ەل ٸشٸندە ەمگە دەرۋ ەكەنٸ جيٸ ايتىلىپ جٷرگەن اقجەلكەكتٸڭ (حرەن) ادام دەنساۋلىعىنا پايداسى قانداي? بۇل سۇراققا «Antikor Live» جوباسىندا بەرگەن سۇحباتىندا قازاق تاعامتانۋ اكادەميياسىنىڭ پرەزيدەنتٸ, مەديتسينا عىلىمدارىنىڭ دوكتورى تٶرەگەلدٸ شارمانوۆ جاۋاپ بەردٸ, دەپ حابارلايدى قازاقپارات.
«اقجەلكەك بولسىن, سارىمساق بولسىن – ادام دەنساۋلىعىنا پايداسى زور ەكەن دەگەن ەڭگٸمە جيٸ ايتىلىپ جٷر عوي. الايدا ەربٸر اۋرۋ بويىنشا كەز كەلگەن دەرٸ شٶپ نەمەسە دەرٸ بولسىن 100 پايىز پايدا بەرەدٸ دەگەن ەڭگٸمە جوق. ستاتيستيكا بويىنشا ەڭ اسىپ كەتكەندە – 95-96 پايىز. ار جاعىندا 4-5 پايىز قالىپ قويادى بەرٸبٸر. ال سول 4-5 پايىزدىق ەمدٸ بەرەتٸن دەرٸلەر مەن شيپا – حالىق ەمشٸلٸگٸ. سول سەكٸلدٸ 100 ادامنىڭ ٸشٸندە 4-5 ادامنىڭ اعزاسىنا ول جاقسى ەسەر ەتۋٸ مٷمكٸن. پايداسى تيەتٸن ادامدار بار», - دەيدٸ تٶرەگەلدٸ شارمانوۆ.
ونىڭ ايتۋىنشا ەل ٸشٸندە اۋىزدان-اۋىزعا تاراعان ەڭگٸمەدەن كەيٸن كٶكٶنٸستٸڭ كەيبٸر تٷرٸنە سۇرانىس سۇراپىل بولىپ كەتەدٸ.
«كەيدە ەمدەۋدٸڭ 90 پايىزدىق تيٸمدٸلٸگٸ دالادا قالادى دا, كٶرشٸنٸڭ پايدالانعان ەمٸ سٸزگە دە ەم بولىپ قونۋى مٷمكٸن. بۇل جەردە ادامنىڭ كٶڭٸل-كٷيٸنە دە كٶپ نەرسە بايلانىستى. پالاتاعا كٸرٸپ كەلەتٸن دەرٸگەردٸڭ بەت-جٷزٸ, كٶزقاراسىنا قاراپ ناۋقاستىڭ اۋرۋى جەڭٸلدەپ كەتۋٸ ىقتيمال. ول – پسيحولوگييا. سوندىقتان ادامنىڭ الدىمەن ەمدەلٸپ كەتەتٸنٸ بويىنشا سەنٸمٸ بولۋى كەرەك. دەرٸ بەرٸبٸر 100 پايىز جازىلىپ كەتەتٸنٸڭٸزگە جاۋاپ بەرمەيدٸ», - دەدٸ ول.
