اۋىر اتلەتيكادان قازاقستان قۇراماسىنىڭ بۇرىنعى باس باپكەرٸ الەكسەي ني زٸلتەمٸرشٸ يليا يلين تۋرالى پٸكٸرٸن بٸلدٸردٸ, دەپ جازدى prosports.kz.
"يلين جاقسى ٶنەر كٶرسەتتٸ. ۇزاق ٷزٸلٸستەن ورالىپ, بەس اي عانا جاتتىقسا دا ٶزٸن كٶرسەتە بٸلدٸ. يلين ول – كەز كەلگەن قالىپتا يلين", — دەدٸ ني وتاندىق سايتقا بەرگەن سۇقباتىندا.
ەسكە سالا كەتەيٸك, يليا يلين مەن زۋلفييا چينشانلو دوپينگ داۋىنا بايلانىستى سپورتتان شەتتەتٸلٸپ, ۇزاق ۋاقىت ٷزٸلٸس جاساعان سوڭ قازاقستان چەمپيوناتىنا قاتىسىپ, التىن مەدال جەڭٸپ الدى.
تالدىقورعان قالاسىندا ٶتكەن تۋرنيردە يليا يلين 102 كيلوگرامم سالماق دەرەجەسٸندە ٶنەر كٶرسەتتٸ. سپورتشى وسىمەن توقتاپ قالماق ەمەس. الدىنا ٷلكەن ماقساتتار قويعان.
"الدا ەلەم چەمپيوناتى بار. ەرينە, باستى ماقسات – وليمپيادا ويىندارى. دوستارىم, بارلىعىڭىزعا راحمەت! بۇل بٸزدٸڭ ورتاق جەڭٸسٸمٸز!" — دەپ جازدى يليا يلين Instagram پاراقشاسىندا.
