الماتىدا «الاش» پارتيياسىنىڭ قۇرىلعانىنا 100 جىل تولۋىنا وراي «ايبىنىم الاش» اتتى شىعارماشىلىق كەش ۇيىمداستىرىلىپ, وندا الاش قايراتكەرلەرٸنٸڭ ٶلەڭدەرٸ وقىلدى.
كەشتٸ قازاقستان جازۋشىلار وداعى تٶراعاسىنىڭ ورىنباسارى عالىم جايلىباي اشتى. «الاش ارىستارىنىڭ كەيٸنگٸ ۇرپاققا قالدىرعان مۇراسى ۇشان-تەڭٸز. بٷگٸنگٸ ٸس-شارا سول مۇرانى الماتى قالاسىنىڭ تۇرعىندارىنا ناسيحاتتاۋ ٷشٸن ٶتكٸزٸلٸپ وتىر» دەدٸ ول.
اتالعان ٸس-شارادا تەمٸربەك جٷرگەنوۆ اتىنداعى ٶنەر اكادەميياسىنىڭ, جٷسٸپبەك ەلەبەكوۆ اتىنداعى رەسپۋبليكالىق ەسترادا-تسيرك كوللەدجٸنٸڭ ستۋدەنتتەرٸ, سەتباەۆ ۋنيۆەرسيتەتٸنٸڭ «بەيشەشەك» ەدەبي بٸرلەستٸگٸنٸڭ ٶنەرپازدارى, اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق تٸلٸ مەن ەدەبيەتٸن تەرەڭدەتە وقىتاتىن ورتا مەكتەپ-ينتەرناتتىڭ وقۋشىلارى, جاس اقىندار ٶنەر كٶرسەتتٸ. ولار احمەت بايتۇرسىنوۆ, مٸرجاقىپ دۋلاتوۆ, ماعجان جۇماباەۆ, بەيٸمبەت مايلين, سۇلتانماحمۇت تورايعىروۆ سىندى الاش قايراتكەرلەرٸنٸڭ ٶلەڭدەرٸن كومپوزيتسييالىق قويىلىم تٷرٸندە وبرازبەن ورىندادى. جاس اقىندار توبى الاشتىقتارعا, ونىڭ ٸشٸندە ەليحان بٶكەيحانوۆ, مٸرجاقىپ دۋلاتوۆتارعا ارناپ ٶلەڭدەر وقىدى. شىعارماشىلىق كەش بارىسىندا قوناقتارعا الاشتانۋشى-عالىم بولات مٷرسەلٸم تٷسٸرگەن «الاشتىڭ ون ەكٸنشٸ جەلتوقسانى» دەرەكتٸ فيلمٸ كٶرسەتٸلدٸ. كٶرەرمەندەر فيلمنەن مۇستافا شوقاي مەن ەلٸمحان ەرمەكوۆتىڭ جاندى داۋسىن ەستٸپ, بٸر تەبٸرەنٸپ قالدى.
الاشوردانىڭ بٸر عاسىرلىق مەرەيتويىنا ارنالعان كەشتٸ ت.جٷرگەنوۆ اتىنداعى ٶنەر اكادەميياسىنىڭ «ساحنا تٸلٸ» كافەدراسىنىڭ مەڭگەرۋشٸسٸ, پروفەسسور, قازاقستاننىڭ ەڭبەك سٸڭٸرگەن قايراتكەرٸ داريعا تۇرانقۇلوۆا قورىتىندى سٶزبەن اياقتادى. «مەن ساحنا ٶنەرٸنٸڭ مامانى رەتٸندە, بٷگٸنگٸ كەشكە ٶتە جوعارى باعا بەرەمٸن. كٶپ جۇرت تەك جەڭٸل مۋزىكاعا ەۋەستەنٸپ جاتقاندا, سٸزدەردٸڭ وسىنداي ساليقالى ٸس-شارا ٶتكٸزٸپ جاتقاندارىڭىز ٷلكەن ەڭبەك. سٸزدەرگە بارلىق كەزدە شىعارماشىلىق تابىس تٸلەيمٸن» دەپ ول جٷرەكجاردى لەبٸزٸن بٸلدٸردٸ.
قاتىسۋشىلاردىڭ بارلىعى كەشتەن ولجالى قايتتى. ولاردىڭ ەرقايسىسىنا ٸشٸندە 400-دەن استام تاريحي فوتولار جيناقتالعان «الاشوردا» فوتوالبومى مەن العىس حاتتار تابىس ەتٸلدٸ. «الاشوردا» فوتوالبومىنىڭ جارىققا شىعۋىنا «سامۇرىق-قازىنا» ەل-اۋقات قورى دەمەۋشٸلٸك جاسادى.
سونىمەن قاتار شىعارماشىلىق كەش اياسىندا قازاقستان رەسپۋبليكاسى ۇلتتىق كٸتاپحاناسىنىڭ قولداۋىمەن «الاش» پارتيياسىنىڭ جٷز جىلدىق مەرەيتويىنا وراي كٸتاپ كٶرمەسٸ ٶتكٸزٸلدٸ. كٶرمەگە الاش ارىستارىنىڭ ٶزدەرٸ جازعان ەڭبەكتەر مەن بٷگٸنگٸ عالىمداردىڭ الاشتانۋ تاقىرىبىندا قۇراستىرعان جٷزدەگەن كٸتاپتارى قويىلدى.
ايتا كەتەيٸك, «ايبىنىم الاش» اتتى شىعارماشىلىق كەشتٸ الماتى قالاسى ٸشكٸ ساياسات باسقارماسىنىڭ تاپسىرىسى بويىنشا «ەل-شەجٸرە» قوعامدىق قورى ۇيىمداستىردى.
