اقتٶبە تۇرعىنى جىن جايلاعان ٷيدەن وتباسىمەن بٸرگە قاشىپ شىققان. قالانىڭ ٸرگەسٸندەگٸ اۋىلداردىڭ بٸرٸندە تۇرعان ول ٷنەمٸ وتباسى مٷشەلەرٸنٸڭ مازاسى قاشىپ جٷرگەنٸن جەتكٸزدٸ, دەپ جازدى "تٸلشٸ".
«راس, تۇرعان ٷيٸمٸز ەسكٸ بولدى. بٸز ونى جالداپ تۇردىق. بٸزبەن بٸرگە تۇراتىن ستۋدەنت قۇدا بالامىز ٷيگە كٸرۋدەن شوشىپ, ٷلكەندەر كەلگەنشە دالادا كٷتٸپ وتىرعان. سٶيتسەك, ٷيدٸڭ ٸشٸندە ونى بٸر ەلەس مازالايتىن بولسا كەرەك. تاعى بٸردە, سىرتتاعى ەجەتحانانىڭ جانىنان كٸشكەنتاي بالاسى بار ەيەل بەينەسٸ كەتپەي قويدى. ٶز ٷيٸمٸزدەن ٶزٸمٸز قورقا باستادىق», — دەدٸ جاسى 20-21 جاس شاماسىنداعى اقتٶبەلٸك.
اتى-جٶنٸن كٶرسەتپەۋدٸ ٶتٸنگەن ول اتا-اناسىمەن بٸرگە اۋىلعا كٶشٸپ كەتكەنٸن ايتادى. كٶشەدە جىن كٸرٸپ كەتكەن ادامداردى بٸردەن بايقايتىنىن العا تارتادى. جاسى بٸرازعا كەلگەن ادامدار بالانىڭ تٸلٸمەن سٶيلەيدٸ. نەمەسە, داۋىسى گٷجٸرەيٸپ شىعاتىن ٷلكەن ەر ازاماتتاردىڭ ەيەل داۋىسىمەن ساندىراقتايتىن بولسا كەرەك. «ونداي كەزدە «ٸشٸنە جىن كٸرگەن ەكەن عوي» دەپ جٷرە بەرەتٸن حالگە جەتتٸم» دەيدٸ تۇرعىن.
«اقتٶبەنٸڭ ەسكٸ بٶلٸگٸندەگٸ ٷيلەردٸڭ بٸرٸندە دە جىندار جيٸ كەزٸگەدٸ. ٶز باسىم ستۋدەنت قىزدىڭ بويىنان جىندى شىعاردىم. ٷنەمٸ شىڭعىرىپ ايقايلاپ جاتادى ەكەن. دەم سالىپ, جىنىن شىعارامىن. قاسىمىزدا جٷرگەن قىزدار مەن جٸگٸتتەر بٸلەدٸ. جىن كٸرگەن سەتتە ولار باسقا بٶلمەلەرگە قاشىپ كەتكەن. ەڭ بولماعاندا ەكٸ-ٷش جٸگٸت كەلٸپ, كٶمەكتەسسە دەيسٸڭ عوي. ٶيتكەنٸ, بويىندا جىنى بار ادام ەل بەرمەيدٸ. اناۋ-مىناۋ ەر ادامداردى جەرگە اتىپ ۇرادى. 4-5 ەركەك جابىلعاندا ەلدەرٸ جەتپەي جاتادى», — دەيدٸ اقتٶبەنٸڭ تۇرعىنى «تٸلشٸگە» بەرگەن سۇحباتىندا.
ەلگٸ بويجەتكەننٸڭ بويىنان جىنىن شىعارىپ بەرگەن سوڭ, جاعدايدىڭ قالاي بولعانىن دا سۇراستىرسا كەرەك.
«قىزدىڭ ايتۋىنشا, كٶزٸ كٶرمەي قالادى, سۋ قاراڭعى جەرگە قارا كيٸم كيگەن جىندار بٸرٸنەن سوڭ بٸرٸ كٸرٸپ, قاتارىمىزعا قوسىلاسىڭ دەپ قورقىتاتىن سيياقتى. قول-اياعىنان جابىلىپ ۇستاپ الىپ, سٸلٸكپەسٸن شىعارادى ەكەن. «ەيتپەسە, ٶلتٸرەمٸز» دەپ قىلعىندىرادى. ادام سول كەزدە جان داۋىسى شىعىپ, ايقايلاي باستايدى. كٷشٸ دە ەسەلەنەدٸ. مەنٸڭ تٷسٸنٸگٸمدە دەم سالۋ — قۇران سٷرەلەرٸن وقىپ, جىنداردى قايتارۋ. جىندار لاس جەردە جٷرەدٸ. ٷيدە قۇران بولسا, ونى جوعارىعا الىپ قويۋدىڭ قاجەتٸ جوق. ٷنەمٸ وقىپ جٷرۋ كەرەك. جىندار قۇران وقىلاتىن جەردە از بولادى نەمەسە مٷلدەم بولمايدى», — دەيدٸ جٸگٸت.
بٷگٸندە ەڭگٸمەلەسۋشٸمٸز اۋىلدا باسپانا جالداپ تۇرادى. ەردايىم قولىنان قۇران تاستاماي, سٷرەلەر وقىپ جٷرەتٸنٸن ايتادى.
