قر ۇلتتىق مۋزەيٸنٸڭ ديرەكتورى ارىستانبەك مۇحامەديۇلى الاشا حانعا قاتىستى شەتەلدٸك عالىمداردىڭ ارالاسۋىمەن ٸرٸ زەرتتەۋ جۇمىستارى باستالاتىنىن مەلٸمدەدٸ. بۇل تۋرالى ول Qasqa Jol Youtube ارناسىنا بەرگەن سۇحباتىندا ايتتى, دەپ حابارلايدى "ۇلت اقپارات".
«الاشا حاننىڭ ۇلتىنا قاتىستى كٶپتەگەن پٸكٸرتالاس بار. نامىسقا تيەدٸ. ەكسكۋرسوۆودتار ونى «ٶزبەكتٸڭ بيلەۋشٸسٸنٸڭ بالاسى, ٷستٸ الا-الا بولعاسىن ٷيٸنەن شىعارىپ تاستاعان. سوسىن قازاق جەرٸنە كەلٸپ, ٷلكەن بيلٸككە جەتتٸ» دەپ تٷسٸندٸرٸپ جٷر. ەكٸنشٸ بٸرەۋلەر بويى الاسا بولعاسىن «الاسا حان» دەپ, كەيٸن الاشا اتالىپ كەتكەن دەپ جاتادى. سوندا بٸز ونى قازاقتىڭ باتىرى, حانى دەپ ماقتانارلىق دەرەكتەر المايمىز با?», - دەدٸ ارىستانبەك مۇحامەديۇلى.
ەكس-مينيستر ۇلىتاۋ جەرٸندەگٸ الاشا حان كەسەنەسٸنە مامانداردى جيناپ, ونىڭ تەگٸنە قاتىستى حالىقارالىق زەرتتەۋ جۇمىستارىن باستاماق.
«سول سەبەپتٸ قازٸر الاشا حان جايلى ٷلكەن دەرەكتەردٸ جيناپ جاتىرمىز. مامىر ايىندا مازارىنا بارىپ, ارنايى ۆيدەوماتەريالدار تٷسٸرٸپ, ٷش تٸلدە تاراتامىز. ەلەم عالىمدارىنا ٷندەۋ جاسايمىز. وسىدان كەيٸن شەتەل ماماندارى كەلٸپ, زەرتتەيدٸ. سوندا قازاقتىڭ تاريحى مٷلدەم باسقاشا بولادى», - دەيدٸ ارىستانبەك مۇحامەديۇلى.
ايتا كەتەيٸك, قازاق جەرٸندە بيلٸك قۇرعان الاشا حاننىڭ شىققان تەگٸ مەن ەسٸمٸنە بايلانىستى تٷرلٸ دەرەكتەر مەن اڭىز ەڭگٸمەلەر بار. كٶبٸنە «الاش» ەتنونيمٸنٸڭ شىعۋى الاشا حان اتىمەن بايلانىستىرىلادى. ەگەر زەرتتەۋلەر ارقىلى دەيەكتٸ مەلٸمەتتەر شىقسا, قازاق مەملەكەتٸنٸڭ قالىپتاسۋ تاريحى مەن مەرزٸمٸندە ٶزگەرٸستەر بولۋى عاجاپ ەمەس. كەي عالىمدار الاشا حان كەسەنەسٸندە جاتقان شىڭعىس حان ەكەنٸن دە العا تارتادى.
«نەلٸكتەن ەمٸر تەمٸر ٷلكەن جورىققا شىعار الدىندا ۇلىتاۋعا كەلٸپ, تاسقا قاشاپ «مەن ەسكەرٸممەن التىن وردانى قيراتۋعا بارا جاتىرمىن. سول ٷشٸن ۇلىتاۋعا كەلدٸم» دەپ جازىپ كەتكەن? سەبەبٸ ۇلىتاۋ قاسيەتتٸ جەر. سول جازۋ قاشالعان تاس ەرميتاجدىڭ ەڭ بٸر ەدەمٸ جەرٸندە تۇر. حالىقارالىق عالىمدار وسى مەسەلەنٸ دە زەرتتەۋٸ قاجەت», - دەيدٸ ۇلتتىق مۋزەي ديرەكتورى.
