قىتايدا تٷرمەدە وتىرعان اقجارقىن تۇرلىبايدىڭ اناسى زۋحرا سەيتٸموۆا قازاقستان پرەزيدەنتٸ قاسىم-جومارت توقاۆتان كٶمەك سۇرادى, دەپ حابارلايدى Sputnik قازاقستان.
"مەملەكەت باسشىسى قاسىم-جومارت توقاەۆتان قىزىم اقجارقىن تۇرلىبايعا كٶمەكتەسۋدٸ سۇرايمىن. ول "نيگەرييالىق قىلمىستىق توپتىڭ قۇربانى بولدى" دەگەن مەلٸمەت بار. سوعان سٷيەنە وتىرىپ, قىزىمنىڭ جازىقسىز ەكەنٸن ايتقىم كەلەدٸ. سوتتا سۋديا دا قىزىمنىڭ كٸنەسٸ جوق ەكەنٸن ايتىپ وتىر. ول ازاماتتاردان دا قىزىمدى بوساتۋدى سۇرادىم", - دەدٸ زۋحرا سەيتٸموۆا.
3 قىركٷيەكتە گۋانچجوۋ قالالىق سوتىندا اقجارقىن تۇرلىبايدىڭ ٸسٸ بويىنشا وتىرىس ٶتكەن ەدٸ. وسى وتىرىسقا ارنايى بارعان زۋحرا سەيتٸموۆا قىزىن كٶرگەن.
"قىزىممەن كٶپ سٶيلەسكەن جوقپىن. اقجارقىن تەك "جاعدايىم جاقسى" دەدٸ. باسقا ەشتەڭە ايتقان جوق", - دەدٸ اقجارقىننىڭ اناسى.
قىزىنىڭ جازىقسىز ەكەنٸنە سەنٸمدٸ زۋحرا سەيتٸموۆا قاسىم-جومارت توقاەۆتان كٶمەك سۇراۋعا مەجبٷر بولىپ وتىر.
"2014 جىلدىڭ ناۋرىزىندا قازاقستان ازاماتى, قىزىم اقجارقىن تۇرلىباي قىتايدا ەسٸرتكٸ كونترانبانداسىمەن شۇعىلداندى دەگەن كٷدٸكپەن قاماۋعا الىندى. بەس جىل بويى قىزىمنىڭ ٷستٸنەن تەرگەۋ جٷرٸپ جاتىر. ەۋەلٸ ٶمٸر باقي تٷرمەدە وتىرۋ جازاسى كەسٸلدٸ, كەيٸن ول ٷكٸمنٸڭ كٷشٸ جويىلدى. قىلمىستىق ٸس قايتا قارالاتىن بولدى", - دەگەن سەيتٸموۆا پرەزيدەنتكە جازعان حاتىندا.
ول اقجارقىندى قازاقستاندىق جەنە قىتايلىق ادۆوكاتتار تەگٸن قورعاپ جٷرگەنٸن ەرٸ قازاقستاننىڭ سىرتقى ٸستەر مينيسترلٸگٸ دە كٶمەكتەسٸپ جاتقانىن ايتىپ, ولارعا العىس بٸلدٸرگەن.
"قىزىمنىڭ شەتەل اۋماعىندا جازاسىن ٶتەۋٸ, تٸل بٸلۋدەگٸ قيىندىقتار, اسا اۋىر قىلمىس جاسادى دەپ ايىپتالۋى بٸزگە اۋىر زاردابىن تيگٸزدٸ. 2015 جىلى ورتالىق ازييا ٶڭٸرلٸك اقپاراتتىق ٷيلەستٸرۋ ورتالىعى قىزىم اقجارقىندى نيگەرييالىق قىلمىستىق توپتىڭ قۇربانى دەپ مويىندادى, بٷگٸندە قىلمىسكەرلەر ۇستالعان جوق. بٸراق قر ٸشكٸ ٸستەر مينيسترلٸگٸ تيٸستٸ شارالاردى قولعا الماي وتىر. ونىڭ ٸشٸندە قىزىمدى شەتەلدٸك قىلمىستىق توپتىڭ قۇربانى رەتٸندە مويىنداۋ دا بار", - دەگەن ول.
سەيتٸموۆا كونستيتۋتسييانىڭ 11-بابى 2-تارماعى بويىنشا رەسپۋبليكا ٶزٸنٸڭ جەنە ەل اۋماعىنان تىسقارى جٷرگەن ازاماتتارىن قورعاۋعا جەنە ولارعا قامقورلىق جاساۋعا كەپٸلدٸك بەرەتٸنٸن ەسكە سالىپ ٶتەدٸ.
"قۇرمەتتٸ پرەزيدەنت! سٸزدٸڭ ديپلوماتييالىق جەنە حالىقارالىق قاتىناستار سالاسىنداعى باي تەجٸريبەڭٸز بەن قازاقستاننىڭ سىرتقى ٸستەر مينيسترٸ قىزمەتٸن اتقارعانىڭىزدى ەسكەرەتٸن بولساق, جاعدايدىڭ قيىندىعىن جاقسى تٷسٸنەسٸز. وسىعان بايلانىستى سٸزدەن قىزىم اقجارقىن تۇرلىبايدى وتانىنا قايتارۋ ٷشٸن تيٸستٸ شارالاردى قولعا الۋعا جەردەمدەسۋٸڭٸزدٸ سۇرايمىن", - دەگەن سەيتٸموۆا.
اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان بولاتىن. وعان شەكارادان 4,5 كەلٸ ەسٸرتكٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا ەدٸ. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق. كەيٸن سوت ٷكٸمٸنٸڭ كٷشٸ جويىلىپ, قىلمىستىق ٸس قايتا قارالاتىن بولدى.
بيىل 3 قىركٷيەكتە قىتايدىڭ گۋانچجوۋ قالالىق سوتىندا اقجارقىن تۇرلىبايدىڭ ٸسٸ بويىنشا وتىرىس ٶتتٸ. ەكٸ ساعاتتان استام ۋاقىتقا سوزىلعان وتىرىستا قورعاۋشى تاراپ ۇسىنعان قىلمىستىق ٸس ماتەريالدارى قارالدى. ٷكٸمنٸڭ جارييالاناتىن كٷنٸ ەزٸرشە بەلگٸسٸز.
