بەلارۋس قازاقستاننان تاسىمالداناتىن مۇناي بويىنشا كەلٸسسٶز جٷرگٸزٸپ, وسى باعىتتاعى بايلانىستى جانداندىرۋعا نيەتتٸ.
بۇل تۋرالى بەلارۋس پرەزيدەنتٸ الەكساندر لۋكاشەنكو قازاقستاننىڭ بەلارۋستاعى تٶتەنشە جەنە ٶكٸلەتتٸ ەلشٸسٸ ەرمۇحامەت ەرتٸسباەۆپەن كەزدەسۋٸندە مەلٸم ەتتٸ, دەپ حابارلايدى قازاقپارات تٸلشٸسٸ بەلتا-عا سٸلتەمە جاساپ.
«قازٸرگٸ ۋاقىتتا بٸز كٶمٸرسۋتەك شيكٸزاتىن تاسىمالداۋدىڭ ەرتاراپتاندىرۋمەن اينالىسىپ جاتقانىمىزدى بٸلەتٸن بولارسىزدار. بٸزدە بٸرنەشە نۇسقا بار. بەلارۋس باسقا جەردەن دە مۇناي تاسىمالداۋ باعىتىندا كەلٸسسٶزدەر جٷرگٸزۋ ٷستٸندە. بيىل مۇناي ٶڭدەيتٸن زاۋىتتاردى جاڭعىرتۋ جۇمىسىن اياقتايمىز. سول سەبەپتٸ, بٸزگە ەلەمدٸك نارىقتان مۇنايدى ساتىپ الۋ جەڭٸلدەي تٷسەدٸ. بۇل باعىتتاعى كەلٸسسٶزدەردٸ باستاپ كەتتٸك تە. ەندٸ بەلارۋسقا قازاقستاندىق مۇنايدى جەتكٸزۋ بويىنشا كەلٸسسٶز جاندانسا دەيمٸز. بۇل مەسەلەنٸ شەشە الاتىن سەكٸلدٸمٸز. ول بەلارۋس پەن قازاقستاننىڭ عانا كەلٸسسٶزٸمەن شەشٸلمەسٸ انىق. ورتادا رەسەي ترانزيتٸ جاتىر. رەسەي - ەەەو مٷشەسٸ. بٸزگە جاقىن ەلمەن قازاقستان مۇنايىنىڭ بەلگٸلٸ بٸر بٶلٸگٸن تاسىمالداۋ باعىتىندا كەلٸسٸپ الاتىن سەكٸلدٸمٸز», - دەدٸ الەكساندر لۋكاشەنكو.
بەلارۋس باسشىسى قازاقستان پەن بەلارۋس اراسىنداعى ساۋدا-ەكونوميكالىق قارىم-قاتىناستا ەشقانداي مەسەلە جوقتىعىن اتاپ ٶتتٸ.
«بەلارۋس باعىتىنداعى ساۋدادا ديسبالانستىڭ بارى قۇپييا ەمەس. بٸراق, قازاقستاندا بٸزگە كەرەكتٸ تاۋارلاردىڭ تٷر-تٷرٸن شىعاراتىنىن بٸلۋٸڭٸز كەرەك. ماقتادان باستاپ مەتاللعا دەيٸنگٸ قاجەتتٸلٸكتەردٸڭ بەرٸ كەرەك. بٸز كسرو كەزٸندەگٸدەي سٸزدەردەن بيداي ساتىپ الۋعا دايىنبىز. سول سەبەپتٸ, ساۋدا جاعىنان بالانستى رەتتەپ الۋ اسا قيىنعا سوقپايدى. بٸزدٸڭ ٷكٸمەتارالىق كوميسسيياعا وسى مەسەلەمەن اينالىسۋدى تاپسىرۋ كەرەك دەگەن ويدامىن», - دەيدٸ ول.
الەكساندر لۋكاشەنكونىڭ ايتۋىنشا, ەكٸ مەملەكەت پەن ەلدەردٸڭ باسشىلارى اراسىندا قاشان دا ٸزگٸ قارىم-قاتىناس ساقتالعان.
«بٸز بەلارۋس پەن قازاقستان اراسىندا ايتارلىقتاي مىقتى قارىم-قاتىناس جٷيەسٸن ورناتتىق. تاۋار اينالىمى جاعىنان ميللياردتىق كٶرسەتكٸشكە قول جەتكٸزدٸك. ەلەۋەت بارشىلىق», - دەيدٸ الەكساندر لۋكاشەنكو.
بەلارۋس پرەزيدەنتٸ ٶز سٶزٸندە ەكٸجاقتى قارىم-قاتىناستىڭ بەكەمدەلە تٷسۋٸنە «بٸر بەلدەۋ - بٸر جول» قىتايلىق باعدارلاماسى ىقپال ەتەتٸنٸن تٸلگە تيەك ەتتٸ.
ايتا كەتەرلٸگٸ, ٶتكەن جىلى ەكٸ ەل اراسىنداعى تاۋار اينالىمى 900 ملن دوللارعا جەتكەن بولاتىن. بۇل 2017 جىلدىڭ كٶرسەتكٸشٸمەن سالىستىرعاندا 30 پايىزعا كٶپ. بۇل رەتتە بەلارۋستىق ەكسپورتتىڭ مٶلشەرٸ 783 ملن دوللارعا جەتكەن ەدٸ. 2019 جىلدىڭ العاشقى توقسانىندا ەكٸ ەلدٸڭ اراسىنداعى ساۋدا قارىم-قاتىناسى 10 پايىزعا ازايعان بولاتىن.
بەلارۋس ٶز كەزەگٸندە مۇناي ٶنٸمدەرٸن, تاس كٶمٸردٸ, رەلستەر مەن ماقتا, سارىمساق يمپورتتاپ وتىر. قازٸرگٸ ۋاقىتتا قازاقستاندا 40-قا تارتا بەلارۋس كومپانيياسى جۇمىس ٸستەپ تۇر.
