قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ تٶراعاسىنىڭ ورىنباسارى - قر باس مەملەكەتتٸك سانيتارى جانداربەك بەكشين الاكٶلدەگٸ بەلگٸسٸز لاي سۋدىڭ قايدان كەلگەنٸن تٷسٸندٸردٸ, دەپ حابارلايدى قازاقپارات تٸلشٸسٸ.
ونىڭ ايتۋىنشا, قالدىق سۋ كەرٸز جٷيەسٸنەن ەمەس, كٶل ماڭىنداعى ساۋىقتىرۋ كەشەنٸنٸڭ باسسەيندەرٸنەن اققان.
«كٶل ماڭىندا ورنالاسقان ساۋىقتىرۋ كەشەنٸندە 2 باسسەين بار. وندا الاكٶلدٸڭ شيپالى سۋىن تولتىرادى. سەيكەسٸنشە, سۋدى جاڭارتىپ وتىرادى. ماعان ارنايى ۆيدەو كەلٸپ تٷستٸ, وندا 2 باسسەيننٸڭ 2 قۇبىرى انىق كٶرسەتٸلگەن. ياعني تەرەڭ سۋ سورعىلارى كٶلدٸڭ سۋىن الادى جەنە ەسكٸرگەن سۋدى قايتادان كٶلگە قۇيادى. بۇل - كەرٸزدٸڭ قالدىعى ەمەس», - دەپ تٷسٸندٸردٸ ج. بەكشين ورتالىق كوممۋنيكاتسييالار ورتالىعىندا تٸلشٸلەرگە بەرگەن سۇحباتىندا.
سونداي-اق, باس سانيتار باسسەين سۋىن قالالىق كەرٸز جٷيەسٸنە تٶگۋگە بولمايتىنىن ايتتى.
«باسسەيندەگٸ اۋقىمدى سۋ كٶلەمٸن كەرٸز جٷيەسٸنە اعىزار بولسا, سۋ تاسىپ-تٶگٸلەر ەدٸ. باسسەين سۋىن تەرەڭگە جٸبەرگەندٸكتەن, تۇنبا كٶتەرٸلٸپ, لاي پايدا بولعان. اۋماقتىق تابيعاتتى قورعاۋ دەپارتامەنتتەرٸ دەمالىس ورىندارىنا سۋدى قايتادان كٶلگە تٶگۋگە, جاڭارتۋعا رۇقسات بەرگەن. ودان ەش قاۋٸپ جوق», - دەدٸ جانداربەك بەكشين.
ەستەرٸڭٸزگە سالا كەتەيٸك, الاكٶلگە بەلگٸسٸز لاي سۋ قۇبىر ارقىلى تٶگٸلٸپ جاتقانىن تۋريستەر حابارلاعان بولاتىن. بەينەجازباداعى مەلٸمەتكە سەيكەس, كٶلگە تٶگٸلٸپ جاتقان سۋدىڭ جاعىمسىز يٸسٸ بار. ارتىنشا الاكٶل اۋدانىنىڭ ەكٸمدٸگٸ بۇل مەسەلەگە وراي ارنايى كوميسسييا قۇرىلعانىن جەتكٸزدٸ.
