قازاقستان پرەزيدەنتٸ نۇرسۇلتان نازارباەۆ الدىندا ٷلكەن بەلەس تۇرعانىن بالا كەزدەن-اق سەزگەنٸن ايتتى, دەپ حابارلايدى "ۇلت اقپارات".
پرەزيدەنت تەلەراديوكەشەنٸنٸڭ فەيسبۋكتەگٸ پاراقشاسىندا جارييالانعان شاعىن ۆيدەودا پرەزيدەنت جاستىق شاعى جايلى ەستەلٸكتەرٸمەن بٶلٸسەدٸ.
«ستۋدەنتتٸك كەزدەردەن-اق پرەزيدەنت «ٶز ەلٸڭ ٷشٸن ەڭبەكتەنۋٸڭ كەرەك» دەپ, تاڭەرتەڭ تۇرىپ, ٶز-ٶزٸنە ايتا بەرەتٸن. تاڭەرتەڭگٸلٸك ريتۋالى وسى. ال سٸزدٸڭ تاڭىڭىز قالاي باستالادى?» دەگەن جازبامەن بٸرگە جارييالانعان ۆيدەودا مەملەكەت باسشىسى ٶمٸرلٸك ماقساتى تۋرالى سىر شەرتەدٸ.
«مەن مٸنەز-قۇلىق تۇرعىسىنان ارمانشىل اداممىن. بالا كەزدٸڭ ٶزٸندە الدىمدا ٷلكەن بەلەس كٷتٸپ تۇرعانىن سەزەتٸنمٸن. بۇل سەزٸم مەنٸڭ سانامدا ەردايىم جٷرەتٸن. بۇل تٷيسٸكتٸڭ قايدان پايدا بولعانىن تٷسٸندٸرە المايمىن. پوليتەحنيكالىق ينستيتۋتتا وقىپ جٷرگەن ستۋدەنت شاعىمدا كەيدە تاڭەرتەڭ ايناعا قاراپ تۇرىپ, «سەن ٶز ەلٸڭ ٷشٸن پايدالى ٸس تىندىرۋعا تيٸسسٸڭ» دەيتٸن ەدٸم», - دەيدٸ پرەزيدەنت شاعىن ۆيدەودا.
