پەتروپاۆلعا وليمپيادا چەمپيونى, ۆەلوسپورت جۇلدىزى الەكساندر ۆينوكۋروۆ كەلٸپ, ٸزباسارلارى – جاس سپورتشىلارمەن كەزدەستٸ, دەپ حابارلايدى "ۇلت اقپارات".
سقو دەنە شىنىقتىرۋ جەنە سپورت باسقارماسى باسپاسٶز قىزمەتٸنٸڭ مەلٸمەتٸنشە, «Astana Pro Team» كەسٸبي ۆەلوكومانداسىنىڭ باس مەنەدجەرٸ الەكساندر ۆينوكۋروۆ پەتروپاۆلدا ۆەلوسپورت بويىنشا وليمپيادالىق رەزەرۆتەگٸ بالالار مەن جاسٶسپٸرٸمدەردٸڭ وبلىستىق مامانداندىرىلعان مەكتەبٸنٸڭ تەربيەلەنۋشٸلەرٸمەن كەزدەستٸ.
وليمپيادا چەمپيونى تۋعان جەرگە جيٸ كەلۋگە تىرىسادى. سقو بەسكٶل اۋىلىندا ونىڭ اتا-اناسى تۇرادى. تۋعان-تۋىستارىمەن كەزدەسٸپ قانا قويماي, ٶزٸ بالا كەزٸندە جاتتىققان سپورت مەكتەبٸنە باس سۇعادى, جاتتىقتىرۋشىلارمەن, جاس سپورتشىلارمەن كەزدەسەدٸ.
پەتروپاۆلداعى № 17 ورتا مەكتەپتٸڭ جەرتٶلەسٸندە ۆەلومەكتەپتٸڭ بازاسى ورنالاسقان. بۇل جەردە بٷگٸندە 60 بالا جاتتىعىپ جٷر. جالپى ۆەلوسپورت بويىنشا وليمپيادالىق رەزەرۆتەگٸ بالالار مەن جاسٶسپٸرٸمدەردٸڭ وبلىستىق مامانداندىرىلعان مەكتەبٸندە 260 تەربيەلەنۋشٸ بار.
الەكساندر ۆينوكۋروۆتىڭ ايتۋىنشا, سولتٷستٸك قازاقستان وبلىسى ۆەلوسپورتتان بولاشاق چەمپيونداردى دايارلاۋدا ەلٸمٸز بويىنشا الدىڭعىلاردىڭ قاتارىندا.
بۇل – وسى سپورت تٷرٸن دامىتۋعا قولداۋ بٸلدٸرٸپ وتىرعان ٶڭٸر باسشىلىعىنىڭ جەنە جەرگٸلٸكتٸ مەتسەناتتاردىڭ ارقاسى.
وسىنداي دەمەۋشٸلەردٸڭ بٸرٸ – ۆەلوسيپەد سپورتى وبلىستىق فەدەراتسيياسىنىڭ پرەزيدەنتٸ مۇحتار يگٸباەۆ. ول ٶز قاراجاتىنا ٸرٸ جارىستار ۇيىمداستىرىپ, حالىقارالىق, رەسپۋبليكالىق سايىستاردا ٷزدٸك نەتيجە كٶرسەتكەن مەكتەپ تەربيەلەنۋشٸلەرٸنە جەنە ولاردىڭ جاتتىقتىرۋشىلارىنا سىياقى بەرۋدٸ دەستٷرگە اينالدىرعان.
بيىل №17 ورتا مەكتەپتٸڭ جەرتٶلەسٸندە ورنالاسقان ۆەلوبازانى كٷردەلٸ جٶندەۋگە 7 ملن تەڭگە بٶلدٸ. نەتيجەسٸندە نىساننىڭ ٸشٸ جىلى, جارىق جەنە جەلدەتۋ جٷيەسٸن جاڭارتقاندىقتان سپورتشىلارعا جاتتىعۋ بارىسىندا دەمالۋ جەڭٸلدەدٸ.
ۆينوكۋروۆ تەربيەلەنۋشٸلەرمەن تٸلدەسٸپ, جاتتىعۋلارىنا قاتىستى. بولاشاق چەمپيوندارعا اقىل-كەڭەسٸن بەردٸ.
بٷگٸندە «Vino-Astana Motors» كومانداسىنا 12 سولتٷستٸكقازاقستاندىق سپورتشى مٷشە, ونىڭ ٷشەۋٸ قاتارعا بيىل قوسىلدى.
ال «Astana Pro Team» كومانداسى قۇرامىندا قىزىلجار ٶڭٸرٸنٸڭ تۋماسى 20 جاستاعى گلەب برۋسەنسكيي ٶنەر كٶرسەتٸپ جٷر.
