قر مەدەنيەت جەنە سپورت مينيسترٸ اقتوتى رايىمقۇلوۆا نۇر-سۇلتان قالاسىنداعى №57 مەكتەپتە ٶتكەن ەكولوگييالىق ساعاتقا قاتىستى, دەپ حابارلايدى "ۇلت اقپارات".
رەسپۋبليكانىڭ بارلىق مەكتەپتەرٸندە ٶتٸپ جاتقان اكتسييانى قولداۋعا اتسالىسقان ا.رايىمقۇلوۆا الدىمەن بٸلٸم ورداسىنىڭ جۇمىسىمەن تانىسىپ, وقۋشىلار الدىندا سٶز سٶيلەدٸ. «ەر سەكۋند سايىن 887 پلاستيكالىق بٶتەلكە تاستالادى. ال بٸر پلاستيكالىق بٶتەلكەنٸ ىدىراتۋ ٷشٸن 700 جىل قاجەت. سوندىقتان پلاستيكالىق پاكەتتەردٸڭ ورنىنا ەكو-سٶمكەلەردٸ پايدالانۋ كەرەك», - دەدٸ مەدەنيەت جەنە سپورت مينيسترٸ.
ا.رايىمقۇلوۆا وقۋشىلاردى تابيعاتقا وسى باستان جاناشىرلىقپەن قاراۋعا شاقىردى.
بۇدان كەيٸن ول مەكتەپتٸڭ كٸتاپحاناسىندا ەكو-ساباق ٶتكٸزدٸ. بالالارعا تابيعاتتىڭ ادام ٶمٸرٸندەگٸ ماڭىزى تۋرالى ەڭگٸمەلەپ, جەر, سۋ, اۋانى ساقتاۋ جايىندا كەڭەستەرٸن ايتتى. ەكولوگيياعا دەگەن جاۋاپسىزدىقتىڭ سالدارى سٶز بولعان جيىندا بالالار دا مينيسترگە ٶز ساۋالدارىن قويىپ, اشىق پٸكٸر الماستى. «بٸز بارىنشا ەنەرگييا مەن سۋ شىعىندارىن ازايتۋعا اتسالىسۋىمىز كەرەك. ٶيتكەنٸ, قازٸرگٸ ۋاقىتتا سۋعا دەگەن سۇرانىس حالىق سانىنا قاراعاندا 2 ەسە جىلدام ٶسۋدە», - دەدٸ ا.رايىمقۇلوۆا.
وسىدان كەيٸن ۆەدومستۆو باسشىسى وقۋشىلارمەن بٸرگە مەكتەپ اۋلاسىنا اعاش وتىرعىزدى. بۇل رەتتە ا.رايىمقۇلوۆا بالالارعا تابيعاتتىڭ ەڭ ماڭىزدى ەلەمەنتٸ سانالاتىن اعاش وتىرعىزۋدىڭ پايداسى جايلى ايتىپ بەردٸ. «بٸر اعاش 2 ليتر وتتەگٸن ٶندٸرە الادى. ال بۇل - بٸر ادام ٷشٸن 3 كٷنگە جەتەتٸن اۋا. تابيعاتقا جانى اشىعان عالامشاردىڭ ەر تۇرعىنى جىلىنا كەمٸندە 14 اعاش وتىرعىزۋى تيٸس», - دەدٸ مەدەنيەت جەنە سپورت مينيسترٸ.
