٷزٸلٸك دەنساۋلىق ساقتاۋ ۇيىمىنىڭ وسى ۇسىنىسىن قولداۋعا شاقىرامىن. بۇل مودەلگە مەملەكەتتەر نەعۇرلىم كٶپ ارالاسسا, فاكت بويىنشا ناقتى مەلٸمەت نەگٸزٸندە ساياساتتى قالىپتاستىرۋدا اشىقتىق قامتاماسىز ەتٸلەدٸ», - دەدٸ ول.
