اقىلى بٸلٸم بەرۋ وليمپيادالارىنىڭ بٸلٸم جەنە عىلىم مينيسترلٸگٸنە قاتىسى جوق. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا ايتتى, دەپ حابارلايدى قازاقپارات.
«قوعامدا كٶپ تالقىلانىپ جٷرگەن مەسەلەگە توقتالىپ ٶتپەكپٸن. بۇل ٶز كەزەگٸندە ۇيىمداستىرىلىپ جاتقان اقىلى وليمپيادالار مەن كونكۋرستارعا قاتىستى. قازٸرگٸ كەزدە قازاقستاندىق بٸلٸم بەرۋ نارىعىندا جەكەمەنشٸك كەسٸپورىندار مەن ۇيىمدار دا وسى قىزمەتتەردٸ ۇسىنىپ كەلەدٸ. ولار تٷرلٸ اقپارات كٶزدەرٸ ارقىلى اتا-انالارعا دا, وقۋشىلارعا دا, مۇعالٸمدەرگە دە, مەكتەپتەرگە دە مەلٸمەتتەردٸ تولىقتاي جەتكٸزٸپ تۇرادى. بۇل قىزمەت كٶرسەتۋ سالاسى ليتسەنزييالانبايدى جەنە مينيسترلٸك تاراپىنان رەسمي تۇرعىدا رۇقسات الۋدى قاراستىرمايتىن قىزمەت تٷرٸ. قازٸرگٸ كەزدەگٸ تەجٸريبەدە وسى كونكۋستاردىڭ بارلىعى اقىلى تٷردە ٶتكٸزٸلٸپ جاتىر. ولارعا قاتىسۋ ٷشٸن اتا-انالار ٶز قاراجاتىن سالادى», - دەدٸ ش. كارينوۆا ورتالىق كوممۋنيكاتسييالار قىزمەتٸندە.
وسى ورايدا ول اتالعان اقىلى جارىستاردىڭ دەڭگەيٸ تٷرلٸ دەرەجەدە ەكەنٸن اتاپ ٶتتٸ.
«اتا-انالار مەن مۇعالٸمدەردٸڭ اتاپ ٶتۋٸنشە, ولاردىڭ ٸشٸندە ٶتە ناشار ۇيىمداستىرىلاتىندارى دا كەزدەسەدٸ. سونىمەن قاتار, بالالاردىڭ دامۋى تۇرعىسىنان قىزىقتى ەرٸ تانىمدىق تٷردە ٶتكٸزٸلەتٸن وليمپيادالار بارشىلىق. كٶبٸنەسە بۇل ۇيىمدار وليمپيادالار اتاۋىن مينيسترلٸكتٸڭ تٸزبەسٸندە بەكٸتٸلگەن جارىستار سەكٸلدٸ ەتٸپ جارييالايدى. بٸراق بٸلٸم جەنە عىلىم مينيسترلٸگٸنٸڭ بۇل اقىلى جارىستارعا ەشقانداي قاتىسى جوق ەكەنٸن اتاپ ٶتەمٸن. سوندىقتان بالالار مەن مۇعالٸمدەر, مەكتەپتەر ەرتٷرلٸ وليمپيادالار مەن كونكۋرستارعا وقۋشىلاردىڭ قاتىسۋىن تاڭداعان كەزدە مۇقييات بولۋىنا كەڭەس بەرەمٸز», - دەدٸ ۆيتسە-مينيستر.
ونىڭ ايتۋىنشا, ٶز قاراجاتىن جۇمساماس بۇرىن, اتا-انالار ۇيىمداستىرۋشىنىڭ كٸم ەكەنٸن, بالالاردى دامىتۋدا قانداي تەجٸريبەسٸ بار ەكەنٸن, بالالاردىڭ ولارعا نە ٷشٸن قاتىسۋى كەرەكتٸگٸن, ولاردىڭ قانداي داعدىلاردى دامىتاتىنىن انىقتاۋ الۋى ماڭىزدى.
