مەدەنيەت جەنە سپورت مينيسترٸ اقتوتى رايىمقۇلوۆا ەكونوميكالىق سوققىنى العاشقىلاردىڭ بٸرٸ بولىپ سەزٸنگەن تۋريستٸك كومپانييالارعا قانداي كٶمەك كٶرسەتٸلەتٸنٸن ايتىپ بەردٸ, دەپ حابارلايدى قازاقپارات.
«ەلٸمٸزدە تۋريستٸك سالاعا بٸرشاما قولداۋ شارالارى قولعا الىنۋدا. مەملەكەت باسشىسى ەلٸمٸزدەگٸ تٶتەنشە جاعدايعا جەنە مەملەكەتتٸڭ داعدارىسقا قارسى ٸس-شارالارىنا بايلانىستى جاساعان ارنايى مەلٸمدەمەسٸندە بيزنەس قاۋىمداستىققا ەكونوميكالىق سوققى بولاتىنىن اتاپ ٶتكەن ەدٸ. بۇل رەتتە تۋريستٸك سالانىڭ دا ەجەپتەۋٸر شىعىن كٶرەتٸنٸ بەلگٸلٸ. دەسە دە, بٸزدٸڭ ەلٸمٸز وسى بٸر قىسىلتاياڭ شاقتان كەيٸن تۋريستٸك سالانىڭ ەڭسە تٸكتەپ كەتۋٸنە ىقپال ەتۋ ٷشٸن شاعىن جەنە ورتا بيزنەسكە قولداۋ كٶرسەتۋدٸڭ بۇرىن-سوڭدى بولماعان شارالارىن قولعا الىپ وتىر. ناقتىراق ايتسام, شاعىن جەنە ورتا بيزنەس ٶكٸلدەرٸ بيىلعى بٸرٸنشٸ قازانعا دەيٸن ەڭبەكاقى تٶلەۋ قورىنان ۇستالاتىن سالىقتان بوساتىلادى. «بيزنەستٸڭ جول كارتاسى – 2025» جەنە «قاراپايىم زاتتار ەكونوميكاسى» باعدارلاماسى اياسىندا ەكونوميكانىڭ بارلىق سالاسى ٷشٸن كٶمەك-قارجى بەرٸلمەك», - دەدٸ مينيستر وكق-دا ٶتكەن باسپاسٶز مەسليحاتىندا.
اقتوتى رايىمقۇلوۆانىڭ ايتۋىنشا مەملەكەت باسشىسى مەن ٷكٸمەتتٸڭ دەل وسى بيزنەس ٶكٸلدەرٸنە جاساپ جاتقان قامقورلىعىن, ياعني سالىقتان بوساتۋ شاراسىن قوناق ٷي بيزنەسٸ مەن تۋريزم سالاسىنداعى كەسٸپكەرلەرگە داعدارىستان كەيٸنگٸ كەزەڭگە دايىندالۋ ٷشٸن بەرٸلگەن مٷمكٸندٸك دەپ قاراستىرعان جٶن.
«مەسەلەگە تەرەڭٸرەك ٷڭٸلسەك, ەلدەگٸ تۋريستٸك سالانىڭ دامۋىنا دەل وسى تۋريستٸك وپەراتورلاردىڭ قوسار ٷلەسٸ قوماقتى. ٶز اقشاسىمەن قوسا ەر تۋريستەن الىنعان قاراجاتتىڭ قوماقتى سوماسىن قوناق ٷيلەر مەن ەۋە تاسىمالداۋشىلارىنا اۋدارىلادى. ال ەلەمدە مىنانداي احۋال ورناپ, تۇتاستاي سالا توقىراپ قالعاندا, سول سالعان اقشانى كەرٸ قايتارۋ مەحانيزمٸ ٶزگە سالالارعا قاراعاندا ەرەكشە. ولار بٷگٸندە وسى قاراجاتتى قايتارۋ ٷشٸن ٶز سەرٸكتەستەرٸمەن كەلٸسسٶزدەر جٷرگٸزۋگە. ال زاڭ تۇرعىسىنان رەسٸمدەردٸ شەشۋگە تيٸستٸ ۋاقىت قاجەت. وسىعان بايلانىستى, ازاماتتاردان جاعدايعا تٷسٸنۋشٸلٸكپەن قاراۋدى جەنە كٷتە تۇرۋدى سۇرايمىز», - دەدٸ ول.
«تۋريستٸك قىزمەت تۋرالى» زاڭنىڭ 17-بابىنا سەيكەس تۋريستەردٸڭ قاراجاتىن تۋروپەراتورلار iس جٷزiندە شىعارعان شىعىندارىن شەگەرە وتىرىپ قايتارادى. بولماسا تۋروپەراتورلار ٶز تاراپىنان تۋىنداعان جاعدايدان شىعۋدىڭ تٷرلٸ جولدارىن ۇسىنادى. ولاردىڭ اراسىندا دەمالىس كٷندەرٸن اۋىستىرۋ مٷمكٸندٸگٸ بار. ياعني, ساپاردى باسقا مەرزٸمگە كەيٸنگە قالدىرۋعا بولادى. مينيستر ەكٸ تاراپتىڭ اراسىنداعى مەسەلەنٸ وسىعان ۇقساس جولدارمەن شەشۋگە بولاتىنىن ايتىپ بەردٸ.
