«حالىق قاۋٸپسٸزدٸگٸن قامتاماسىز ەتۋ» جوباسى اياسىندا قالا مەن 5 اۋدانداعى 80 نىساننىڭ لاڭكەستٸك وقيعاعا دايىندىعى تەكسەرٸلدٸ. ينتەرنەتتە تەرروريستٸك مازمۇنداعى 290 ماتەريال انىقتالىپ, باسىم بٶلٸگٸ جويىلدى, دەپ حابارلايدى قازاقپارات تٸلشٸسٸ.
«حالىق قاۋٸپسٸزدٸگٸن قامتاماسىز ەتۋ» جوباسىن باس پروكۋراتۋرا باستاپ, جەرگٸلٸكتٸ ەكٸمدٸك قولداپ, قازٸرگٸ ۋاقىتتا اقتٶبەدە جۇمىس ەلٸ جالعاسىپ جاتىر. اقتٶبە قالاسى مەن العا, بايعانين, تەمٸر, مۇعالجار, شالقار اۋداندارىنا بيىل ەلەۋمەتتٸك قىزمەتكەرلەر مەن دەرٸگەرلەر, تەولوگتار مەن يمامدار, بيزنەس كەڭەسشٸلەر تاعى باردى. كەزدەسۋ مەكتەپتە, مەشٸتتە, اۋرۋحانادا, كەسٸپورىنداردا ۇيىمداستىرىلعان. جات اعىم جەتەگٸندە جٷرگەندەردٸڭ كٶشٸن باستاپ تۇرعان تەمٸر, مۇعالجار, شالقار اۋداندارىندا تەولوگتار توپتىق ەمەس, جەكە ەڭگٸمەلەسۋ جٷرگٸزگەن. ەزٸرگە 40 ادام ٶز كٶزقاراسىن ٶزگەرتۋگە بەيٸم ەكەنٸن كٶرسەتتٸ. تۋرا جولعا تٷسٸرۋ جۇمىستارى ەرٸ قاراي جالعاسادى. پروكۋرورلار باستاعان جۇمىس توبى تەرروريستٸك تۇرعىدا وسال نىسانداردى نازاردان تىس قالدىرماعان. ەرٸ ينتەرنەتتەن تەرروريستٸك مازمۇنداعى 290 ماتەريال تابىلىپ, ونىڭ 163-ٸ جويىلدى.
«تەكسەرۋ كەزٸندە 80-گە جۋىق تەرروريستٸك تۇرعىدان وسال نىسان زەرتتەلدٸ. ولار: مەكتەپتەر مەن بالاباقشالار, بازارلار مەن قارۋ ساقتالاتىن ورىندار, ادام كٶپ شوعىرلاناتىن نىساندار. بەينەكامەرالار مەن كٷزەتشٸلەردٸڭ جۇمىسىندا كەمشٸلٸكتەر بار. نىسان يەسٸنە ۇسىنىستار بەرٸلدٸ. جاۋاپكەرشٸلٸككە تارتقان جوقپىز. زاڭ بويىنشا 100-دەن 500 ايلىق ەسەپتٸك كٶرسەتكٸشكە دەيٸن ايىپپۇل قاراستىرىلعان. بٸزدٸڭ ماقساتىمىز - جاۋاپقا تارتۋ ەمەس, كەمشٸلٸكتەردٸ جويۋ. ال تەرروريستٸك مازمۇنداعى جازبالارعا كەلەر بولساق, اقپارات جەنە كوممۋنيكاتسييالار مينيسترلٸگٸندەگٸ تەحنيكالىق قىزمەت بٸز بەرگەن سٸلتەمە بويىنشا ماتەريالداردى جويادى. تەحنيكالىق مٷمكٸندٸكتەرٸ بولسا بٸردەن جويىپ جٸبەرەدٸ. مٷمكٸندٸكتەرٸ بولماسا, سول سايتتىڭ ەكٸمشٸسٸمەن, يەلەرٸمەن بايلانىسادى. تاعى بٸر ايدا بەرٸنٸڭ كٶزٸن جويامىز دەگەن سەنٸم بار», - دەدٸ اقتٶبە وبلىسى پروكۋرورىنىڭ بٸرٸنشٸ ورىنباسارى نۇردەۋلەت سٷيٸندٸكوۆ.
«بيزنەستٸ دامىتۋ» باعىتى بويىنشا قارجى ينستيتۋتتارى ارقىلى 414 ميلليون تەڭگە بەرٸلدٸ. تاعى 235 ميلليون تەڭگەنٸڭ بيزنەس جوباسى ماقۇلداندى.
«ەر-نۇر» شارۋا قوجالىعىنا كارتوپ تۇقىمىن ٸزدەپ, ونى جەتكٸزۋ جولدارىن شەشٸپ بەردٸك. ال مٷمكٸندٸگٸ شەكتەۋلٸ جان شٸلدەباەۆقا تٸگٸن ماشيناسى سىيعا بەرٸلدٸ. ول كيٸم تٸگٸپ, كەسٸبٸن باستاعىسى كەلەدٸ. «بيزنەس باستاۋ» كۋرسىنا 285 ادام جازىلدى. ال 75 ادام «بيزنەس كەڭەسشٸ» كۋرسىنان ٶتٸپ, ارنايى سەرتيفيكات الدى. بۇل ولارعا مەملەكەتتٸك باعدارلامالارعا قاتىسىپ, كەسٸپپەن اينالىسۋىنا مٷمكٸندٸك بەرەدٸ», - دەدٸ اقتٶبە وبلىسى پروكۋرورىنىڭ بٸرٸنشٸ ورىنباسارى نۇردەۋلەت سٷيٸندٸكوۆ.
ال «ەلەۋمەتتٸك قولداۋ» باعىتى بويىنشا 44 ادام جۇمىسقا ورنالاستى. سونىمەن قاتار 24 بالاعا جەردەماقى تاعايىندالدى. اۋىل ادامدارىنىڭ دەنساۋلىعى تەكسەرٸلٸپ, 300-گە جۋىق بالانىڭ تٸسٸ ەمدەلدٸ. بارلىعى 500-دەن استام ادام ەمدەلٸپ, ونىڭ 141-ٸ اۋرۋحاعا جاتتى. 100 وقۋشى ساۋىقتىرۋ ورىندارىنا جولداما الىپ, 25 ادامعا وتا جاسالدى. جوبا اياسىندا اۋىل بالالارى ٷشٸن تەگٸن بٸلٸم الۋعا مٷمكٸندٸك تۋدى. جۇمىس توبى 37 بالانى ٸرٸكتەپ الىپ, ولاردىڭ كوللەدج بەن ليتسەيلەردە تەگٸن وقۋىنا مٷمكٸندٸك جاساماق. بٸر ايعا سوزىلعان جۇمىس كەزٸندە 7 توپتا 130-دان استام ساراپشى ەڭبەك ەتتٸ. ولار 57 اۋىل مەن 5 قالاعا بارىپ, بارلىعى 100 مىڭ ادامدى قامتىعان كەزدەسۋ ٶتكٸزدٸ.
