قازاقستاننىڭ باس پروكۋراتۋراسىنا قىتايدا ەسٸرتكٸ تاسىمالى ٷشٸن ٶمٸر بويىنا باس بوستاندىعىنان ايرىلعان اقجارقىن تۇرلىبايدان جازاسىن تۋعان جەرٸندە ٶتەۋ تۋرالى ٶتٸنٸش تٷسكەن جوق. بۇل تۋرالى قر باس پروكۋرورىنىڭ ورىنباسارى مارات احمەتجانوۆ ايتتى, دەپ حابارلايدى قازاقپارات.
«بٸزدٸڭ مەلٸمەتٸمٸزگە سەيكەس, بٷگٸندە ونىڭ ٷكٸمٸ زاڭدى كٷشٸنە ەندٸ. قىتاي حالىق رەسپۋبليكاسىمەن سوتتالعان ازاماتتارىمىزدى بٸر-بٸرٸمٸزگە بەرۋ تۋرالى ەكٸجاقتى كەلٸسٸمشارت بار. بٸرٸنشٸ شارتى – ول ٶزٸنٸڭ سوتتىلىعىن قازاقستان رەسپۋبليكاسىندا ٶتەۋگە نيەتتٸ ەكەندٸگٸ تۋرالى جازباشا ٶتٸنٸش بەرۋٸ تيٸس. سودان كەيٸن قحر پروكۋراتۋراسىنا قازاقستاندىقتى تۋعان جەرٸنە ەستراديتسييالاۋ مٷمكٸندٸگٸ تۋرالى حابارلاما جٸبەرەدٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, اقجارقىن تۇرلىباي قىتايدا ەسٸرتكٸ كونترابانداسى ٷشٸن باس بوستاندىعىنان ايرىلىپ وتىر. قازاقستاندا دا ەسٸرتكٸ تاسىمالداپ, ساتقانى ٷشٸن باس بوستاندىعىنان ايىرۋ جازاسى كٶزدەلگەن.
«ەگەر ونىڭ ەرەكەتٸ وسىعان وراي بولسا, وندا مەنٸڭشە, كەلٸسٸمشارتقا سەيكەس جەنە بارلىق ماتەريلدار زەردەلەنگەننەن كەيٸن ونى قازاقستاندا جازاسىن ٶتەۋ ٷشٸن ەكسترادتسييالاۋعا تولىق مٷمكٸندٸك بار. بٸراق, ەزٸرشە ونىڭ تاراپىنان بٷگٸنگە دەيٸن باس پروكۋراتۋراعا ٶتٸنٸش تٷسكەن جوق. مۇنان بٶلەك, قوعاۋشىلارى, قحر-داعى كونسۋلدىعىمىز, ەلشٸلٸگٸمٸز بار. وسىعان وراي بٸزگە رەسمي ٶتٸنٸم تٷسە سالىسىمەن وسى باعىتتاعى جۇمىستى باستايمىز», - دەدٸ مارات احمەتجانوۆ.
بۇعان دەيٸن حابارلانعانداي, 2019 جىلدىڭ 27 جەلتوقسانىندا گۋانچجوۋ قالاسىنىڭ حالىق سوتىندا ەسٸرتكٸ كونترابانداسى ٷشٸن ايىپتالعان قازاقستاندىق اقجارقىن تۇرلىبايعا قاتىستى قىلمىستىق ٸس بويىنشا ٷكٸم جارييالاندى. قىتاي سوتى ٶمٸر بويى باس بوستاندىعىنان ايىرۋ تۋرالى ٷكٸمدٸ ٶزگەرٸسسٸز قالدىردى. كەيٸننەن قورعاۋشى تاراپ سوت ٷكٸمٸنە شاعىم جاسادى. الايدا, قوسىمشا تەرگەۋ نەتيجەلەرٸ بويىنشا سوت باستاپقى ٷكٸمدٸ ٶزگەرٸسسٸز قالدىردى. قولدا بار اقپاراتقا سەيكەس, ا.تۇرلىباي وسى ايدىڭ ٸشٸندە گۋاندۋن پروۆينتسيياسى تٷرمەلەرٸنٸڭ بٸرٸنە اۋىستىرىلادى.
جاقىندا سىرتقى ٸستەر مينيسترلٸگٸ اقجارقىن تۇرلىبايدى قازاقستانعا بەرۋ رەسٸمٸن قولدانۋ قاراستىرىلىپ جاتقانى تۋرالى حابارلادى.
