بيىل 492 اۋىلدا 914 جوبانى ٸسكە اسىرۋعا 100 ملرد تەڭگە بٶلٸندٸ. بۇل تۋرالى مەجٸلٸستەگٸ ٷكٸمەت ساعاتىندا «اۋىل - ەل بەسٸگٸ» جوباسىن تالقىلاۋ كەزٸندە ۇلتتىق ەكونوميكا مينيسترٸ ەلٸبەك قۋانتىروۆ مەلٸم ەتتٸ, دەپ حابارلايدى قازاقپارات.
«2022 جىلى دامۋ ەلەۋەتٸ بار 492 اۋىلدا 914 جوبانى ٸسكە اسىرۋعا 100 ملرد تەڭگە بٶلٸندٸ. بۇل قاراجات تۇرعىن ٷي-كوممۋنالدىق شارۋاشىلىق سالاسىندا 95 جوبانى, 313 ەلەۋمەتتٸك ينفراقۇرىلىمدى, ونىڭ ٸشٸندە 123 بٸلٸم بەرۋ جوباسىن, 51 دەنساۋلىق, 62 مەدەنيەت جەنە 77 سپورت جوباسىن ٸسكە اسىرۋعا مٷمكٸندٸك بەرەدٸ. سونىمەن قاتار, 506 كٶلٸك ينفراقۇرىلىمى جوباسى جٷرگٸزٸلەتٸن بولادى», - دەدٸ ە. قۋانتىروۆ.
ونىڭ ايتۋىنشا, مەملەكەت باسشىسىنىڭ تاپسىرماسىنا سەيكەس, «اۋىل – ەل بەسٸگٸ» باتىس جەنە وڭتٷستٸك وبلىستارعا حالىقتى ەلەۋمەتتٸك-مەدەني, سپورت جەنە بٸلٸم بەرۋ ينفراقۇرىلىمىن دامىتۋ ٷشٸن 20 ملرد تەڭگە كٶلەمٸندە قاراجات بٶلۋ جوسپارلانۋدا. بٶلٸنەتٸن قاراجات اياسىندا مەكتەپتەر, اۋرۋحانالار, مەدەنيەت ٷيلەرٸ, سپورت نىساندارىن سالۋ, قايتا جاڭعىرتۋ جەنە جٶندەۋ بويىنشا جوبالار تاڭدالدى.
«ٶزدەرٸڭٸزگە بەلگٸلٸ, قاراجات بٶلۋ مەسەلەسٸ 2022 جىلعا ارنالعان رەسپۋبليكالىق بيۋدجەتتٸ ناقتىلاۋ اياسىندا پارلامەنتتە قارالىپ جاتىر. ينفراقۇرىلىمدىق دامۋ جٶنٸندەگٸ ٸس-شارالاردى ٸسكە اسىرۋ ٶڭٸرلٸك ستاندارتتار جٷيەسٸنە سەيكەس جٷزەگە اسىرىلاتىن بولادى. قازٸرگٸ ۋاقىتتا, ٶڭٸرلٸك ستاندارتتاردا اۋىلدار ٷشٸن 12 كٶرسەتكٸش (وبەكتٸلەر/قىزمەتتەر) قاراستىرىلعان, اۋىلدىق وكرۋگ ورتالىقتارىنا - 24, اۋدان ورتالىقتارىنا – 32.
2021 جىلدىڭ قورىتىندىسى بويىنشا ٶڭٸرلٸك نورماتيۆتەرگە سەيكەس, اۋىلداردى ستاندارتتاردىڭ ورتاشا قامتاماسىز ەتۋ 64,1%-دى قۇرادى. ونىڭ ەڭ جوعارى كٶرسەتكٸشٸ اتىراۋ, ماڭعىستاۋ, قوستاناي, سولتٷستٸك قازاقستان وبلىستارىندا بايقالدى. تٶمەن كٶرسەتكٸشتەر قىزىلوردا, بقو, الماتى وبلىسىندا بايقالادى», - دەدٸ مينيستر.
ونىڭ سٶزٸنە قاراعاندا, جالپى جوبانى جٷزەگە اسىرۋدىڭ ٷش جىلى ٸشٸندە 206 ملرد تەڭگە بٶلٸندٸ.
«الداعى 4 جىلدا اۋىلدى ەلدٸ مەكەندەردٸڭ ينفراقۇرىلىمدىق مەسەلەلەرٸن شەشۋگە تاعى 670 ملرد تەڭگە قاجەت ەتەدٸ. بۇل 3,5 مىڭنان استام اۋىلداعى 7 ملن اۋىل تۇرعىنىنىڭ ٶمٸر سٷرۋ دەڭگەيٸن جاقسارتۋعا مٷمكٸندٸك بەرەدٸ», - دەدٸ ە. قۋانتىروۆ.
