اۋستريياداعى ەلەم چەمپيوناتى كەزٸندە دوپينگكە بايلانىستى ۇستالعان قازاقستاندىق شاڭعىشى الەكسەي پولتورانين قاماۋدان بوساتىلعان سوڭ, ميۋنحەن ارقىلى مەسكەۋ قالاسىنا ۇشىپ كەتكەن, دەپ حابارلايدى قازاقپارات تٸلشٸسٸ.
«الەكسەي پولتورانين 28 اقپان كٷنٸ كەشكە ميۋنحەن ارقىلى مەسكەۋ قالاسىنا ۇشىپ كەتكەن. بٸزدٸڭ ديپلوماتتارمەن بايلانىسۋدان باس تارتتى. قازٸرگٸ ۋاقىتتى ونىڭ قايدا ەكەنٸن بٸلمەيمٸز. دوپينگكە بايلانىستى سۇراقتارعا بٸز جاۋاپ بەرمەيمٸز, ونى قر مەدەنيەت جەنە سپورت مينيسترلٸگٸنە جولداۋ كەرەك. قازاقستان ازاماتتارىنىڭ قۇقىعى بۇزىلماۋ ٷشٸن بٸزدٸڭ كونسۋل سول كٷنٸ وقيعا ورنىنا باردى, بارىنشا قولعابىس كٶرسەتتٸ. 28 اقپان كٷنٸ دە كونسۋل سپورتشىمەن كەزدەسۋدٸ كٷتتٸ. بٸراق, پولتورانين كەزدەسۋدەن باس تارتىپ, ميۋنحەنگە كەتتٸ. باپكەرلەرٸ دە بارلىق جايتتى قۇپييا ۇستاپ وتىر», - دەدٸ قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ استانادا ٶتكەن بريفينگتە.
بۇدان بۇرىن حابارلانعانداي, اۋسترييانىڭ زەەفەلدە قالاسىندا شاڭعى جارىسىنان ۇيىمداستىرىلعان ەلەم چەمپيوناتىندا قازاقستان, اۋسترييا جەنە ەستونييا سپورتشىلارى انتيدوپينگتٸك ەرەجەلەردٸ بۇزدى دەگەن كٷدٸككە ٸلٸنگەن ەدٸ. پوليتسييا جالپى, تٶرت ەلدٸڭ 9 سپورتشىسىن ۇستاعان. كەيٸن قر شاڭعى فەدەراتسيياسى بۇل وقيعاعا بايلانىستى تٷسٸنٸكتەمە بەردٸ.
ەستونييالىق سپورتشىلار كارەل تامميارۆ مەن اندرەاس ۆەەرپالۋ, سونداي-اق قازاقستان ٶكٸلٸ الەكسەي پولتورانين حالىقارالىق شاڭعى سپورتى تٷرلەرٸ فەدەراتسيياسىنان شەتتەتٸلدٸ.
سونداي-اق بۇل وقيعاعا قاتىستى قر سٸم ورىنباسارى ەرجان اشىقباەۆ تٷسٸنٸك بەرگەن بولاتىن. ول قازاقستان «ەدٸل سپورت» قاعيداتىن ۇستاناتىنىن اتاپ ٶتتٸ. «دوپينگپەن كٷرەس, سپورتشىلارمەن اشىق ديالوگ سەكٸلدٸ ۇستانىمعا ەرقاشان دا مەن بەرٸپ كەلەمٸز. بٸز تازا سپورتقا, سونداي-اق بٸزدٸڭ بارلىق سپورتشىلار ٷشٸن بٸردەي جاعداي جاساۋعا ەكپٸن قويۋدامىز. قازاقستان يۋنەسكو-نىڭ تيٸستٸ كونۆەنتسيياسىنا قوسىلدى جەنە بارلىق وسى ستاندارتتار پىسىقتالۋدا», - دەدٸ ە. اشىقباەۆ.
